Romanos 7:14 - Biblia Dc en Mixe de Quetzaltepec

¹⁴ Nnija'awëm ëëtsajtëm ko yë ënä'ämën ka'ap yaj'ixy, e ëjts jä'äs ko npokyjyä'äyëty, paatyës jëtu'un nyajpaaty pokyjotm ijxtëm tu'uk ja ja'ayën mëti'ipë juy tookyën.

Biblia Mixe de Quetzaltepec

¹⁴ Nnija'awëm ëëtsajtëm ko yë ënä'ämën ka'ap yaj'ixy, e ëjts jä'äs ko npokyjyä'äyëty, paatyës jëtu'un nyajpaaty pokyjotm ijxtëm tu'uk ja ja'ayën mëti'ipë juy tookyën.

Romanos 7:14 ပူးပေါင်းရင်းမြစ်များ

1 Reyes 21:25

Ka'ap ojts maa jëtu'unpë yajkutujkpë nijëna'a tyuny, mëti'ipë ojts yi'iyë tyo'oxytyëjk nyätyuk'ëne'emyën, ijxtëm yë Ahab tyuunën yë tyo'oxytyëjk Jezabel ets je'eyë ojts nëkoo tii ëxëëkjaty tyuktuuntëkoyë jam Wintsën wyintum.

2 Reyes 17:17

Ojts ja y'u'unk y'ëna'k tyajnitooynyëtë, tyajknëtë ets wyintsë'kën'atëty, ojts tjajtnëtë wi'ix winë tnajtsjawëtëtyën ets ojts tnija'awënyëtë wi'ix ja kë'ë tyajmëtya'aktëtyën, tuunëtë tkajpxnëtë ja ëxëëkpë, mëti'ipë ja Wintsën ojts tukyajjoot'anpëktën.

1 Reyes 21:20

Tä ja Ahab t'ëtsooy ja Elías: ¿Tyamës nijawë ko mijts, nmëtsiptëmës jëtu'un të xypyääty? Jëtu'un, tëë yam npaaty, jëtu'un y'ëtsooy ja Elías. Jä'ä ko mijts nitii oy xykyatuny, aakyë'ë mtuumpy ka'apë myëtëyëtyën Wintsën wyintum.

Romanos 7:18

Nija'apës koos, maas të ntukmin të ntukja'tën ja ëxëëkpë, ka'ap ja oypyë yajpaaty; paaty ja ëxëëkpë yë'ë ntunyës oy ja oypyë njatuna'anyës.

Isaías 52:3

Jä'ä ko yë Wintsën jëtu'un y'ënä'äny: Ëjts nitu'kjënu'unën të nka'ëxajës ko ojts myajnitooktë, tyam nän nitu'kjënu'unën kyatsokyë ets nyaj'ëwaatsëpëtsëmtëty.

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

Mateo 5:28

E ëjts jëtu'un miits nëëmëtë, pën ja to'oxytyëjk y'ixk'ajtyp, tëë ënety tyajtëkoy ja wintsë'kën ma ja pëjkën ukën jyootjoty wyinma'anyjoty.

Mateo 5:22

E ëjts jëtu'un yam miits nëëmëtë, pën ja myëku'uk tyukjoot'anpëjkpyën nëjkxëp nyitukë. Pën ja myëku'uk y'ojpyën, yë'ë paye'eyëtëp ja tsajptëkotyëtë yajuntë'ajtpë. Pën ja myëku'uk tyijpyën kutsuu, jap nëjkx yajnajtskäxë ëyoowtaknjoty.

Isaías 50:1

Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënety pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Proverbios 30:5

Dios kyuwäämpy yë ja'ay mëti'ipë tuk'ijxpäjtëpën. Tëkokyë mëti'ipë yë'ë të twinwanën, kopkpëky ko nëjkx n'ëxajëmë.

Salmos 119:25

Janty o'kën jëjp'amës nnäjyawëty; mooykyës yë juukyajtën ijxtëm të xywyinwanën.

Lucas 7:6

Ënet ja Jesús ojts mëët nyëjkxtë ets ko ënety jam jya'tanëtë ma ja tëjkën, tääts ja tsiptuunpë wintsën ojts tjëjpye'eytsyoy ja Jesús ets t'ënëmaay: Wintsën, ka'apës xypyaat'aty ets mtëkëty maas yë ntëjkën,

Lucas 5:8

Ko ja Simón Pedro jëtu'un t'ijxy, ënät ojts nyäkyoxtënaaytyä'äkyë ma ja Jesús ets t'ënëmaay: Wintsën, winwa'ktutkës, ëjts pokyjyä'äyës.

Mateo 18:25

Ja ja'ay ka'ap ënety tii ja myeeny mëti'ipë tyukëpätëpën ja nyu'kxy. Tääts ja yajkutujkpë y'ënäny ets yajtookëty tääpë ja'ay mëët ja tyo'oxytyëjk, ja y'u'unk y'ëna'k ets tu'kë'ëyë mëti'ipë myëët'ajtypyën, jëtu'un ja nyu'kxy tyaj'ëtukëty.

