Romanos 9:3 - Biblia Dc en Mixe de Quetzaltepec

³ ja ënaanpës ets jeexyë kajpxpoky n'ityës, nmëjëkäm'atyës ja Kristë ets tuk'oy'atëty ja nmëku'uktëjkës, nmëjutiis ja'ayës.

Biblia Mixe de Quetzaltepec

³ ja ënaanpës ets jeexyë kajpxpoky n'ityës, nmëjëkäm'atyës ja Kristë ets tuk'oy'atëty ja nmëku'uktëjkës, nmëjutiis ja'ayës.

Romanos 9:3 ပူးပေါင်းရင်းမြစ်များ

Éxodo 32:32

E tyam mijts mëj këjää nmënu'kxtä'äky ets xypyokymyä'kxëty, e pën kajts xypyokymyä'kxa'any, ni'ik oyës yë nxëëw xytyimjo'tsëty japë ma mnokyën këxja'ay y'ityën.

Ester 8:6

Jä'ä koos, ¿wi'ixës jëtu'un jotkujk njuuky'atëty pën nija'apës koos ja njëëky nmëku'uk ets ja nmëkunaax nmëkukajpn y'o'kta'aja'antë?

Romanos 11:14

Njatsojkpyës ets jeexyë ja jutiis ja'ayëty wiink tjawëtë ko miits ja Dios të xymyëpëktë, jëtu'un tjëkyäpëty wi'ix tpaatëty ja nitsokën.

Gálatas 3:10

Mëti'ipë yi'iyë tyuk'ijxpäjtëpën ja Moisés ja y'ënä'ämën, kajpxpoky ja yajpaatë, jä'ä ko jëtu'un ja Dios ja y'aaw y'ayuk y'ënä'äny mëti'ipë këxja'ay miinpën: Kajpxpoky ja ja'ay y'ity mëti'ipë ka'ap kä'pxy tpatunyën ja ënä'ämën mëti'ipë këxja'ay miinpën.

1 Corintios 16:22

Pën jää jënaakën ka'apë tsokyën ja Wintsën Jesukristë, wä'än t'ity kajpxpoky. Min tsojk Wintsën Jesukristë.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënety ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Gálatas 1:8

Pën jää pën mtuk'ëwa'anxëtë mëti'ipë tyijtëpën aaw ayuk oypyë ets ka'ap jyëtu'unëty ijxtëm ja oy aaw oy ayukën mëti'ipës të nnikajpxtën, kajpxpoky ja y'itëty, wä'än timpyënëty, oy y'ëjtsëty ëkë oy yë'ëjëty yë tsajpjotmëtë kukäjpxy mëti'ipë tsajpjotm tso'onpën.

1 Corintios 12:3

Paaty miits tyam ntuk'ëwaanëtë ko pën y'ëna'anëty: Kajpxpoky ja Jesús y'ity, ka'ap ënety ja Dios yë'ëjëty ja Jya'awënëty yajkäjpxyë ets näjyëtu'un ka'ap pën y'ëna'anëty: Jesús yë'ë Wintsën, pën ka'ap ja Dios yëë ja myëjaaw myëk'ajtën yajkäjpxyë.

Romanos 11:1

Yë'ës tyam nyajtëëpy: ¿Tëë jëtää ja Dios t'ëxmajtsnë ja nyaax kyajpnë? Niwi'ix'äämpy. Ëjts nän Israel ja'ayës ëjts, Abrahamës nteety'äjtyp n'ap'ajtyp, Benjamínkës ja y'u'unk y'ok ëjts.

Hechos 13:26

Tääts ja Pablo jyaak'ënany: Mëku'uktëjkëty, Abraham yë y'u'unk y'ok, ets miitsëty ka'apë jyutiis'atën je'eyëp ko mmëpëjktaktëp ja Dios: ëëts jëtu'un ojts nyajtuknikäjxëm ja aaw ayuk mëti'ipë yajknitsokpën.

1 Samuel 14:44

Tä ja Saúl mëk yujk'ënany: Yë Dios yë'ëjës xytyiytyunëp pën mijts ka'ap m'ooky, Jonatán.

1 Samuel 14:24

E yë'ë tëy yë Israel ja'ayëty yajxon ënety të y'ënu'kxëtyääynyëtë, jä'ä ko ka'ap ënety ni pën të kyäy, jä'äkyëjxm ko ënety yë Saúl të y'ënä'äny: Poky yë ja'ay wyë'ëmëty mëti'ipë kääpyën ma ka'anëm yë xëëw kyëtä'äkynyëmën, maas ënety ka'ap të n'ijxnajxta'aynyën yë nmëtsipës.

