Romanos 8:6 - Biblia Dc en Mixe de Quetzaltepec

⁶ Ko ja ja'ay tmay ttajy mëti'ipë ja ni'kx kopk tsyojkpyën, tukpatëp ja o'kën; e ko ja ja'ay twinmay mëti'ipë ja Kënu'kxymyëkajtën tsyojkpyën, tukpatëp ja juukyajtën ets ja jotkujk'ajtën.

Biblia Mixe de Quetzaltepec

⁶ Ko ja ja'ay tmay ttajy mëti'ipë ja ni'kx kopk tsyojkpyën, tukpatëp ja o'kën; e ko ja ja'ay twinmay mëti'ipë ja Kënu'kxymyëkajtën tsyojkpyën, tukpatëp ja juukyajtën ets ja jotkujk'ajtën.

Romanos 8:6 ပူးပေါင်းရင်းမြစ်များ

Gálatas 6:8

Pën nyipy kyojpën ja ëxëëk winma'any, yë'ë pyatäämpy ja o'kën tëko'oyën. Pën nip kojpën ijxtëm ja Kënu'kxymyëkajtën tsokyën, yë'ë pyëjmukäämpy ja juukyajtën xëmëkyëjxmëpë.

Romanos 8:7

Pën myääytyëp tyajtëp mëti'ipë ja ni'kx kopk tsyojkpyën, myëtsip'ajtëp ja Dios, jä'ä ko ka'ap ja Dios ja y'ënä'ämën tsojkëtë ets ka'ap tpatuunëtë.

Romanos 8:13

Pën mjuuky'ajtëp miits ijxtëm ja ni'kx kopk tsokyën, m'ookantëp yë'ë; e pën Kënu'kxymyëkajtën mëët miits xyaj'ooktë mëti'ipë ja mni'kx mkopk tsyojkpyën, xëmëkyëjxm miits mjuuky'ata'antë.

Romanos 13:14

Ni'ikyë miits mnätyukxoxëtëty ja mëpëjkën mëti'ipë jam mmëët'ajtëpën ma ja Wintsën Jesukristën ets ka'ap yi'iyë xymyëmay xymyëtajtëty wi'ix ja mjot mnini'kx tii t'oyjawëtyën.

Romanos 6:23

Ja poky, yi'iyë të tyäky ja o'kën tëko'oyën; Dios yë'ë të tyäky yë juukyajtën xëmëkyëjxmëpë, ko yajmëpëky ja nWintsën'ajtëm Jesukristë.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Juan 14:27

Tyam ntukmëwë'ëmtë ja jotkujk'ajtën. Nmooytyëp miits ja jotkujk'ajtën, je'eyëp ko ka'ap yë'ëjëty jëtu'unpë mëti'ipë yajktëpën yë naaxwiinyëtë ja'ay. Këtii mmaytyëty mtajtëty ets këtii mtsë'ëkëtëty.

Romanos 6:21

¿E tii jap të xypyaatë? Tyam je'eyë mtsëtyuunëtë ko jëtu'un të mjuuky'atë, jä'ä ko je'eyë ja o'kën të mtukpaatëtë.

Romanos 14:17

Ka'ap yë'ëkyëjxmëty jam m'itë ma Dios ja kyutujktaknën ko tii xykyäytyë xy'uuktë, jä'äkyëjxm jam m'itë ko xytyuntë xykyajpxtë mëti'ipë paat'ajtëpën, wi'ix xymyëët'attëty ja jotkujk'ajtën ets ja xoontakën mëët ja Kënukxymyëkajtën.

Romanos 7:5

Ko ijty ëëts njuuky'ajtëmë ijxtëm kë'ëm ntsojkëmën, ja ënä'ämën je'eyë ojts xytyuknija'awëmë ko tii ëxëëk ntu'unëmë, ets ojts mpëjkmujk ntuunmujkëmë ja o'kën.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Romanos 7:11

Jä'ä ko ja poky yë'ë tyukmëtak ja ënä'ämën ets ojts xywyin'ëënyës, ets ja poky nän yë'ë ja ënä'ämën të tukmëtä'äky etsës të n'ooky.

Romanos 5:10

Jä'ä ko ijty ja Dios nmëtsip'ajtëmë, tëë ja Dios mëët nämyë'oypyëjkëmë jä'äkyëjxm ko ja y'u'unk të y'ooky; ets ko ja Dios mëët të nämyë'oypyëjkëmë, wäänëni'ik ëëts njëjp'ijxëmë ko ka'ap ja ëyo'on npaata'anëmë jä'äkyëjxm ko yë'ë jyuuky'äty.

Romanos 5:1

Paaty ja Dios wa'ats të xyajwë'ëmëmë ko të nmëpëjkëmë, nmëët'ajtëm ja jotkujk'ajtën mëët ja Dios ko ja nWintsën'ajtëm Jesukristë të myiny naaxwiiny.

Juan 17:5

Mooykyës tyam mwiintuuy ja mëj'ajt oyajtën mëti'ipës ijty nmëët'ajtypyën ma ka'anëm ja naaxwiinyëtë tsyo'ontä'äkynyëm.

Romanos 8:27

Ets ja Dios, mëti'ipë tyuk'ijxnajxypyën ëëts ja n'aaw'ajt njot'ajtëmë, nyija'ap mëti'ipë winma'any ja Kënu'kxymyëkajtën myëët'ajtypyën, jä'ä ko ja Kënu'kxymyëkajtën nyinu'kxtäkpy ja jyä'äy ijxtëm ja Dios tsokyën.