Romanos 8:1 - Biblia Dc en Mixe de Quetzaltepec

¹ Paaty tyam ka'ap pën poky y'ëk'ijnë, mëti'ipë ja Kristë Jesús mëët tu'ukyë yajpaatyën,

Biblia Mixe de Quetzaltepec

¹ Paaty tyam ka'ap pën poky y'ëk'ijnë, mëti'ipë ja Kristë Jesús mëët tu'ukyë yajpaatyën,

Romanos 8:1 ပူးပေါင်းရင်းမြစ်များ

Isaías 54:17

Je'eyëp ko ka'ap ni pën myäyë tyajkojëty ja tujn pujxn mëti'ipë jeexyë mijts myaj'atëkooyëpën. Aak amonyë nëjkx ja'ay xyajwë'ëmta'ay mëti'ipë ënety mni'ë'ënëyëpën. Nyajmëtäkpyës ja ja'ay mëti'ipës oy xymyëtuunpën. Jëtu'un ja Wintsën y'ënä'äny.

Ezequiel 18:9

jëtu'un winë tuny tääjës yë n'ënä'ämën ntëyajtën y'ënä'änyën ets wa'ats tpaatuunta'ay. Tääpë ja'ay oy jyuuky'äty ets xëmëkyëjxm jyuuky'ata'any. Ëjts Wintsën, ëjts ënaanp.

Juan 14:20

Jä'ä xëëw miits xynyijawëtëty koos n'ity tu'ukyë mëët ja nTeetyës, ets miits tu'ukyë m'itë mëët ëjts, ets ëjts tu'ukyës n'ity mëët miitsëty.

Juan 15:4

Itë tu'ukyë mëët ëjts etsës n'itëty tu'ukyë mëët miitsëty. Tu'kxe'entypë kepy ka'ap tjëkyepy ets tyëëm'atëty ko kya'itëty tu'ukyë mëët ja myëjkepy; näjyëtu'un miitsëty ka'ap tjëkyepy mtëënmpätëty pën ka'ap tu'ukyë myajpaatë mëët ëjts.

Juan 5:24

Tëy miits nëëmëtë, pën xy'amëtoow'ijtpës ets tmëpëky mëti'ipës xykyäjxpën, pyaatëp y'ixëp ja juukyajtën xëmëkyëjxmëpë ets ka'ap yajpoky'ixëty, tëë ënety tu'knax ja o'kën ets tëë ënety tpaaty ja juukyajtën.

Romanos 16:3

Kajpxpo'kxtë ja Priscila ets ja Aquila, yë'ëjës mëët nmëtuntë ja Kristë Jesús.

Romanos 16:7

Kajpxpo'kxtë ja nmëku'uk'ajtëmë Andrónico ets ja Junías, mëti'ipës të nmëpujxntëjk ja'ay'atën ets mëti'ipë ijxpëjkpëtëjk wintsë'ëkë yaj'ijtëtëpën ets jëwyiin ojts tmëpëktë ja Kristë ok ëjts.

Romanos 5:1

Paaty ja Dios wa'ats të xyajwë'ëmëmë ko të nmëpëjkëmë, nmëët'ajtëm ja jotkujk'ajtën mëët ja Dios ko ja nWintsën'ajtëm Jesukristë të myiny naaxwiiny.

Romanos 5:16

Tu'ukpë ja ja'ay ja nyëë pyoky, ka'ap tjëkyepy n'ijxkijpxmëty mëët ja Dios ja y'oyajtën, jä'ä ko je'eyë tu'uk ja ja'ay të kyamëtä'äky tääts ni'ëmukë të tyëkooytya'atë; e ja Dios ja y'oyajtën nimay ja ja'ay tyajwatsta'ay, oy jyamayëty ja nëë poky.

Romanos 7:17

Jëtu'unts yajnijawë ko ka'ap y'ëjtsëty kë'ëmwinma'any winë ntuny, ja poky ëtëtsp mëti'ipës nnëkëjxm'ajtypyën.

Romanos 7:20

Koos ntuny mëti'ipës ka'ap njatsokyën, ka'ap y'ëjtsëty ntuny, ja poky ëtëtsp mëti'ipës nnëkëjxm'ajtypyën.

Romanos 8:11

Ets pën ijtp ja Dios ja Kyënu'kxymyëk'ajtën ma miitsëtyën, mëti'ipë ja Jesús ojts yajjuukpyikyën, yë'ë myo'ojäämpy ja juukyajtën ja mni'kx mkopkëty mëti'ipë o'kpën mëët ja Dios ja Myëjaaw myëk'ajtën, mëti'ipë juukyajtpën ma miitsëtyën.

Romanos 8:14

Tëkokyë ja ja'ayëty mëti'ipë në'ëmooy tu'umooyëpën ja Dios ja Kyënu'kxymyëk'ajtën, Dios ja u'unk'atanëtëp.

