Romanos 9:4 - Biblia Dc en Mixe de Quetzaltepec

⁴ Yë'ë u'unk'ajt ok'ajtëtëp ja Israel, ets ja Dios të kyupëkëtë tä y'u'unkën. Yë Dios ojts yajpaaty ma yë'ëjëtyën mëët ja myëj'ajt y'oyajtën, ets myooyëtë ja ënä'ämën ets ja waantakën, näjyëtu'un wi'ix twinjawëtëty twintsë'ëkëtëty ja Dios.

Biblia Mixe de Quetzaltepec

⁴ Yë'ë u'unk'ajt ok'ajtëtëp ja Israel, ets ja Tios të kyupëkëtë tä y'u'unkën. Yë Tios ojts yajpaaty ma yë'ëjëtyën mëët ja myëj'ajt y'oyajtën, ets myooyëtë ja ënä'ämën ets ja waantakën, näjyëtu'un wi'ix twinjawëtëty twintsë'ëkëtëty ja Tios.

Romanos 9:4 ပူးပေါင်းရင်းမြစ်များ

Efesios 2:12

ja'amyätstë ko jëwyiinyëp ka'ap ijty mëët ja Kristë m'itë, winjëkämjaty ijty myajpaatë ma ja Israel ja'ayëtyën, ets mëjëkäm'ajtëp ja Dios ja wyaantakën. Jëtu'un ijty miits yaa naaxwiiny mjuuky'atë, ka'ap ja Dios xynyijawëtë ets nitii xykyajëjp'ixtë.

Salmos 147:19

Yë Jacob, mëti'ipë näjyëtu'un yajtijpën Israel, ojts yajtuknijawë yë y'aaw y'ayuk ets y'ënä'ämën tyiyajtën.

Romanos 9:6

Ka'apës n'ëna'any ko ja Dios ka'ap tkuuytyuny ja y'aaw y'ayuk; paatyës jëtu'un n'ëna'any jä'ä ko mëti'ipë nätyijëtëpën Israel ja'ay ka'ap ni'ëmukë y'israel ja'ay'atë.

Génesis 17:2

Ntunäämpyës yë käjpxytyu'unën mëët mijts ets xymyëët'atëty may yë m'u'unk m'ok.

Hechos 2:39

Miits yë Dios të mtukwinwanëtë mëët yë m'u'unk m'ëna'këty ets jënu'un yë naaxwiinyëtë ja'ay mëti'ipë jëkämpaat tsënaaytyëpën, ni'ëmukë mëti'ipë ja Wintsën wyinwitsäämpyën.

Deuteronomio 7:6

Jä'ä ko miitsëty tëë yë Wintsën mëti'ipë mTios'ajtëpën mwin'ixëtë, ko yë'ë mkajpn'ata'anëtë. Kanaak yë naax kajpn jää yajpaaty, e miitsëty tëë myajwin'ixtë ets mnaxtëty Dios yë kyajpn.

Éxodo 4:22

Ënet xy'ënëëmëty yë yajkutujkpë: Jëtu'un yë Wintsën y'ënä'äny: Yë Israel yë'ëjës jëtu'un nja'ap tääjës jeexyë nkä'äxkopkëtyën.

Hebreos 9:1

Ja mëjëwyiimpë ja käjpxytyu'unën myëët'ajtyp ijty ja ënä'ämën wi'ix ja Dios yajwintsë'ëkëtyën, je'eyëp ko jam ma tu'uk ja tsajptëjkën mëti'ipë yaa naaxwiinyëtën.

Salmos 89:3

Ojts tu'uk yë käjpxytyu'unën xytyuny mëët yë David, ets ojts xytyukwinwanë ja mtuunpë mëti'ipë ojts kë'ëm xywyin'ixyën:

1 Reyes 8:11

e mëët ko ënety tëë nyitujkta'ay ja tsajptëjk mëët ja yoots, ja teetytyëjkëty ka'ap ojts t'ëkjëkyäjpnë jam kyajpxta'aktëty winkon, jä'ä ko ja Wintsën ja myëj'ajt y'oyajtën tëë ënety ja tsajptëjk tyajtuktuky.

