Romanos 4:16 - Biblia Dc en Mixe de Quetzaltepec

¹⁶ Jëtu'un ja waantakën xëmë tsyoowpaatëty mëti'ipë ja Abraham tyuunën ets tuk'oy'atëty ja y'u'unk y'ëna'k; tyaapë oyajtën namëyajtën ojts tpaatë, yë'ëkyëjxm ko myëpëjktë. Ka'ap yi'iyëty mëti'ipë pyatuuntëpën ja ënä'ämën tëyajtën, näjyëtu'un ja mëti'ipë mëpëjktëpën jëtu'un tä ja Abrahamën. Jëtu'un'äämpy ja Abraham teety nyäjxy ma ëëtsajtëmën.

Biblia Mixe de Quetzaltepec

¹⁶ Jëtu'un ja waantakën xëmë tsyoowpaatëty mëti'ipë ja Abraham tyuunën ets tuk'oy'atëty ja y'u'unk y'ëna'k; tyaapë oyajtën namëyajtën ojts tpaatë, yë'ëkyëjxm ko myëpëjktë. Ka'ap yi'iyëty mëti'ipë pyatuuntëpën ja ënä'ämën tëyajtën, näjyëtu'un ja mëti'ipë mëpëjktëpën jëtu'un tä ja Abrahamën. Jëtu'un'äämpy ja Abraham teety nyäjxy ma ëëtsajtëmën.

Romanos 4:16 ပူးပေါင်းရင်းမြစ်များ

Efesios 2:8

Dios të tuny ja mëyajtën ets të myajnitso'okëtë ko të mëpëktë. Ka'ap yë'ëkyëjxmëty ko miits oy tii të xytyuntë, Dios të tuny ja mëyajtën.

Gálatas 3:22

E ja Dios ja y'aaw y'ayuk jëtu'un y'ënä'äny ko ni'ëmukë ja ja'ay pokyjotm y'ijta'atë ets tpaatëty mëti'ipë ja Dios të twinwanën ko ja Jesukristë të tmëpëktë.

Romanos 9:8

Jëtu'unts ya'atë yajja'akyukë ko ka'ap yë'ëkyëjxmëty ja'ay Dios y'u'unk'atyë ko ko ja tyeety y'ap pyënja'ayëty; Dios yë'ë y'u'unkniwäämpy yë ja'ay mëti'ipë pyatuumpyën ijxtëm ja Dios të twinwanën, yë'ë tëyëty u'unk o'k jyänty yajtijtë.

Tito 3:7

ets oy nwë'ëmëty mëët ja Dios yë y'oyajtën, jëtu'un npatmëty xëmëkyëjxm ja juukyajtën.

Efesios 2:5

tëë xymyo'oyëmën ja juukyajtën ko mëët ja Kristë ma ënety nyajpatëmën ooky ko ja nëë poky nmëët'ajtëmë. Dios ja myëyajtën të ttuny ets miits të xypyaatë ja nitsokën.

Romanos 15:8

Ja Kristë tëë jëyëjp tniminy ja Jutiis ja'ay ets tpatuny ja aaw ayuk mëti'ipë ja Dios tyukwinwa'anëyën ja n'ap'ajt nteety'ajtëmë, ets tyajnikëxë'ëky jëtu'un ko Dios pyatuumpy yë'ë ko tii twinwanë.

Romanos 5:1

Paaty ja Dios wa'ats të xyajwë'ëmëmë ko të nmëpëjkëmë, nmëët'ajtëm ja jotkujk'ajtën mëët ja Dios ko ja nWintsën'ajtëm Jesukristë të myiny naaxwiiny.

Isaías 51:2

Ixtë ja Abraham, mëti'ipë miitsëty mteety'ajt m'ap'ajtëpën, ja Sara mëti'ipë myajmëxu'unk'ajtëtën. Koos ojts nmëkäjpxy nimäjtskpajk ënety je'eyëty; e koos ojts nkënu'kxtë tääts nyimayëtë ets tpatë may ja y'u'unk y'ëna'k, y'u'unk y'ok.

2 Pedro 1:10

Mëku'uktëjkëty, yë'ëkyëjxm ko ja Dios të mtsokëtë ets të mwin'ixëtë, yajkopkpëktë ja oypyë winma'any këtiipë ja poky xy'ëktuunëtëty.

Romanos 4:11

Ja ijxwë'ëmën mëti'ipë ojts yajpëjktä'äkyën ko yajnatsujk'ëwtijty ja ye'etyëjkajtën, jä'ä yë'ë ets nyikëxë'ëkëty ko yë'ë oy të wyi'im mëët ja Dios ko tmëët'aty ja mëpëjkën. Jëtu'unts ja ja'ay mëti'ipë ja Dios myëpëjktëpën, oy kyanatsujk'ëwtityëty yë ye'etyëjkajtën, Abraham yë'ë y'ap'ajtëp y'ok'ajtëp ets oy wyë'ëmtë mëët ja Dios.

Lucas 19:9

Tääts ja Jesús y'ënëmaayë: Tyam tëë jyä'ty ja Dios ja nyitsokën ma ya'atë tëjkën, jä'ä ko ya'atë Zaqueo nän Abraham yë'ë y'u'unk y'ok.

Romanos 3:22

mëët ja mëpëjkën jam ma ja Jesukristë, Dios wa'ats tyajnaxy ni'ëmukë ja ja'ay mëti'ipë të myëpëktën. Ka'ap wyin'ixy wyinkexyëty;

Romanos 3:30

jä'ä ko tu'ukyë je'eyë Dios, mëti'ipë oy yajwë'ëmpyën ja ja'ay ko myëpëktë, wä'än tjutiis kyajutiisëty, pën tsuky katsuky.

Gálatas 3:14

Paatykyëjxm jëtu'un tyuunë jyajtë ets ja Dios ja kyënu'kxën jya'atëty ma ja ja'ayëtyën ka'apë jyutiis'atën, mëti'ipë ja Dios tyukwinwa'anëyën ja Abraham, ets näjyëtu'un ja Kënu'kxymyëkajtën n'ëxajëmëty ni'ëmukë mëti'ipë ja Dios tëë twaantä'äkyën.

Gálatas 3:16

Näyjyëtu'un ënät, Dios ojts tukwinwanë ja Abraham mëët ja y'u'unk y'ok ja oypyë ja juukyajtën. Yë Dios yë y'aaw y'ayuk ka'ap ni'ëmukë ja'ay tijta'ay: U'unk ok, jä'ä y'ënäny mijts yë m'u'unk m'ok, ja Kristë yajtijp.