Romanos 8:2 - Biblia Dc en Mixe de Quetzaltepec

² jä'ä ko ja Kënu'kxymyëkajtën ja y'ënä'ämën mëti'ipë ja Kristë Jesús yajjuuky'äjtypyën, tëë ja myajpëtsëmyë ma ja pokyën mëti'ipë yaj'o'kpën.

Biblia Mixe de Quetzaltepec

² jä'ä ko ja Kënu'kxymyëkajtën ja y'ënä'ämën mëti'ipë ja Kristë Jesús yajjuuky'äjtypyën, tëë ja myajpëtsëmyë ma ja pokyën mëti'ipë yaj'o'kpën.

Romanos 8:2 ပူးပေါင်းရင်းမြစ်များ

Romanos 6:14

Jëtu'unts ja poky ka'ap m'ëk ënä'ämënëtëty, jä'ä ko ka'ap yë'ë ja ënä'ämën xy'ëktukjuuky'ajnëtë, Dios ja y'oyajtën mtukjuuky'ajnëtëp.

2 Corintios 3:17

Jä'ä ko yë Wintsën yë'ë Kënu'kxymyëk'ajtën'ajtp; ma ja Kënu'kxymyëkajtën yajpaatyën tam'ajtp ja nitsokën.

Romanos 6:18

Ëwaatsëtum miits të mwë'ëmtë ets jëtu'un ka'ap m'ëk pokytyuunëtëty, tëë miits mjuuky'ajtsoontë ma ja mëtëypyë ja nipaye'eyën.

2 Corintios 3:6

Yë'ë të xyajwij të xyajkäjëm ets ja käjpxytyu'unën nkuuytyu'unmëty; ka'ap yë'ëjëty mëti'ipë Moisés yajmooyën, yë'ë mëti'ipë ja Kënu'kxymyëkajtën tyuunpyën. Yë ënä'ämën tëyajtën je'eyë nyi'ënä'ämë ets n'o'kmëty, e yë Kënu'kxymyëkajtën yäjkpy yë juukyajtën.

1 Corintios 15:45

Jëtu'un ja Dios ja y'aaw y'ayuk kyëxja'ayëty: Ja ye'etyëjk mëtu'ukpë, ja Adán, myëët'ajt ja juukyajtën; je'eyëp ko ja ix'okpë Adán, ja Jesukristë yajtijp, yë'ë ja juukyajtën të tmëminy tëkatsypë, ka'ap jyëtu'unëty ijxtëm ja mëti'ipë myëmiinën ja jëwyiinpën ja Adán.

Juan 8:36

Pën ja Dios U'unk, myaj'ëwaatsëpëtsëëmëtëp, ënät miits ëwaatsëtum m'ittëty.

Juan 8:32

ets xynyijawëtëty ja tëypyë jaantypë ets ëwaatsëtum myajpaatëty.

Romanos 7:4

Näyjyëtu'un miitsëty mëku'ukëty, ko të xymyëjwa'kpätë ja Kristë jëtu'un tpaaty ijxtëm jeexyë mëët të m'ooktën ma ja ënä'ämënën, ets tu'ukyë m'itëty mëët ja Kristë ijxtëm ja ni'kx kopkën, mëti'ipë të y'ookyën ets tëë jatëkok jyuukpyiky. Jëtu'unts njuuky'ajtmëty tsuj yajxon ijxtëm yë Dios tsokyën.

Romanos 6:22

E tyam, tëë xytyukpëtsëëmtu'utë ja poky, tëë jam mtëkëtë ma ja Dios ja tyuunkën. Mëti'ipë mtuk'oy'attëpën ets wa'ats myajpaattëty ets xypaatëty ja juukyajtën xëmëkyëjxmëpë.

Juan 6:63

Ja Dios ja Jya'awën yë'ë ja juukyajtën yäjkpy, ka'ap tyuny mëti'ipë jam yë nyi'kx kyopkën. Mëti'ipë yam të ntukmëmëtya'aktën yë'ë mëti'ipë ka'ap yaj'ixyën je'eyëp ko yäjkpy ja juukyajtën.

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Juan 4:10

Ënet ja Jesús y'ëtsoowë: Ko jeexyë mijts xy'ëknijawë mëti'ipë ja Dios yäjkpyën ets pën m'amëtoowëp yë nëë, mijts jeexyë m'amëtoopy ja nëë ma yë'ëjën ets mooyëp jeexyë ja nëë mëti'ipë yajjuuky'ajtpën.

