Romanos 5:7 - Biblia Dc en Mixe de Quetzaltepec

⁷ Tsip ets pën tku'ookëty tu'uk ja ja'ay mëti'ipë të nyitëkën. Ets oy ënety ja ja'ay ka'ap jyapokymyëët'ajtpë; ets oy tii mëtëy të tjatuunpë.

Biblia Mixe de Quetzaltepec

⁷ Tsip ets pën tku'ookëty tu'uk ja ja'ay mëti'ipë të nyitëkën. Ets oy ënäty ja ja'ay ka'ap jyapokymyëët'ajtpë; ets oy tii mëtëy të tjatuunpë.

Romanos 5:7 ပူးပေါင်းရင်းမြစ်များ

1 Juan 3:16

Nnija'awëm wi'ix ja Jesukristë xytsyojkëmën ëmuumtu'ukjot, paaty të xykyu'o'këmë. Näyjyëtu'un ëëts nkë'ëyajkmëty ja njuukyajtën'ajtëm ets nku'o'këmëty ja nmëku'uk'ajtëmë.

Romanos 16:4

Yë'ë tëë nyäpyëjkta'akëtë kutsë'ëkëtum, o'kënjëjp'am, ëjtskyëjxm. Nyajnaxyës ja kukajpxën ets ka'apës nätyu'uk nkukajpxë, näjyëtu'un ni'ëmukë nkukajpxës ja mëpëjkpëtëjk mëti'ipë ka'ap jyutiis ja'ay'atën.

Juan 15:13

Ni pën tsojkën jëtu'un tkamëëtëty ijxtëm ya'atën ko pën tyäky ja jyuukyajtën ko ja myëku'uk ttsoky tjawë.

Hechos 11:24

Jä'ä ko oyjyä'äy ijty ja Bernabé, mooyëp ja Kënu'kxymyëkajtën ja mëk'ajtën ets ja winma'any ets tunëty mëti'ipë ja Dios tsyojkpyën. Amuumtu'ukjot ja Jesús tmëpëky. Jëtu'un ojts nyimayëtë ja ja'ay mëti'ipë myëpëjktën ja Wintsën.

Salmos 112:5

Ja ja'ay mëti'ipë oyjyä'äyën tyuk'ënu'kxyp ja jyiiky myëku'uk ja wit meeny ets mëtëy tyooky yäky

2 Samuel 18:27

Ja japë tëjkëjxy y'ijxke'ekyën mëti'ipë ayuk yajkpën, tyaa jyaak'ënany: Mëti'ipë jëyëjp miinpën jëtu'unës n'ixy jä'ä yowë Ahimaas, yë Sadoc yë myaank. Yë'ë, oyjyä'äy yë'ë, oy aaw oy ayuk yë yajmiinpy, jëtu'un ja yajkutujkpë y'ënäny.

2 Samuel 18:3

E yë'ëjëty tyaa y'ëtsoowtë: Ka'ap, ka'ap y'oy'atëty ets ënä'ämpë kë'ëm tsyoonëty, jä'ä ko yë mëtsip jëtu'un yë wyinmay ko ëëtsëty oyës nkä'äktëty, ëkë n'ooktëty ntëkoytyëtyës ka'ap nëkooyë mëj tjawëja'any; tii tëy ko tyaj'ookëty ja mëti'ipë ënä'ämpën jëtu'un tsyoowpaata'any tä jeexyë ëëts nimëkoxk mil ëkë nimajk mil n'ooktën. Paaty nikë oy ko mijts Wintsën mwë'ëmëty ets jää je'eyë xykyäxëty yë ja'ay ko ënety jam jyaaktsokyë.

Mateo 13:15

Jä'ä ko tëë ya'atë ja'ay jyot wyinma'any juun y'awinpitë, ëtuky yë tyatskëty, ets ëtuky yë wyiinëty, këtiipë y'ixtëty ets këtiipë myëtowtëty, këtiipë jyä'äkyukëtëty ets këtiipë xynyiwinpitëtyës, ets jëtu'un ka'ap tjëkyepy nyajtso'oktëtyës.

Romanos 5:6

Ko ënety ëëts'ajtëmë ka'ap tjëkyepy ëwaatsëtuuy nyajpatmëty, ënät ja Kristë myiiny ets ja pokyjyä'äy tni'o'ktuty.

Romanos 5:8

E yë Dios yajnikëxë'kpy ko tsoky tjawë ja ja'ay. Ma ënety ëëtsajtëm pokyjyä'äy nyajpatëmën, Kristë të xykyu'o'këmë.