Mateo 16:23

Tääts ja Jesús wya'akwinpijty ets t'ënëmaay ja Pedro: Winwa'ktutkës mijts. Jëtu'un mkäjpxy ijxtëm yë mëjku'u tsokyën. Je'eyës mijts xy'atsipy. Ka'ap mwinma'any jyëtu'unëty ijxtëm yë Tiosën; jëtu'un mijts mwinma'any ijxtëm yë ja'ayën.

Amós 2:6

Jëtu'un yë Wintsën y'ënä'äny: Yë Israel ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty nyito'ktëp yë ja'ay ka'apë tii tuuntëkoyën ets mäjtsktä'änkën je'eyë kë'ëk yajtukwin'ëëntë këtiipë tnipaye'eytyëty ja oyoopë ja'ay.

Isaías 6:5

Ënätës të njootwinmay: Janty mon janty tukës nyajpaaty, yaajës ënät n'o'knëty, ëxëëkës të n'ëy të nkäjpxy ets jamës ntsëënë ma ja ja'ay ëxëëkjaty kyajpxtën myëtya'aktën.

Proverbios 30:2

Ëjts jëtu'un yajxon kujuun ma ja nmëye'etyëjktëjkënës, ëjts ninu'unës tii nkaja'akyukë.

Salmos 51:6

Tëyajtën ko mijts yë'ë mtsojkpy mja'ap yë jot winma'any mëti'ipë wa'atsën ets mëtëyën, mijtsës yë wijyajtën të xymyo'oy mëti'ipë yu'utsypyaat yajpatpën.

Job 42:6

Paaty yam ntukjootwinpity, maas yam n'u'unyën kuyjaamjoty ets naaxwayjoty.

Deuteronomio 6:5

Tsok jawë yë Wintsën Dios winë aaw winëjot, mëët tu'kë'ëyë mjot mja'awën ets tu'kë'ëyë mjot mmëjaaw.

Éxodo 22:3

E pën jääts ënety të y'ooky ma të xyiinyënën, jä'ä nëjkxëp ja yajnipaye'ey. Ja mëti'ipë ënety të tyony të myeetsyën, kopkpëky ko tkujuuytya'ajëty, ja mëti'ipë ënety të tmeetsyën. E ko ja meeny tkamëët'atëty mëti'ipë tyukujuyëpën kë'ëm nyätyookëtëty ets jëtu'un tkëpätëty ja mëti'ipë ënety të tmeetsyën.

Génesis 40:15

Ëjts jamës ojts tsoony ma hebreo ja'ayëtyën yë nyaaxjotëtyën, e ëjts ka'apës nitii poky të ntuny, koos yaa tsumy xyaj'itë.

Génesis 37:36

Yë Madián ja'ayëty jap ojts tkutookëtë yë José Egiptë, ma tu'uk yë ja'ayën, jä'ä xyëëwajtyp Potifar, wintsën ënety y'ity ma yajkutujkpën, mëti'ipë ënä'ämpën jap Egiptë; yë'ë ënety wintsën ijtp ma tsiptuunpëtëjkëtyën mëti'ipë kyëwent'ajtëpën yë yajkutujkpë.

Génesis 37:27

Nikë tim oy'atëp ko ntukmëto'kmëty yë'ë Ismael ja'ayëty, ka'ap jëtu'un tpaatëty ko ntimyaj'o'kmëty ets oy jeexyë wi'ix njama'ay njatajëmpë, n'uty'ajtëmën yë'ë. Ënet ja myëkä'äxtëjk oy tmëtoowtë ja winma'any, mëti'ipë ënety ja Judá nyikäjpxypën.

Hebreos 4:12

Ja Dios ja y'aaw y'ayuk myëët'ajtyp ja juukyajtën ets ja mëk'ajtën. Ni'ik jyëjpëty këtiinëm ja tëypyujxn tëëpë mäjtskpa'a yajme'eyën; tyukku'umëtyääpy ja jot winma'any këkpaat; ets tpaye'eytyä'äy pën tii pën myëmääpy myëtäjpy.

Romanos 3:9

¿Wi'ix na'ëna'anmëty? Ko njutiis'ajtëmë, ¿wä'än jëtää ëëts ni'ik n'oyajtëmë ets këtiinëm ja ka'apë jyutiisëtyë? Niwi'ix'äämpy. Jä'ä ko tëë yajnijawë ko pokyjotm ëëts nyajpata'ayëmë wä'än timpyënëty, oy tjutiisëty kyajutiisëty.

Romanos 6:6

Nnija'awëm ko ëëtsajtëm ëxëëk ijty njuuky'ajtëmë, e tëë ja njuukyajtën'ajtëm mëët tu'ukyë ja Kristë kyëruutspety, ets jëtu'un kyutëkoyëty ja ëxëëk winma'any ets ka'ap ja poky xy'ëktëytyu'unënëty,

Gálatas 4:3

Näyjyëtu'un ijty ëëts nyajpatëmë ko ja Kristë ënety ka'anëm myiny, jëtu'un ijty nyajpatëmë ijxtëm ja pi'k ëna'kën, jëtu'un ntsëna'ayëm njuuky'ajtëmë mëët ja naaxwiinyëtë winma'any.