Romanos 7:9 - Biblia Dc en Mixe de Quetzaltepec

⁹ Juuky'ajtpës ijty ko ja ënä'ämën nkanijawës; e koos nnija'awëy ja ënä'ämën, ënät ja poky ja myëk'ajtën tpëjky,

Biblia Mixe de Quetzaltepec

⁹ Juuky'ajtpës ijty ko ja ënä'ämën nkanijawës; e koos nnija'awëy ja ënä'ämën, ënät ja poky ja myëk'ajtën tpëjky,

Romanos 7:9 ပူးပေါင်းရင်းမြစ်များ

Gálatas 3:10

Mëti'ipë yi'iyë tyuk'ijxpäjtëpën ja Moisés ja y'ënä'ämën, kajpxpoky ja yajpaatë, jä'ä ko jëtu'un ja Dios ja y'aaw y'ayuk y'ënä'äny mëti'ipë këxja'ay miinpën: Kajpxpoky ja ja'ay y'ity mëti'ipë ka'ap kä'pxy tpatunyën ja ënä'ämën mëti'ipë këxja'ay miinpën.

Romanos 8:7

Pën myääytyëp tyajtëp mëti'ipë ja ni'kx kopk tsyojkpyën, myëtsip'ajtëp ja Dios, jä'ä ko ka'ap ja Dios ja y'ënä'ämën tsojkëtë ets ka'ap tpatuunëtë.

Gálatas 2:19

Jä'ä ko mëët ja ënä'ämën ëjts ookyës nyajpaaty etsës ja Dios yë'ë xyajjuuky'atëty. Tëës ja Kristë mëët nkruutspety,

Romanos 10:5

Jëtu'un ja Moisés ja y'ënä'ämën y'ënä'äny, këxja'aypyë myinyën: Pën ja ënä'ämën pyatuumpy, yë'ë yajjuuky'atëtëp.

Romanos 7:11

Jä'ä ko ja poky yë'ë tyukmëtak ja ënä'ämën ets ojts xywyin'ëënyës, ets ja poky nän yë'ë ja ënä'ämën të tukmëtä'äky etsës të n'ooky.

Romanos 7:6

E tyam, ko n'ijtëmë ijxtëm ja o'kpën ma ja ënä'ämën mëti'ipë ka'ap xy'ëk'ënä'ämënën, ëwaatsëtum të nwë'ëmënë ets ja Dios nmëtu'unmëty ma ja Kënu'kxymyëkajtën jempyë ja nyë'ë tyu'u; ka'ap n'ëkmëtu'unënë ja ënä'ämën tëëpë nyajxnën.

Romanos 7:4

Näyjyëtu'un miitsëty mëku'ukëty, ko të xymyëjwa'kpätë ja Kristë jëtu'un tpaaty ijxtëm jeexyë mëët të m'ooktën ma ja ënä'ämënën, ets tu'ukyë m'itëty mëët ja Kristë ijxtëm ja ni'kx kopkën, mëti'ipë të y'ookyën ets tëë jatëkok jyuukpyiky. Jëtu'unts njuuky'ajtmëty tsuj yajxon ijxtëm yë Dios tsokyën.

Lucas 18:21

Tääts ja kutuunk y'ëtsooy: Mutsknëm tääpë npatuunta'ayës.

Lucas 15:29

Jëtu'un t'ëtsooy ja tyeety: Mnija'ap ko kanaak jëmëjt mijts të nmëtuny ets xëmë të nmëmëtoy; mijts nitiijës të xykyamo'oy, oy jeexyë yë'ë'ajty tsajppax ets ja nxëëw jeexyë ntunyës mëët ja nmëku'uktëjkës.

Mateo 19:20

Ënet ja yä'äy ëna'k y'ëtsooy: Tëës tu'kë'ëyë npatuunta'ay. ¿Tiijës njaaktunëp?

Salmos 40:12

Kanaak yë ëyo'on jotmay të nmënaxy të nyajnaxyës ka'apë nyimëtyaknëtyën. Nkë'ëmpokyës të nätyuktunyë ëxëëk; yë'ëpaat yë n'ijxënës të myoonë. Tääjës yë nkuwaayën jëtu'unës yë npoky myäyëty, ka'apës yë njot nwinma'any y'ëk'ënanë tii ntunëtyës.

Romanos 7:8

E ja poky tëë tukmëtä'äky ya'atë ënä'ämën ets ja kyutujkën tyajtuny ets xytyuk'atsokyës oy tyimtiijëty. Ko ja ënä'ämën kya'ity, ka'ap ja poky tii mëk'ajtën tmëëtëty.

Romanos 7:10

e ëjts tëëjës n'ooky. Jëtu'unës të nnijawë ko tääpë ja ënä'ämën mëti'ipës jeexyë xyajjuuky'ajtpën, ni'ikyës të xyaj'ooky.