Rut 1:21 - Biblia Dc en Mixe de Quetzaltepec

²¹ Koos yaa ntso'ony, mayës winë nmëtso'ony, tyam jëtu'unyës ja'ay'äjty të nwinpity, jä'ä ko jëtu'un yë Wintsën tsojkën'aty. ¿E tiijës ko je'eyëm xytyijtëty Noemi, pën tëë yë Wintsën mëti'ipë maaytyääyëpën winë xypyokyës ets të xymyo'oyës ja ëyo'on jotmay?

Biblia Mixe de Quetzaltepec

²¹ Koos yaa ntso'ony, mayës winë nmëtso'ony, tyam jëtu'unyës ja'ay'äjty të nwinpity, jä'ä ko jëtu'un yë Wintsën tsojkën'aty. ¿E tiijës ko je'eyëm xytyijtëty Noemi, pën tëë yë Wintsën mëti'ipë maaytyääyëpën winë xypyokyës ets të xymyo'oyës ja ëyo'on jotmay?

Rut 1:21 ပူးပေါင်းရင်းမြစ်များ

Job 1:21

Ënet y'ënäny: Niwa'ats ëxwa'atsës të nminy naaxwiiny, näjyëtu'unës jatëkok ntsoona'any. Wintsënës winë të xymyo'oy, nän yë'ëjës winë xypyëjkëjaanp; kënu'kxy mëjjawë yë Wintsën yë xyëëw y'ity.

Job 10:17

Ka'ap xyaj'ëmaaytyä'äky mëti'ipës xynyi'ëënëpën; ni'ikyë xyajkëjääjë yë mjoot'an mëët ëjts; jëtu'un tä tsiptuunpëtëjk tsyiptuntën, jëtu'unës mijts xëmë xynyipëtë'ëky.

Job 13:26

Ëxëëkëm yë aaw ayuk mijts xytyuknipëtsëmyës; yi'iyës janaam jatsojk xy'amëtoop wi'ixës të ntuuntëkoyën winë koos të n'ëna'k'aty.

Job 16:8

etsës të xypyëjktä'äky pujxn tëkoty. Tëkatsyës të xynyi'ëënë; ka'ap myëtëyëty ijxtëmës yë npoky të xy'ixtaayën.

Job 30:11

Tyam maas nyajpaatyën ëyoop jotëkoopy ets jëtu'un tä tu'uk yë tsiptuunpën mëti'ipë tëë yajpëjkën mëti'ipë myëtsiptuunpyën, tyam ka'apës xy'ëkwinkutsë'kënëtë.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Rut 1:13

Miitsëty ka'ap mëta'aktëty m'ëwxitëty ets y'ëkyääk y'ëkpatëty tääts mëët mpëktëty. Ka'ap mëpaat jyëtu'un'aty u'unk maayëty. Yë Wintsën yë'ë të tyajkutuky etsës mon tuk nyajpaatëty, e ëjts nëjkxëpës ni'ik nmony ntuky koos n'ixëty miits o'ktëy mjajnëtë nkëpäjnëtë.