Gálatas 5:1

Tëë ja Kristë xymyo'oyëmë ja ëwaatsëtum'ajtën ets ëwa'atstuuy nyajpatmëty. Paaty tyam itë amëk jotmëk ma ëwaatsëtum myajpaatën ets këtii jatëkok m'ëk m'ëknäkyë'ëyajkënëtëty ma të myajpaatën ijxtëm jeexyë mnitooky'atën.

Gálatas 2:19

Jä'ä ko mëët ja ënä'ämën ëjts ookyës nyajpaaty etsës ja Dios yë'ë xyajjuuky'atëty. Tëës ja Kristë mëët nkruutspety,

Romanos 5:21

Jëtu'un ijxtëm ja poky ojts y'ëne'emyën mëët ja o'kën, näjyëtu'un ja Dios ja y'oyjyot y'oywyinma'any ojts mëtëy y'ëne'emy ko tyajmiiny ja juukyajtën xëmëkyëjxmëpë, mëët ja Jesukristë ja xyëëw.

Romanos 7:21

Jëtu'unës njaty nkëpety: koos njatuna'any ja oypyë, poky ënätyë tim nawinkëxë'kp ma ëjtsën.

Salmos 51:12

Mooykyës jatëkok ja xoontakën mëti'ipë ja mnitsokën yäjkpyën; ets wä'änës yë jot winma'any oypyë nnätyuktu'uwinwoyë,

Apocalipsis 22:1

Tääts ja tsajpjotmëtë kukäjpxy xytyuk'ijxyës tu'uk ja mëjnëë wa'atspë, mëti'ipë yajjuuky'ajtpën xëmëkyëjxm ko yaj'uuky. Janty të'kxy janty wa'ats yaj'ixy ijxtëm yë ijxnën; jam pyëtsimy ma ja kyutujktaknën ja Dios ets ma ja Kupixyny U'unkën.

Romanos 3:27

¿Ko jëtu'un, maa ja ja'ay ja myëj'ajt kyëjxm'ajtën nyatunëty Dios wintum? Tëkooytyääpy jä'ä. ¿E tii ko? Jä'ä ko mëpëjkën mëët ja ja'ay oy wyë'ëmtë Dios wintum ets ka'ap yë'ëkyëjxmëty ko tpatuntë ja ënä'ämën.

Apocalipsis 11:11

E ko mëtëkëëk xëëw ja kujkm ënety të nyäxy, ënät ja Dios të yajjuukpyëkëtë ets jatëkok të pyëtë'ëktë e mëti'ipë të t'ixtën yajxon të tsyë'kënëtë.

Romanos 7:23

je'eyëp ko tamës nmëëtëty mëti'ipës ka'ap xy'ëxmatsyën ets ja oypyë ntunëtyës, yë'ë ja ënä'ämën mëti'ipë yajnikëxë'kpyën ja poky, mëti'ipë yajpatpën ma ëjtsën ijxtëm jeexyë tsum matsy xyaj'ityënës.

Romanos 8:1

Paaty tyam ka'ap pën poky y'ëk'ijnë, mëti'ipë ja Kristë Jesús mëët tu'ukyë yajpaatyën,

Romanos 16:3

Kajpxpo'kxtë ja Priscila ets ja Aquila, yë'ëjës mëët nmëtuntë ja Kristë Jesús.

Gálatas 6:2

Neypyutëkëtë nixim niyam ma ja ëyo'on jotmayën, jëtu'un'äämpy xypyatuntëty ja Kristë ja y'ënä'ämën.

Santiago 1:25

E ja ja'ay mëti'ipë ka'ap tja'atyëkoyën mëti'ipë të tmëtoyën, tu'ukyë ja wyinma'any tpëjktä'äky wi'ix y'ënä'änyën ja ënä'ämën tëyajtën mëti'ipë yajnitsokpën ets xëmë tpatun, jotkujk xëmë y'ita'any.

Ezequiel 1:21

Ko ja tsajpjotmëtë kukäjpxy yu'kxtë näjyëtu'un ja tëkäämpë yu'kxtë, ko yu'kxmontë ja tsajpjotmëtë kukäjpxy näjyëtu'un ja tëkäämpë yu'kxmontë; ko ja tsajpjotmëtë kukäjpxy pyëtë'ëktë näjyëtu'un ja tëkäämpë pyëtë'ëktë jä'ä ko ja tëkäämpë yë'ë mëët tu'ukyë yajpaatë ja tsajpjotmëtë kukäjpxy.