Romanos 8:15

Miitsëty ka'ap yë'ëjëty të myajmo'otë ja Kënu'kxymyëkajtën mëti'ipë tëytyuunpën ets yajtsë'këpën, yë'ë të myajmo'otë mëti'ipë myajnaxëtëpën Dios u'unk. Mëët ya'atë ja Kënu'kxymyëkajtën ëëts n'ëna'anëmë: Tatë, Teety.

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Dios të xykyënu'kxëmë ets të xytyuknija'awëmë ja tëypyë jaantypë.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Deuteronomio 14:1

Tëë xynyijawëtë, ko miitsëty mWintsën m'u'unk'ajtëtëp. Paaty këtii nëkoo mjot mnini'kx oy wi'ix xytyuntëty, këtii nëkoo xyajtsëtyut xyajwintëkoytyëty. Ni yë'ë mwaay mkopk ëxaty xykyatuntëty ko pën y'ookëty tyëkoyëty.

Génesis 17:7

Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

Hebreos 9:10

Ka'ayën ukën ja je'eyë nyikäjpxyp ets wi'ix ja ja'ay wa'ats nyäyaj'itëtëty, nëkëjxypyë ënä'ämën yë'ë, yë'ë tyuuntëp xëmë koonëm ja Dios tyajtëkatsëty.

Hebreos 9:3

Ma ja mëmäjtskpë tëkotën jä'ä xyëëwajt Tëkot ni'ik wa'atspë;

Juan 1:47

Ko ja Jesús t'ijxy ko ja Natanael myëwinkonyë ënät y'ënäny: Tyaa tu'uk ja Israel ja'ay mëtëypyë mëti'ipë ka'ap y'antä'äkyën.

Mateo 21:33

Mëtoow'itë ya'atë wiinkpë ijxpäjtën: Tu'uk ja ja'ay ojts tpëjktä'äky ja tsyätym kam ets tnakeemy tnapëjky, ënät t'oytyuuny tu'uk ja tsyätym mä'tstakn ets ojts tkojy tu'uk ja potsy janty këjxm ma yajkëwent'atëtyën ja kam. Tääts ja tuunpëtëjk yajtukë'ëtëjkëtyë ënu'kxy ja kam ets ojts nyijkxy ëpëky it ja wintsën.

Oseas 11:1

Ko yë Israel kajpn ënety pyi'k'atynyëm, ntsojkpy nja'apës ijty; yë'ëkyëjxm ko ënety n'u'unk'atyës, ojtsës nyaxtsoy ets tsyoonëty jap Egiptë.

Jeremias 31:20

Yë Efraín yë nyaax kyajpn u'unk maayënës ntsoky njawë; yë'ëjës tu'uk n'u'unk'ajtyp nmaay'ajtyp mëti'ipës mëk ntsojkpyën. Oyës muum ntuk'ojy yë tyëko'oyën, ëjts ka'apës nja'atyëkoy; jëëpy yaxpës njawë n'aaw njot ets npa'ëyoopyës jatëkok. Ëjts Wintsën, ëjts ënaanp.

Jeremias 31:9

Tam mëti'ipë minaanpën kajpxtakp, tam mëti'ipë minaanpën jëëpy yaxp. Jamës nyajnëjkxa'antë ma nëë ka'ap y'ëmaayëtyën ets Joytyuuyës nyajye'eya'antë këtiipë y'anäp y'atä'pxëtëty, jä'ä ko ëjts yë Israel kajpn xytyeety'ajtp ets Efraín yë'ëjës nkä'äxkopk'ajtyp.

Isaías 60:19

Mijts ka'ap nëjkx xyajmëyäty mxëëw ni'anëty, ëkë po'o koots mkutë'kxëtëty, jä'ä ko mijts kë'ëm ntimkyutë'kxäämp xëmë; ëjts mëti'ipës Tios'ajtpën, ëjts mijts nkutë'kxäämpy.

