Romanos 4:9 - Biblia Dc en Mixe de Quetzaltepec

⁹ ¿Ko jëtu'un ja David y'ënäny, wä'än jëtää yi'iyë pyaat'atëtë ja jotkujk'ajtën mëti'ipë tëë yajnatsujk'ëwtitën ja ye'etyëjkajtën, ëkë paat'ajtëtëp näjyëtu'un mëti'ipë ka'apënë? Tëë n'ëna'anëm ko yë Abraham oy ojts wyi'im mëët ja Dios jä'äkyëjxm ko myëpëjky.

Biblia Mixe de Quetzaltepec

⁹ ¿Ko jëtu'un ja David y'ënäny, wä'än jëtää yi'iyë pyaat'atëtë ja jotkujk'ajtën mëti'ipë tëë yajnatsujk'ëwtitën ja ye'etyëjkajtën, ëkë paat'ajtëtëp näjyëtu'un mëti'ipë ka'apënë? Tëë n'ëna'anëm ko yë Abraham oy ojts wyi'im mëët ja Tios jä'äkyëjxm ko myëpëjky.

Romanos 4:9 ပူးပေါင်းရင်းမြစ်များ

Gálatas 3:14

Paatykyëjxm jëtu'un tyuunë jyajtë ets ja Dios ja kyënu'kxën jya'atëty ma ja ja'ayëtyën ka'apë jyutiis'atën, mëti'ipë ja Dios tyukwinwa'anëyën ja Abraham, ets näjyëtu'un ja Kënu'kxymyëkajtën n'ëxajëmëty ni'ëmukë mëti'ipë ja Dios tëë twaantä'äkyën.

Colosenses 3:11

Ka'ap yë'ë kyopkpëkyëty pën griegë ja'ay ets jutiis ja'ay, pën tsuky ets pën katsukyën, wä'än tpën ja'ayëty tiija'ayëty, wä'än yë'ëjëty mëti'ipë ka'ap kyajpxwijyëtyën, ëkë mëtuunpë nitookpyë ëkë wä'än t'ëwaatsëtumpëty. Yë'ë kopkpëky ko ja'ay y'ity mëët ja Kristë mëti'ipë tu'kë'ëyë winë myëët'ajtääpyën.

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

Romanos 4:3

Jëtu'un ja Dios ja y'aaw y'ayuk y'ënä'äny këxja'ay: Abraham ojts ja Dios tmëpëky, paaty ojts wa'ats yajnaxyë.

Lucas 2:32

jëtu'unts y'itëty ijxtëm ja kutë'kxnën mëti'ipë kyujaj kyutë'kxëpën ja naax kajpn, mëti'ipë yajnaxëpën ja Israel ja'ay mëj'äämpy.

Isaías 49:6

Jëtu'un yë Wintsën y'ënä'äny: Ëjts ka'apës yi'iyë ntukjotkujk'aty ko xyajtu'ukmukëty yë Jacob yë jyä'äy ets xyajwinpijta'ajëty tëkokyë mëti'ipë të kyäktso'oktën; ëjts yë'ëjës ntsojkpy ets mijts m'itëty ma naax kajpnën tä kutë'kxn kujajnën, ets xymyënëjkxëty ma ja naax kajpnën ja nitsokën ets yaj'ëwaatsëpëtsë'ëmën.

Génesis 15:6

Abram ojts tmëpëky yë Wintsën. E paaty ojts kyupëkyë ets yajnajxë wa'ats.

Romanos 4:10

¿E jëna'a jëtää ojts oy wyi'im mëët ja Dios, ko ja Abraham ojts yajnatsujk'ëwtity ja ye'etyëjkajtën, ëkë ko ënety ka'anëm yajnatsujk'ëwtityë? ka'anëm ënety yajnatsujk'ëwtity ja ye'etyëjkajtën ko ojts oy wyi'im mëët ja Dios.