Deuteronomio 21:23

Yë jyot nyini'kx ka'ap mëpaat wyi'imy tu'ktsuupaat këxtëy ma ënety të y'ookyën, ënätyë xyajnaaxtëkëtëty ko ënety të tsyu'ujënyë jä'ä xëëw. Jä'ä ko yë Wintsën mëti'ipë mTiosajtëpën pyojkpy yë ja'ay mëti'ipë kutëy o'kpën kepykyijxy, miitsëty ka'ap mëpaat nëkoo ja it naaxwiinyëtë xyaj'ëxëëkëtë mëti'ipë ja mWintsën mo'ojanëtëpën ets xyjyä'ä'atëty.

Génesis 29:14

Tä ja Labán t'ënëmaay: Tëy yë'ë ko mijts ntimjyiiky ntimmyëku'ukëty. Tu'kpo'o yë Jacob ojts wyi'imy ma jyämy Labán yë tyëjkën.

2 Samuel 18:33

Ënet ja yajkutujkpë ojts jyoot'amutskë ets pya'tëjkëy jap këjxy ma ja tëjkën mëti'ipë yajpatpën jap ma ja tëjk akajkopkën ets tyëjkëy jëëpyë yaxpë. Jëtu'un jap nyäxy tyëkë ets y'ënä'äny: Absalón, u'unk maay. Absalón, u'unk maay. Nikë oyës jeexyë ëjts të n'ooky ets ka'ap myijtsëty. U'unk maay, Absalón, u'unk maay.

Hechos 22:5

Ets teety wintsën, mëët ni'ëmukë ja tsajptëkotyëtë yajuntë'ajtpë, yë'ë y'ijxtëp nyija'awëtëp koos nnëjkxy Damaskë. Yë'ës ja noky ijty xymooytyëp ets ja'ay nyajmintëtyës yaa Jerusalén ets yajtëytyuntëty.

Hechos 28:21

Tääts ja jutiis ja'ay y'ëtsoowtë: Nitu'uk ëëts yaa ja noky të xykyanija'të mëti'ipë Judea tso'onpën ets nitu'uk ja nmëku'ukëtyës wi'ix të xykyanëëmëtë mëti'ipë jam tso'ontëpën ets yaa jya'të ma mijts tëkatsy myanikäjpxyën.

Romanos 1:3

Ma tnimëtyä'äkyën ja Dios ja y'u'unk, Wintsën Jesukristë, mëti'ipë mëxu'unk'ajtën jëtu'un tä oy pën ja'ayën; yë'ë ja David ja y'u'unk y'ok;

Romanos 9:2

Nmëët'ajtypës ja ma'ayën tajën, xëmës nmay ntajy,

Romanos 16:7

Kajpxpo'kxtë ja nmëku'uk'ajtëmë Andrónico ets ja Junías, mëti'ipës të nmëpujxntëjk ja'ay'atën ets mëti'ipë ijxpëjkpëtëjk wintsë'ëkë yaj'ijtëtëpën ets jëwyiin ojts tmëpëktë ja Kristë ok ëjts.

Romanos 16:11

Kajpxpo'kxtë ja nmëku'ukës Herodión ets ja Narciso, mëët mëti'ipë tsënaaytyëpën jam ma jyëën tyëjkën ets mëti'ipë myëpëjktëpën ja Wintsën.

Romanos 16:21

Timoteo, mëti'ipës mëët ntunyën, mtuknikäjxëtëp ja kajpxpo'kxën ets näjyëtu'un ja Lucio, Jasón ets ja Sosípatro, ëjts ja nmëku'uktëjkës.

2 Corintios 12:15

Ëjts winë aaw winëjotës nyajtuna'any mëti'ipës nmëët'ajtypyën, ëjtspaatës kë'ëm näyajtuna'anyë mëët miitskyëjxmëty. Pën ni'ik miits ntsoktë, ¿wäänë miits xytsyoka'antësë?

Gálatas 1:9

Ijxtëmës të nnikäjpxyën, jëtu'unës yam jatëkok niwinpity: Pën jää pën mtuk'ëwa'anxëtë mëti'ipë tyijtëpën oy aaw oy ayuk ets ka'ap jyëtu'unëty ijxtëm ja mëti'ipës të nnikajpxtën, kajpxpoky ja y'itëty.

Efesios 6:5

Miits mëtuunpëtëjkëty nitookpyë, mëtoow'itë yë mwintsënëty naaxwiinypë. Mëtuntë mëët yë wintsë'kën ets tëyajtën ijxtëm jeexyë xymyëmëtuntën ja Kristë.