Isaías 46:3

Mëtoow'itë ya'atë aaw ayuk, miitsëty Jacob yë y'u'unk y'okëty mëti'ipë të wyë'ëmtën ma ja Israel kyajpnën: Tëë miitsëty ntsëëmjëtitë ka'anëm ënety mintënëm naaxwiiny naaxkëjxy; tëë ntsääntë nkontë,

Isaías 41:8

Mëtoow'itë ya'atë aaw ayuk, miitsëty Israel ja'ayëty, mëti'ipë Jacob nyaax'ajtyp kyajpn'ajtypyën, ja ntuunpës mëti'ipës të nwin'ixyën, ja naax kajpn ma tsyëënëtën ja nmëku'ukës Abraham ja y'u'unk y'ok.

Isaías 5:2

Yajxon ojts naax tajyuky, wa'ats tpiiwpëtsëëmtaay ja tsaa ets ojts nakemy. Jam kam'itkujky ojts tu'uk ja tëjk tkojy, ets tnipëjktakëy ma ja tsatym yajwinma'atsëtyën. Ja nmëku'ukës jëtu'un tjëjp'ixy pa'ak yowë ja tsatym pyëtsëmëty, e ko ja tsatym ojts tyëëm'aty, aak xunëty ojts pyëtsimy.

Salmos 90:16

Mijts myajkutukëp ets mtuunpë yë y'u'unk y'ok t'ixtëty wi'ix winë të xytyuny të xykyäjpxyën ets wi'ix yë mmëj'ajt m'oyajtën y'ityën.

Salmos 89:34

Ka'apës njëjpkajpxtu'uta'any yë nkäjpxytyu'unënës, yë n'ayukës xëmës nkuuytyuna'any.

Salmos 78:61

Ojts t'ëwatsë ja nyë'ë tyu'u ja myëtsiptëjk ets yë'ë tjä'äniwa'antëty ma ënety y'ityën ja myëj'ajt y'oyajtën.

Salmos 73:1

Janty oy yë Dios Tyios'aty ma Israel ja'ayëtyën, mëti'ipë wa'ats yë jyot wyinma'anyëtyën.

Salmos 63:2

Jëtu'un njajanty'ixa'any ma mtsajptëjkën, etsës njatukxoonta'aka'any ja mmëkajtën m'oyajtën,

Nehemías 13:29

Wintsën, ma mijts n'ëwtatyën, këtii xyjyä'äytyëkoyëty mëti'ipë të tjaamtään të tnaaxtaantën ja teetyëjk ja y'oytyu'un y'oykajpxënëty ets ja Leví ja'ayëty.

Deuteronomio 31:16

Ënet yë Wintsën t'ënëmaay yë Moisés: Wäänë y'itëty tääts m'o'knëty. E ya'atë naax kajpn ënätyë yë jyot wyinma'any tyajtëkoya'antë ets wiink wintsën ënätyë pyanëjkxantëp pën jëtu'unyë y'itë, ko ja Wintsën t'ëwtatëty mëti'ipë jam yajpatëpën ma ja naax kajpnën, mëti'ipë nyiwa'akantëpën. Ëjts nëjkxëpës xyjyä'äytyëkooynyëtë ets ja käjpxytyu'unën ka'ap nëjkx t'ëktuunëtë këwentë.

Deuteronomio 29:14

E kajts ënät n'ëna'anmëty mijts'ajtyë yë Dios mëët yë käjpxytyu'unën të tyaj'apaatë,

Deuteronomio 29:1

Jëtu'un ojts jyëjpkëxy ja mëtyä'äky mëti'ipë ja Wintsën tyuk'ënä'ämën ja Moisés ets tunëty tu'uk ja käjpxytyu'unën mëët ja Israel kajpn jam Moab. Ëpëky ja käjpxytyu'unën mëti'ipë tyuunën jam ma ja Horeb kopkën.

Éxodo 40:34

ënät ja yoots nëma'a ojts tyajnituky ja wit tëjk ma ja näpyaatë y'ityën mëët ja Dios ets tyajtuktujktaay mëët ja myëj'ajt y'oyajtën.

