Romanos 5:14 - Biblia Dc en Mixe de Quetzaltepec

¹⁴ Jä'ä tëy ma jyuuky'äjtyën ja Adán ets jääpaat ma ja Moisés jyuuky'äjtyën, ja o'kën ojts jää y'ëne'emy ma ja pokytyuunpëtëjkëtyën. Ka'ap yë'ëkyëjxmëty ko ja ënä'ämën tkapatuuntë, ijxtëm ja Adán jyäjtyën, mëti'ipë yajnitë'kxën ko ënety ja Kristë myina'any.

Biblia Mixe de Quetzaltepec

¹⁴ Jä'ä tëy ma jyuuky'äjtyën ja Adán ets jääpaat ma ja Moisés jyuuky'äjtyën, ja o'kën ojts jää y'ëne'emy ma ja pokytyuunpëtëjkëtyën. Ka'ap yë'ëkyëjxmëty ko ja ënä'ämën tkapatuuntë, ijxtëm ja Adán jyäjtyën, mëti'ipë yajnitë'kxën ko ënäty ja Kristë myina'any.

Romanos 5:14 ပူးပေါင်းရင်းမြစ်များ

1 Corintios 15:45

Jëtu'un ja Dios ja y'aaw y'ayuk kyëxja'ayëty: Ja ye'etyëjk mëtu'ukpë, ja Adán, myëët'ajt ja juukyajtën; je'eyëp ko ja ix'okpë Adán, ja Jesukristë yajtijp, yë'ë ja juukyajtën të tmëminy tëkatsypë, ka'ap jyëtu'unëty ijxtëm ja mëti'ipë myëmiinën ja jëwyiinpën ja Adán.

Hebreos 9:27

Jëtu'un ijxtëm yajtuknipëjktakëyën ja ja'ay tuk'okyë y'ookëty ets yajnipaye'eytyëty.

Romanos 5:17

Pën paatykyëjxm jyää'ajty ja o'kën ko tu'ukpë ja ja'ay pyokytyuuny. Ni'ik ja Dios, mëët ja tsyojkën jya'awën namëyajtënpë tyajwa'atsa'any ja mayjyä'äy, ma y'ënä'äma'anyën xëmëkyëjxm tu'ukpë ja ja'ay, ja Jesukristë.

Romanos 8:22

Nnija'awëm ko tu'kë'ëyë mëti'ipë ja Dios y'oytyuunën, ëyoow jotëkooytyëp jä'äjëty tyam ijxtëm tu'uk ja to'oxytyëjkën mëti'ipë u'unkpaataanpën.

Romanos 5:21

Jëtu'un ijxtëm ja poky ojts y'ëne'emyën mëët ja o'kën, näjyëtu'un ja Dios ja y'oyjyot y'oywyinma'any ojts mëtëy y'ëne'emy ko tyajmiiny ja juukyajtën xëmëkyëjxmëpë, mëët ja Jesukristë ja xyëëw.

Génesis 7:22

Ojts y'o'kta'atë ets kyëjxtaaytyë tu'kë'ëyë jënu'un ënety naaxkëjxy winë y'ityën ets jënu'un jyuuky'ätyën ets xyejyën.

Romanos 8:20

Tu'kë'ëyë mëti'ipë Dios y'oytyuunën, kajpxpoky ojts wyë'ëmtë. Ka'ap yë'ëty kë'ëm jëtu'un tsojkën'ajtë, yë'ë tsyojk mëti'ipë tyuknipëjktakëyën; je'eyëp ko xëmë ojts tjëjp'ixtë ja oyajtën

Jonás 4:11

E pën jëtu'unts, nän oy, je'eyëp ko yë'ë mja'akyukëp ko jëtu'un ijxtëm tääpë tsi'iw'aats xypya'ëyoyën ko të tsyi'itsy, näjyëtu'unës yë Nínive kajpn mpa'ëyoy. Ma tääpë kajpnën naxy jam mëko'px ja i'px yë pi'k ëna'k mëti'ipë ka'ap tii poky tmëëtëtyën ets näjyëtu'un yë aayjëyujk ujtsjëyujk.

Oseas 6:7

E ëjts yë nnaax nkajpnës, nän timjëtu'un të y'ëti'itsy Adankën, tëë tkäjpxykyumëtoownaxtë ja käjpxytyu'unën ets wiink winma'any të tpatnëtë.

Génesis 19:25

Yajkutëkooytyääy tu'kë'ëyë mëti'ipë ënety jam tsënaaytyëpën ets tyajkëjxtaay winëjaty mëti'ipë jam yä'kp päjtpën joyjyotm.

Génesis 4:8

Ënet yë Caín twooy yë y'uty Abel tu'kxëëw tu'kjëmëjt jëtijtpë jam kamjotm, ko ënety jëtu'un nimäjtsk jam yajpaatë kamjotm. Ënet yë Caín ojts yë y'uty tnipëtë'ëky ets tyaj'o'ky.

Éxodo 1:22

Yë yajkutujkpë ojts t'ëne'emy yë ja'ay ets t'ënëmaay: Nëjkx nëëkujëpijpta'atë yë mëxu'unktëjk, mëti'ipë yä'äy ëna'këtyën, yë'ë jëtu'un yë hebreo ja'ayëty y'u'unkëty, tu'kë'ëyë jëtu'un tyimmintën naaxwiiny, yë to'oxy ëna'k'u'unkëty myajwë'ëmtëp, wä'än tjuuky'atë.

Éxodo 1:6

Yë José myëkä'äxtëjk jënu'un ënety mëët tyu'knaxëtyën, ojts ja y'o'ktaaynyëtë.

Romanos 5:12

Jä'äkyëjxm ko tu'uk ja ja'ay pyokytyuuny paaty ja poky ojts tsyo'ontä'äky yaa naaxwiiny, ets ko ja poky tsyo'ontäky ënät näjyëtu'un tsyo'ontäky ja o'kën; jëtu'un ja o'kën nyaaxkëtäky ma ni'ëmukë ja ja'ayëtyën, jä'ä ko ni'ëmukë pyokytyuuntë.

1 Corintios 15:22

Jëtu'un ijxtëm ja Adán y'o'kyën, jëtu'un ja naaxwiinyëtë ja'ay të y'o'kta'atë; näjyëtu'un ko ja Kristë jyuukpyijky näjyëtu'un ja naaxwiinyëtë ja'ay të jyuukpyëjkta'atë.