Romanos 6:2 - Biblia Dc en Mixe de Quetzaltepec

² Niwi'ix'äämpy. Jëtu'un nyajpatëmë ijxtëm ja o'kpë ma ja pokyën. ¿Wi'ix npokytyuun'ëtëtsmëty?

Biblia Mixe de Quetzaltepec

² Niwi'ix'äämpy. Jëtu'un nyajpatëmë ijxtëm ja o'kpë ma ja pokyën. ¿Wi'ix npokytyuun'ëtëtsmëty?

Romanos 6:2 ပူးပေါင်းရင်းမြစ်များ

1 Juan 3:9

Ka'ap pyokytyuny mëti'ipë ja Dios u'unk'ajtëpën, jä'ä ko tap nye'pnyjoty tmëët'aty ja juukyajtën mëti'ipë ja Dios yäjkpyën; ka'ap tjëkyepy pyokytyuun'ëtë'ëtsëty, jä'ä ko Dios u'unk'ajtëp.

Colosenses 3:3

Jëtu'un tpaaty ijxtëm jeexyë të m'ooktën mëët ja Kristë. Kristë ja mjuukyajtënëty myëët'ajtyp tuknipëjkë'ëkë ma ja Tiosën.

Romanos 7:4

Näyjyëtu'un miitsëty mëku'ukëty, ko të xymyëjwa'kpätë ja Kristë jëtu'un tpaaty ijxtëm jeexyë mëët të m'ooktën ma ja ënä'ämënën, ets tu'ukyë m'itëty mëët ja Kristë ijxtëm ja ni'kx kopkën, mëti'ipë të y'ookyën ets tëë jatëkok jyuukpyiky. Jëtu'unts njuuky'ajtmëty tsuj yajxon ijxtëm yë Dios tsokyën.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

Gálatas 2:19

Jä'ä ko mëët ja ënä'ämën ëjts ookyës nyajpaaty etsës ja Dios yë'ë xyajjuuky'atëty. Tëës ja Kristë mëët nkruutspety,

Romanos 7:6

E tyam, ko n'ijtëmë ijxtëm ja o'kpën ma ja ënä'ämën mëti'ipë ka'ap xy'ëk'ënä'ämënën, ëwaatsëtum të nwë'ëmënë ets ja Dios nmëtu'unmëty ma ja Kënu'kxymyëkajtën jempyë ja nyë'ë tyu'u; ka'ap n'ëkmëtu'unënë ja ënä'ämën tëëpë nyajxnën.

1 Pedro 1:14

Jëtu'un m'itëty ijxtëm ja pi'k ëna'kën mëti'ipë tyeety myëmëtoowtëpën. Këtii jëtu'un mjuuky'atëty ijxtëm të m'itën ko ja Dios ijty xykyanijawëtë.

Colosenses 2:20

Ko ja Kristë të xymyëpëktë, jëtu'un tpaaty ijxtëm jeexyë miits të m'ooktën mëët ja Kristë, ka'ap m'ëk'ijnëtë ma ja ku'oypyën mëti'ipë yaa naaxwiinyëtën. ¿E wi'ix ko ënät je'eyëm mjuuky'ajt'ëtë'ëtstë ijxtëm ja ja'ayëtyën mëti'ipë ka'ap ja Dios tmëpëktën?

Gálatas 6:14

Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.

Salmos 119:104

Ma m'ënä'ämën mtëyajtën të nyajpëtsëmyës yë ijxkujk ja'aykyujkën, paaty n'ëxëëk'ixyës ja ëxëëktu'un ëxëëk kajpxën.

Romanos 5:11

Ets ka'ap yi'iyëty tyaapë, näjyëtu'un ntuk'ijt ntukxo'onëm ja mëti'ipë ja Dios të tunyën Jesukristë mëët, jä'ä ko Jesukristë mëët të nämyë'oypyëjkëmë ja Dios.

Génesis 39:9

Ma ya'atë tëjkën ni pën yaa kyajëtu'unëty ijxtëm ëjtsën, yë nwintsënës ka'apës tii xytyukmëwintuk'ooky; e mijtsyë tëy jëtu'un ka'ap mëpaat nmëmay nmëtajy, jä'ä ko mijts mto'oxytyëjk'atyë e jëtu'un ¿wi'ixës ko ëxëëkpë mtunëty ets nmëpokytyunëtyës yë Dios?

Lucas 20:16

Nëjkxaanp jam kyamjotm ets tyaj'o'kta'aja'any ja naax ënu'kxpëtëjk ets ja kyam wiinkpë ja'ay tmo'oja'any. Ko ja ja'ay tmëtoowtë ets y'ënantë: Tkatsoky ja Dios.

Romanos 6:15

¿E tii? ¿Tsojk npokytyuun'ëtëtsëm jä'ä ko ka'ap ja ënä'ämën y'ëktuunë ma ëëtsajtëmën ets jä'ä ko Dios oy xytsyojkëm xyjya'awëmë? Niwi'ix'äämpy.