Romanos 5:5 - Biblia Dc en Mixe de Quetzaltepec

⁵ Ya'atë mëpëjkën ka'ap maa tëkatsy xyajwë'ëmëty, jä'ä ko yë Dios tëë xymyo'oyëm ja tsyojkën jya'awën ma njoot'ajt nwinma'any'ajtëmën mëët ja kënu'kxymyëk'ajtën.

Biblia Mixe de Quetzaltepec

⁵ Ya'atë mëpëjkën ka'ap maa tëkatsy xyajwë'ëmëty, jä'ä ko yë Tios tëë xymyo'oyëm ja tsyojkën jya'awën ma njoot'ajt nwinma'any'ajtëmën mëët ja kënu'kxymyëk'ajtën.

Romanos 5:5 ပူးပေါင်းရင်းမြစ်များ

Job 27:8

¿Tii yë ëxëëk ja'ay jyaak'ëwxijtyp tuna'any? Pën tëë yë Dios tuknipëjktaakë ko pyëjkëja'anyë yë jyuukyajtën.

Salmos 119:116

Mooykyës yë mëjaaw mëk'ajtën jëtu'un ijxtëm të xywyinwanën, etsës njuuky'atëty. Këtiis ëxëëk xyajwë'ëmëty ma mëti'ipës n'ëwxijtypë.

Isaías 49:23

Yë'ë nëjkx yë yajkutujkpëtëjk xytyeety'atë ets ja yajkutujkpë ja nyëëx nëjkx ja u'unk ëna'k xytyukkëwent'atë. Mëj'äämpy nëjkx myajnaxëtë ets nëjkxëp mwinkoxtänëty. Ënätnëm nëjkx xyjyä'äymyetsy ko ëjtsës Wintsënajtp ets mëti'ipës xytyuk'ijxpäjtpën ka'ap tsëtyu'unmëët wyë'ëma'any.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Hechos 10:45

Ja mëpëjkpëtëjkëty mëti'ipë ja Judá ijxpëjkën mëpëjkën tyuk'ijtëtyëpën, mëti'ipë ënety ja Pedro mëët të jya'tën, jä'ä ojts mëj'ixy t'ixtë ko ja'ayëty yajmo'otë ja Kënu'kxymyëkajtën mëti'ipë ka'ap jyutiis'atën,

Hechos 2:17

Ko ënety ja naaxwiinyëtë kyëxanë, jääjës ja ja'ay ni'ëmukë nmo'oja'any ja njot nja'awën. Miits ja mnëëxëty, mmaankëty kyajpxtëp myëtya'aktëp ja n'aaw n'ayukës. Ja myä'äy'ëna'këty y'ixtëp ja mëti'ipës ënety ntuk'ixantëpën, ets ja mëjja'aytyëjkëty nëjkxëp mya'atë pyo'ktë oy tsuj.

Hechos 2:33

Ko ënety ja Dios Teety të yajtsajpetyë ets të yajnaaxweetsyë y'aka'any'äämpy ets ko ënety ja Kënu'kxymyëkajtën ja Dios Teety mëti'ipë të xytyuwinwa'anëmën ets tëë tyajknaxy ma ëëtsajtëmën. Yë'ë tyam të xy'ixtë ets të xymyëtowtë.

Romanos 8:28

Nnija'awëm ëëtsajtëm ko ja Dios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

Romanos 9:33

Jëtu'un ijxtëm ja Dios ja y'aaw y'ayuk kyëxja'ayëtyën: Ja'aykyukëtë, npëjktäkpypës jam Jerusalén tu'uk ja tsaa, tu'uk ja tsaa mëti'ipë ja'ay yajkëtawëpën ko jam kyunäpëty. Pën yë'ë tyuk'ijxpejtyp, ka'ap tsyëtyu'unpaata'any.

1 Corintios 8:3

Pën ja Dios tsyojkpy jya'ap, nija'awëyëp ja Dios.

2 Corintios 1:22

Tëë ja ijxwë'ëmën tpëjktä'äky ma ëëtsajtëmën ets tëë ja Kënu'kxymyëkajtën tpëjktä'äky ma ja njoot'ajt nwinma'any'ajtëmën ets yajnijawëty ko xypyaat'ajtëmë ja oyajtën mëti'ipë miinpën.

2 Corintios 13:14

Ja myëj'ajt y'oyajtën ja nwintsën'ajtëm Jesukristë, ja Dios ja tsyojkën jya'awën ets ja Kënu'kxypyë ja Mëk'ajtën wä'än tyajpaaty ma miitsëtyën ni'ëmukë.

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

Gálatas 4:6

Paaty ojts tkexy ja y'u'unk myääy ma ja n'aaw'ajt njot'ajtëmën ets tyaj'ijxë ko xy'u'unk'ajtëmë, jëtu'unts ja Jya'awën xyaj'ëna'anëmë: Abbá. Tatë

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Efesios 1:13

Yajkukajpxëp ja Kristë, näjyëtu'un miitsëty ko të xymyëtowtë ja mëtëypyë ja aaw ayuk, oy aaw oy ayuk mëti'ipë yajnitsokpën ets xymyëpëjktë, jëtu'un ojts miitsëty mwë'ëmtë tä tii yajtsa'ayën mëët ja Dios ja jyot myëjaaw ets yë'ë mjä'ä'ata'anëtë.

Efesios 4:30

Këtii nëkoo xyajjotmaytyëkëtëty ja Dios ja kyënu'kxymyëk'ajtën, mëti'ipë të myajtuk'ijxwë'ëmtën ko Dios mjä'ä'atëtë mapaat ja nitsokën ënety tu'ukyë myajmooynyëtën.

Filipenses 1:20

Njëjp'ijxypës ëmuumtu'ukjot ko ka'apës ntsëtyu'unpaata'any, ni'ikyës xymyo'oja'any ja Dios ja mëk'ajtën wi'ix yajmëjjaw yajjaantyjäwëtyën ja Kristë, oyës n'ookëty ëkë njuuky'atëtyës.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Dios ënety kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

2 Tesalonicenses 2:16

Ja Wintsën Jesukristë ets Dios, mëti'ipë nteety'ajtëmën, yë'ë të xytsyojkëm ets jotkujk'ajtën të xymyo'oyëmë xëmëkyëjxm; tsojk nkukajpxëm nja'awëkyëtakëmë ko y'oywyinma'any të tyajkëxë'ëky,

2 Timoteo 1:12

Paatyës tyam nku'ëyowë ya'atë. Je'eyëp ko ka'apës ntuktsëtyuny, jä'ä ko nnija'apës koos yë'ë ntuk'ijxpety; ets nnija'apës ko yë'ë myëët'ajtyp ja mëk'ajtën es tpëjkë'ëkëty ja kuma'ayën jekpyaat mëti'ipës të xytyukwinwanën.

1 Juan 4:19

Paaty ja Dios ntsojkëm, jä'äkyëjxm ko yë'ë jëwyiin të xytsyojkëm.