Romanos 5:18 - Biblia Dc en Mixe de Quetzaltepec

¹⁸ Jëtu'un ijxtëm ja Adán ja nyëë pyoky tyajpokytyëjkëtyääyën ja naaxwiinyëtë ja'ay, näjyëtu'un ja Jesukristë ja tyuunk mëtëypyë tyaj'ëwaatsë pëtsëëmta'ay ja ja'ay ets tmo'oy ja juukyajtën xëmëkyëjxmëpë.

Biblia Mixe de Quetzaltepec

¹⁸ Jëtu'un ijxtëm ja Adán ja nyëë pyoky tyajpokytyëjkëtyääyën ja naaxwiinyëtë ja'ay, näjyëtu'un ja Jesukristë ja tyuunk mëtëypyë tyaj'ëwaatsë pëtsëëmta'ay ja ja'ay ets tmo'oy ja juukyajtën xëmëkyëjxmëpë.

Romanos 5:18 ပူးပေါင်းရင်းမြစ်များ

1 Corintios 15:22

Jëtu'un ijxtëm ja Adán y'o'kyën, jëtu'un ja naaxwiinyëtë ja'ay të y'o'kta'atë; näjyëtu'un ko ja Kristë jyuukpyijky näjyëtu'un ja naaxwiinyëtë ja'ay të jyuukpyëjkta'atë.

Romanos 5:12

Jä'äkyëjxm ko tu'uk ja ja'ay pyokytyuuny paaty ja poky ojts tsyo'ontä'äky yaa naaxwiiny, ets ko ja poky tsyo'ontäky ënät näjyëtu'un tsyo'ontäky ja o'kën; jëtu'un ja o'kën nyaaxkëtäky ma ni'ëmukë ja ja'ayëtyën, jä'ä ko ni'ëmukë pyokytyuuntë.

Romanos 5:15

E ja Adán ja nyëë pyoky tim wäänë jä'ä, ni'ik këjää ja oyajtën mëti'ipë ja Dios të xymyo'oyëmën. Jä'ä ko tu'ukpë ja ja'ay pyokytyuunyën may ja ja'ay ojts y'ooktë; e mëët ko ja Dios xyajmëj'ajtëmë namëyajtën, tu'uk ja ja'ay të myëtä'äky ets ëëts nimay të ntuk'oy'ajtëmë, yë'ë jëtu'un yajtijp ja Jesukristë.

Romanos 5:19

Yë'ë tyijpy ko tu'uk ja ja'ay kyäjpxykyumëtoownajxy, may ja ja'ay ojts tmëpokytyëjkë; näjyëtu'un ënät ko tu'uk ja ja'ay ojts kyäjpxymyëtoy, may ja ja'ay tuk'oy'ata'any ets wa'ats nëjkx wyë'ëmtë.

Hechos 13:39

Jëtu'un miitsëty mëku'uktëjkëty xynyijawëtëty ko ja pokymyä'kxën yë'ë mëët yajnimëtyä'äky ja Jesús. Pënjaty mëpëjktëpën mëët yë'ëkyëjxm yajpokymyä'kxtë, ets ni'ëmukë ja nimä'kxën tpaatëty mëti'ipë ojts ka'ap yajnimä'kxtën mëët ja Moisés ja kyutujkën.

Hebreos 2:9

E Dios të xytyuk'ijxëm ja Jesús, mëti'ipë ja Dios tu'kxëëw tu'kjëmëjt pyëjktakën naxym këtiinëm ja anklëstëjk, tëë yajmo'oy ja kuttujkën ets ja mëj'ajt oyajtën, mëët ko tmënajxy tyajnajxy ja o'kën. Dios mëët ja tsyojkën jya'awën yë'ë ojts tuknipëjktaakë ets ja o'kën tpaatëty ets tuk'oy'atëty ja mayjyä'äy.

Romanos 4:25

Jesús, ojts yajkë'ëyäky ets y'ookëty mëët ko ënety ëëtsajtëm npokymyëët'ajtëmë, e ojts jyuukpyiky ets ëëtsajtëm wa'ts nwë'ëmëty.

Juan 1:7

Ijxpë tuunpë ojts myiny ets tnikajpx tnimëtya'akëty mëti'ipë ijtpën ijxtëm ja kutë'kxnën, jëtu'unts ni'ëmukë ja ja'ay myëpëkëtëty.

Juan 12:32

E koos naaxkëjxy ntsoonëty etsës npa'tëkëja'any tsajpjotm, nyajnëjkxta'ajäämpyës ja ja'ay ma ëjtsën.

1 Juan 2:20

Tëë miits ja Dios mmo'ojëtë ja Kënu'kxymyëkajtën, paaty ja tëypyë jaantypë xynyijawëtë.

2 Pedro 1:1

Simón Pedro, Wintsën Jesukristë tyuunpë ets y'ayuk kajpxnajxpë, mtuknijayëtë ya'atë noky miitsëty, mëti'ipë ja Yajnitsokpë Jesukristë nTios'ajtëmë të tmëpëktën.

Juan 3:26

ets ojts tuk'ëwaanëtë ja Juan, ets t'ënëmaaytyë: Wintsën, ja ja'ay mëti'ipë ënety mijts jam mëëtën, jam Jordán, mëti'ipë të xynyimëtyä'äkyën tam tyam yajnëëpety ets nimay ja ja'ay jyänty nyiminyë.

Isaías 53:11

E oy ënety ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënety nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

Romanos 3:25

Dios ojts jëtu'un tuknipëjktaakë ko ja Kristë mëët ja nye'pyny yajpaatëty ja pokynyimyä'kxën. Ya'atë pyokynyimä'kxën ënät yajpaaty ko yajmëët'aty ja mëpëjkën. Jëtu'un ja Dios tyajnikëxë'ëky wi'ix xyajnaxa'anëmë wa'ats, ko të tme'kxy ja nëë poky mëti'ipë ënety të ntu'un të nkajpxëmën,

Romanos 6:14

Jëtu'unts ja poky ka'ap m'ëk ënä'ämënëtëty, jä'ä ko ka'ap yë'ë ja ënä'ämën xy'ëktukjuuky'ajnëtë, Dios ja y'oyajtën mtukjuuky'ajnëtëp.