Éxodo 34:27

Ënet yë Dios t'ënëmaay yë Moisés: jä'ä ya'atë aaw ayuk, jä'ä ko yë'ë mëët wyintu'upëky ja käjpxytyu'unën mëti'ipës yam ntuunpyën mëët mijts ets mëët yë naax kajpn.

Éxodo 12:25

Ko ënety miitsëty jam të mja'ajnëtë ma ja naaxwiinyëtën mëti'ipë ja Dios mo'ojanëtëpën, jëtu'un tä yë'ë twinwa'anëyën, ya'atë xëëw je'eyëm jam xytyuun'ëtë'ëtstëty.

Génesis 32:28

Tää ja naaxwiinyëtë ja'ay y'ënëmaayë: Ka'ap tyam mijts xy'ëkxëëwajtnëty Jacob, Jä'ä mxëëwajtnëty Israel. Jä'ä ko mijts Dios tyam mëët të mtsiptuny ets mëët tu'kë'ëyë yë naaxwiinyëtë ja'ay ets tëë xymyëmëtä'äky.

Génesis 17:10

Yë'ë ya'atë käjpxytyu'unën mëti'ipës yam ntuunpyën mëët mijts. Oy y'oyëty ko m'u'unk m'ok tuntëty. Tu'kë'ëyë mëti'ipë ja'ay ijtp ma miitsëtyën, oy kyopkpëkyëty ko yajnatsujk'ëwtitëty ja ye'etyëjkajtën.

Génesis 15:18

Jä'ä xëëw ojts ja Dios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

Romanos 3:2

Tuunp mëk ets kanaakpëky. Mëtu'kpëky ko jam ojts ja Dios ja y'aaw y'ayuk najtskäxë ma jutiis ja'ayëtyën.

Deuteronomio 4:13

Yë Wintsën ojts mtuk'ix mtuknijawëtë yë kyäjpxytyu'unën, majk ojts ja ënä'ämën tëyajtën tja'ay ma mäjtsk ja tsaajën mëti'ipë kepy tsyetsyën ets ojts tni'ënä'ämë ets xykyuuytyuntëty.

Ezequiel 1:28

Tä i'tyën mëti'ipë këxë'kpën xëëw'an akujky ko tyu'uja'any, jëtu'unës ja Dios ja myëj'ajt y'oyajtën të n'ijxë. Koos jëtu'un të n'ixy täätsës të nwintä'äky të nnaaxkoy, yë'ëjës yë nwinpok ntukpatyp yë naax.

2 Corintios 11:22

¿Hebreo ja'ay yë'ëjëtyë? Ëjts näjyëtu'un. ¿Israel ja'ay yë'ëjëtyë? Ëjts näjyëtu'un. ¿Abraham yë'ë y'u'unk y'okëtyë? Ëjts näjyëtu'un.

Gálatas 3:16

Näyjyëtu'un ënät, Dios ojts tukwinwanë ja Abraham mëët ja y'u'unk y'ok ja oypyë ja juukyajtën. Yë Dios yë y'aaw y'ayuk ka'ap ni'ëmukë ja'ay tijta'ay: U'unk ok, jä'ä y'ënäny mijts yë m'u'unk m'ok, ja Kristë yajtijp.

Hebreos 9:5

Jam kaaxë nëkëjxm yajpaatë ja querupines këxkojy, mëti'ipë yajknikëxë'ktëpën ja Dios ja myëj'ajtën jyääntyajtën ets tnikë'ëtë ja kaaxë mëët ja kyäknëty. E tyam ka'ap y'ëkkopkpëky'ajnë ets kä'pxy yajnimëtyakta'ajëty.

Hebreos 9:6

Ko jëtu'un yajnipëjktakëy, ja teetyëjkëty winjëpom tyëkëtë ma ja mëjëwyiimpë ja tëkotën, mëti'ipë wa'atstëkot xyëëwajtypyën ets ja Dios ja wyintsë'kën tmo'otë.