Rut 1:17 - Biblia Dc en Mixe de Quetzaltepec

¹⁷ Jamës n'ookëty ma ënety m'ookyën ets jamës naaxtëkëty ma ënety mnaaxtëkën. Dios mëkës nëjkx xytyiytyuny ko ënety mijts n'ëxmajtspë, ënät tëy n'ëxmatsëty koos ntimy ookëty.

Biblia Mixe de Quetzaltepec

¹⁷ Jamës n'ookëty ma ënäty m'ookyën ets jamës naaxtëkëty ma ënäty mnaaxtëkën. Tios mëkës nëjkx xytyiytyuny ko ënäty mijts n'ëxmajtspë, ënät tëy n'ëxmatsëty koos ntimy ookëty.

Rut 1:17 ပူးပေါင်းရင်းမြစ်များ

2 Samuel 15:21

Tä ja Itai t'ëtsooy ja ënä'ämpë: Wintsën, tyam yajxon ntuk'ëwaanëty, pën maa mijts mnëjkxy ëjts nän jamës nnëjkxa'any, oy y'o'kën jëjp'amëty ëkë oy jyamëty ma juukyajtënën.

2 Samuel 19:13

Ojts näjyëtu'un tni'ënä'ämë ko t'ënëëmëtëty ja Amasá: Mijts njëëky'äjtyp nmëku'uk'ajtyp yë'ë, paaty yam n'ënëëmë ko mijts jëtu'un ënät ja Joab mkutëjkënëp, ma xywyintänëtyën ja tsiptuunpëtëjk. E pën ëjts ka'apës npatuny ja n'aaw n'ayuk yë Wintsën yë'ëjës nëjkx xytyiytyuny.

2 Samuel 3:35

Tä ojts tjaninëjkxtë ja David ets t'ënëmaaytyë ets jeexyë wäänë kyäy, David tyaa y'ëtsooy: Yë Wintsën yë'ëjës xytyiytyunëp, pën ëjts n'apëjkëpës yë kääky uuky maas yë n'aaw njotën ma ka'ap yë xëëw kyëtä'äkynyëmën.

2 Samuel 3:9

Ëjts kopkpëkyës ko jëtu'un winë ntuna'any tä yë Wintsën të tukwinwanën yë David, ko yë'ë yajmo'oja'any yë kuttujkën ets yë'ë tu'uwinye'eyëty yë naax kajpn, e koos ëjts jëtu'un nkatunëty tsojkës xy'ëktëytyuunëty;

1 Reyes 13:31

Ko tyajnaaxtëjkëtyääy, tää ja y'ëna'k t'ënëmaay: Koos ënety ëjts n'ooky, yaajës nëjkx näjyëtu'un xyajnaaxtëkëtë, ma ya'atë ja'ay tyam nyaaxtëkën, mëti'ipë Wintsën myëtuunën. Yë nwaay npajkës yë'ë nëjkx ya'atë ja'ay yë wyääy pyajk xytyukpukonëtë,

1 Reyes 19:2

Ënet ja Jezabel ënätyë tkejxy tu'uk ja kukäjpxy ma ja Elías jam yajpaatyën ets t'ënëëmëty: Pën mijts mxëëwajtyp Elías ëjts jä'äs nxëëwajtyp Jezabel. Ëjts mëj këjääjës yë wintsëntëjk xytyukpoky'atëty ko mijts ka'ap jëpom ya'atpë horë näjyëtu'un mjatëty mkëpätëty tä yë Baal yë myëtuunpëtëjk të xytyunyën.

1 Reyes 2:23

Ko jëtu'un kyajpxtaay ja yajkutujkpë Salomón, tä y'ënäny: Yë Wintsën yë'ëjës mëk xytyiytyunëp pën ëjts ka'apës ntukumëtoy yë Adonías mëët mëti'ipë të tkäjpxyën.

1 Reyes 20:10

ja Ben-adad ojts jatëkok tnikäjpxykyäxë ja Ahab ets t'ënëmaay: Yë tiosës xytyiytyunëp, pën wë'ëmp jam yë naaxway Samaria mëti'ipës jeexyë nmoopyën këëk tu'knuuky ja ntuunpëtëjkës.

2 Reyes 6:31

Ënet ja yajkutujkpë mëk yujk'ënany: Yë Wintsën yë'ëjës mëk xytyiytyunëp pën ëjts ka'apës tyam yë Elisejë yë kyëpajk nyajjënajkë, yë myaank yë Safat.

Salmos 45:10

Mëtoow'it, mijts u'unk mijts nëëx; yajxon ja'akyukë mëti'ipë yam ntuk'ënëëmëjäämpyën: Ja'atyëkoy yë mteety mtaak ets tëkokyë yë mjëëky mmëku'uk,

Hechos 11:23

Ko jam jyä'äjty ja Bernabé ets t'ijxy wi'ix ja antioquiiëtë ja'ay ënety tëë ja Dios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Hechos 20:24

Ka'apës yë'ë nmëjpëjktä'äky; yë njuukyajtënës ka'ap tii tsowëty, yi'iyës ntukjotkujk'ajtyp ko ja ntuunkës nyajwintu'upëka'any mëti'ipës yë Wintsën Jesús të xytyuknipëkyën ets nkajpxwa'kxëtyës ja aaw ayuk oypyë ets ntuknijawëtës wi'ix ja Dios ja ja'ay ttsoky tjawën.

Rut 1:16

E ja Rut tyaa y'ëtsooy: Këtiijës xy'atsip'aty ets mijts n'ëxmatsëty. Ëjts tëëjës ntuknipëjktaakë ko mijts npanëjkxa'any; ma mnëjkxyën jamës nnëjkxa'any; ma mjuuky'ätyën jamës njuuky'ata'any. Yë mkajpn yë'ëjës nkajpn'atäämpy ets mTios yë'ëjës nTios'atäämpy.

Rut 4:15

Yë'ë nëjkx myajjotkujktä'äkyë ets mwinwitsëtëty ko ënety mëj ja'ayënë mëët jä'äkyëjxm ko yë'ë t'u'unk'aty yë mxäkxy Noemi, mëti'ipë mëk mtsojkëpën mja'awëyëpën, mëti'ipë jëtu'un mëët'ajtypyën tä jeexyë niwëxtujk yë u'unk maay xymyëëtëtyën.

1 Samuel 14:44

Tä ja Saúl mëk yujk'ënany: Yë Dios yë'ëjës xytyiytyunëp pën mijts ka'ap m'ooky, Jonatán.

1 Samuel 20:13

e pën nijawë'ajtypës ko mjantyyaj'ookanëp. Yë Dios yë'ëjës mëk xytyiytyunëp pën ka'ap n'ëwaanë ets pën ka'ap yajxon mputëkë ets tjëkyäpëty mkä'äkëty. Yë Dios yë'ë mëj këjää mputëkëjanëp jëtu'un tääjës ja nteety të tputëkën.

1 Samuel 25:22

Paaty ojts tnikäjpxy Dios wintum ets y'ënäny: Dios yë'ëjës xytyiytyunëp pën ëjts ka'apës tääpë ja'ay nyajkëjxta'ay mëët tëkokyë yë y'u'unk tyo'oxytyëjk, jyiiky myëku'uk.

1 Samuel 3:17

Ets ja Eli yajtëëwë: ¿Wi'ix yë Wintsën të m'ënë'ëmxëty? Tun yë mëyajtën tuk'ëwa'anëkës, këtii xykyuyu'utsy. Yë Dios mtëytyunëtëp yë'ë pën mijts mkuyu'tsyp mëti'ipë yë'ë të mtuk'ëwa'axëtyën.