Romanos 7:5 - Biblia Dc en Mixe de Quetzaltepec

⁵ Ko ijty ëëts njuuky'ajtëmë ijxtëm kë'ëm ntsojkëmën, ja ënä'ämën je'eyë ojts xytyuknija'awëmë ko tii ëxëëk ntu'unëmë, ets ojts mpëjkmujk ntuunmujkëmë ja o'kën.

Biblia Mixe de Quetzaltepec

⁵ Ko ijty ëëts njuuky'ajtëmë ijxtëm kë'ëm ntsojkëmën, ja ënä'ämën je'eyë ojts xytyuknija'awëmë ko tii ëxëëk ntu'unëmë, ets ojts mpëjkmujk ntuunmujkëmë ja o'kën.

Romanos 7:5 ပူးပေါင်းရင်းမြစ်များ

Efesios 2:3

Näyjyëtu'un ijty njuuky'ajtëm ni'ëmukë, yë'ë npatu'unëm ja nkë'ëm winma'any'ajtëm, ja poky ets ja ëxëëk atsojkën. Jëtu'un ijty n'ijtëm ijxtëm ja ja'ay oy pyënëtyën, paatykyëjxm ijty xypyaat'ajtëm ja Dios ja myëj tëytyu'unën.

Gálatas 5:24

Pën ja Kristë jä'ä''ajtëtëp jëtu'un tpaaty ijxtëm jeexyë të tyajkruutspätën ja y'ëxëëkjot y'ëxëëk winma'anyëty.

Gálatas 3:10

Mëti'ipë yi'iyë tyuk'ijxpäjtëpën ja Moisés ja y'ënä'ämën, kajpxpoky ja yajpaatë, jä'ä ko jëtu'un ja Dios ja y'aaw y'ayuk y'ënä'äny mëti'ipë këxja'ay miinpën: Kajpxpoky ja ja'ay y'ity mëti'ipë ka'ap kä'pxy tpatunyën ja ënä'ämën mëti'ipë këxja'ay miinpën.

Romanos 6:13

Ka'ap xykyë'ëyaktëty ja mjot mnini'kx ets mpokytyuntëty, ets yi'iyë ja ëxëëkpë xytyuunëtëty. Nikë oy mnäpyëjkta'akëtëty Dios kyë'ë'am, jëtu'un tä ja ja'ayën tëëpë y'ookyën ets tëëpë jatëkok jyuukpyikyën, ets xykyë'ëyaktëty ja mni'kx mkopk ma ja nipaye'eyën oypyë yë'ë wyintum.

Romanos 6:21

¿E tii jap të xypyaatë? Tyam je'eyë mtsëtyuunëtë ko jëtu'un të mjuuky'atë, jä'ä ko je'eyë ja o'kën të mtukpaatëtë.

1 Juan 3:4

Pën pokytyuunp, ëxëëk winë tuny; jä'ä ko yë poky yë'ë ëxëëkpë tuktuump.

Colosenses 3:5

Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

1 Corintios 15:56

Pokykyëjxm ja ja'ay y'ooktë ets ënä'ämënkyëjxm ja poky tmëëtëty ja mëk'ajtën.

Santiago 4:1

¿Ma jëtää ja tsip tsyoony mëti'ipë miits mtuuntëpën? Jap tsyoony ma ja mjot mwinma'anyëtyën ko winë xytyätytsyojkën'atë.

Santiago 1:15

Ets ko ja ëxëëk atsojkën nyätyukmëmëtä'äkyë, ënät pyokytyuny; ets ko pyokytyuny, ënät ja o'kën tyukpaatyë.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

Efesios 2:11

Jëtu'un miitsëty, mëti'ipë ka'ap jyutiis'atën, ka'apë tsyuky'atën ets mëti'ipë nätyijëtëp ko tsyuky'atë, mëti'ipë tëë yajnatsujk'ëwtitën ja ye'etyëjk'ajtënëty,

Romanos 7:23

je'eyëp ko tamës nmëëtëty mëti'ipës ka'ap xy'ëxmatsyën ets ja oypyë ntunëtyës, yë'ë ja ënä'ämën mëti'ipë yajnikëxë'kpyën ja poky, mëti'ipë yajpatpën ma ëjtsën ijxtëm jeexyë tsum matsy xyaj'ityënës.

Romanos 6:23

Ja poky, yi'iyë të tyäky ja o'kën tëko'oyën; Dios yë'ë të tyäky yë juukyajtën xëmëkyëjxmëpë, ko yajmëpëky ja nWintsën'ajtëm Jesukristë.

Romanos 6:19

Jëtu'unës nmëtyä'äky ijxtëm miits mja'ay'atën yaa naaxwiiny, ko ëmaay paki'ix myajpaatë, ko ka'ap oy xyjyä'äkyukëtë ya'atë jëtu'unpë winma'any. Jëtu'un ijxtëm miits ijty xykyë'ëyaktën ja mjot mnini'kxëty ma ja ëxëëkpën; jëtu'un tyam xykyë'ëyaktëty ja mjot mnini'kxëty ma ja oypyë ja nipaye'eyënën ets wa'ats mjuuky'attëty.

Romanos 5:20

Ko ja ënä'ämën ojts kyëjääjë ënät ojts ja poky näjyëtu'un kyëjääjë; je'eyëp ko ja poky ojts kyëjääjë, wäänëni'ik ja Dios ojts ja y'oyjyot y'oywyinma'any kyëjääjë.

Romanos 4:15

Jä'ä ko ja ënä'ämën tukpatp ja tsëtyu'un ko ka'ap yajpatuny, e ma ja ënä'ämën kya'ityën ka'ap jam tii yajtuuntëkoy jä'äkyëjxm ko ka'ap ja ënä'ämën jam.

Romanos 3:20

Ka'ap yë'ëkyëjxmëty ja ja'ay oy wyi'im Dios wyintum ko tpatuny ja ënä'ämën, yë ënä'ämën paaty jyää'aty ets nija'awëmëty tii poky kapoky, ets nija'awëmëty ko npokyjyä'äy'ajtëmë.

Romanos 1:26

Paaty ja Dios të y'ëxmajtsënëtë ma ja ëxëëk tuunkën mëti'ipë je'eyë yajtsëtyuunpën. To'oxytyëjk paat tuunëtë mëti'ipë ka'ap y'oyëtyën, ka'ap ye'etyëjk tmëët'itë ets të tyajtëkatstë wi'ix tyo'oxytyëjk'atëtyën.

Juan 3:6

Ja ja'ay jëtu'un myëxu'unk'atë ijxtëm yaa naaxwiinyëtën, ni'kx kopkën je'eyë; pën jatëkok mëxu'unjk'ajtp mëët ja Dios ja Myëjaaw myëk'ajtën, ka'ap ja kyëxë'ëky.

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

2 Corintios 10:3

Tëy yë'ë ko naaxwiinyëtë ja'ay ëëts'ajtëmë, je'eyëp ko ka'ap jëtu'un ntsiptu'unëmë ijxtëm ja naaxwiinyëtë ja'ayëtyën.