Romanos 8:2

jä'ä ko ja Kënu'kxymyëkajtën ja y'ënä'ämën mëti'ipë ja Kristë Jesús yajjuuky'äjtypyën, tëë ja myajpëtsëmyë ma ja pokyën mëti'ipë yaj'o'kpën.

Romanos 8:34

¿Pën xy'ëkyajnitujkëmëp? Kristë Jesús mëti'ipë ojts y'ookyën ets mëti'ipë ojts jyuukpyikyën ets tam yajpaaty Dios y'aka'anytsyow ma xynyinu'kxtakëmën.

Romanos 8:39

ni këkpë, nitii wiinkëtypë mëti'ipë Dios y'oytyuunën. Ka'ap tii xytyuk'ëxmajtsmëty ja Dios ja tsyojkën mëti'ipë nmëët'ajtëmën Wintsën Jesukristë mëët.

Romanos 8:4

Paaty jëtu'un të tuny ets ja ënä'ämën ni'ëmukë yajpatunëty, ka'ap ntu'unmëty mëti'ipë ni'kx'ajt nkopk'ajtëm tsyojkpyën, Kënu'kxymyëkajtën ëëts jyä'ä ntu'unmëp.

Romanos 8:9

E miitsëty, ka'ap jëtu'un m'ëk juuky'ajnëtë ijxtëm ja ni'kx kopk tsokyën, jëtu'un miits mjuuky'atë ijxtëm ja Dios ja Kyënu'kxymyëk'ajtën tsokyën, pën tëy ko miits ja Dios Kyënu'kxymyëk'ajtën xymyëët'ajtëtë. Pën ka'ap tmëëtëty ja Kristë ja Kyënu'kxymyëk'ajtën, ka'ap ja Kristë jyä'ä'atyë.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

1 Corintios 15:22

Jëtu'un ijxtëm ja Adán y'o'kyën, jëtu'un ja naaxwiinyëtë ja'ay të y'o'kta'atë; näjyëtu'un ko ja Kristë jyuukpyijky näjyëtu'un ja naaxwiinyëtë ja'ay të jyuukpyëjkta'atë.

2 Corintios 12:2

N'ixy'ajtës tu'uk ja ja'ay mëti'ipë myëpëjkën ja Kristë, jam jajëmëjt nyijkxy majkmajktsën ma yajmëpa'tëkën ma ja mëtëkëëkpë ja tsajpën. Ka'apës nnijawë pën ojts mëët yajmënëjkxy ja nyi'kx kyopk ëkë yi'iyë ja jya'awën, Dios nyija'ap.

2 Corintios 5:17

Paaty tyam, pën tu'ukyë mëët ja Kristë y'ityën, jemyjä'äy yajpatnë; ka'ap y'ëkjëtu'un'ajnë ijxtëm të y'ityën, aak jemy tu'kë'ëyë të y'awinpijtaaynyë.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënety ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Gálatas 3:26

Dios miits tyam ni'ëmukë m'u'unk'ajtënëtëp ko të xymyëpëktë ja Jesukristë,

Gálatas 3:28

Ka'ap ma y'ëktuunnë pën jutiis kajutiis, mëtuunpë ëkë kamëtuunpë, ye'etyëjk ëkë to'oxytyëjk, jä'ä ko tu'ukyë miitsëty ijxtëm ja ja'ay tu'ukpën, jä'äkyëjxm ko tu'ukyë mëët ja Kristë Jesús m'itë.

Gálatas 5:16

Ya'atë miits ntuk'ëwa'anëtyëp: Juuky'atë ijxtëm ja Kënu'kxymyëkajtën mtukmëtsokëtën, jëtu'un ka'ap xyajtuntëty mwinma'anyëty.

Gálatas 5:25

Pën jëtu'un ëëts njuuky'ajtëm ijxtëm ja Kënu'kxymyëkajtën tsokyën, nkupëjkëm näjyëtu'un ets ja Kënu'kxymyëkajtën xynyë'ëmo'oy xytyu'umo'omyëty.

Efesios 1:1

Ëjts Pablo, Jesukristë y'ayuk kajpxwa'kxpë mëët ko ja Dios jëtu'un të tuknipëjktaakë. Yë'ëjës ya'atë noky ntuknikäjxtëp mëti'ipë ja Dios jä'ä''ajtëtëpën ets myëpëjktëp ja Kristë Jesús jam Éfeso.

Filipenses 3:9

ets nyajpaata'anyës jam ma yë'ëjën; ka'ap yë'ëkyëjxmëty koos të nyajpaye'ey mëët ja ënä'ämën kuttujkën; yë'ëkyëjxm ko yajmëët'aty ja mëpëjkën ma ja Kristën, mëti'ipë ja Dios nyipaye'eyën'ajtypyën ko të yajmëpëky.