Romanos 4:14 - Biblia Dc en Mixe de Quetzaltepec

¹⁴ Ko jeexyë yë'ë'atë ja kuma'ayën t'ëxajëja'antë mëti'ipë ja Dios ja y'ënä'ämën pyatuuntëpën, ka'ap jeexyë tyuny ko Dios yajmëpëky ets ni kyatuny jeexyë ja Dios ja wyaantä'äky.

Biblia Mixe de Quetzaltepec

¹⁴ Ko jeexyë yë'ë'atë ja kuma'ayën t'ëxajëja'antë mëti'ipë ja Tios ja y'ënä'ämën pyatuuntëpën, ka'ap jeexyë tyuny ko Tios yajmëpëky ets ni kyatuny jeexyë ja Tios ja wyaantä'äky.

Romanos 4:14 ပူးပေါင်းရင်းမြစ်များ

Filipenses 3:9

ets nyajpaata'anyës jam ma yë'ëjën; ka'ap yë'ëkyëjxmëty koos të nyajpaye'ey mëët ja ënä'ämën kuttujkën; yë'ëkyëjxm ko yajmëët'aty ja mëpëjkën ma ja Kristën, mëti'ipë ja Dios nyipaye'eyën'ajtypyën ko të yajmëpëky.

Hebreos 7:28

Ja Moisés ja y'ënä'ämën yë'ë nyikäjpxyp ets tyeetywintsën'atëty mëti'ipë pokyjyä'äyën, e ok ojts ja Dios nyäyajkäjpxyë ets ja y'u'unk teety wintsën y'itëty mëti'ipë xëmëkyëjxm tunëpën mëtëy.

Hebreos 7:19

jä'ä ko ja Moisés ja y'ënä'ämën nitii ojts oy wa'ats tkayajwë'ëmy, ëëtsajtëm yë'ë jawäänë oypyë njëjp'ijxëm, paaty nmëwinko'onëm ja Dios.

Gálatas 2:21

Ka'apës n'ixtija'any ja Dios ja y'oyjyot y'oywyinma'any; ko jeexyë oy n'ëkwë'ëwëm mëët ja Dios ko ja Moisés ja y'ënä'ämën yajpatuny, natëkë jeexyë të y'ooky ja Kristë.

Romanos 4:16

Jëtu'un ja waantakën xëmë tsyoowpaatëty mëti'ipë ja Abraham tyuunën ets tuk'oy'atëty ja y'u'unk y'ëna'k; tyaapë oyajtën namëyajtën ojts tpaatë, yë'ëkyëjxm ko myëpëjktë. Ka'ap yi'iyëty mëti'ipë pyatuuntëpën ja ënä'ämën tëyajtën, näjyëtu'un ja mëti'ipë mëpëjktëpën jëtu'un tä ja Abrahamën. Jëtu'un'äämpy ja Abraham teety nyäjxy ma ëëtsajtëmën.

Romanos 3:31

Pën jëtu'un, ¿ka'ap jëtää ja ënä'ämën tii mëk'ajtën t'ëkmëët'ajnë ko yajmëët'aty ja mëpëjkënë? Niwi'ix'äämpy. Ni'ikyë njaaktimyajmëjnajxëmë ja ënä'ämën.

Isaías 55:11

jëtu'un ja n'aaw n'ayukës mëti'ipës nkäjpxypën ka'ap tukwa'ats wyimpity, jëtu'un winë tyunyë jyätyë tääjës të ntuknipëjktaakën etsës nikäjpxy wi'ixës ntsokyën.

Gálatas 5:4

Miitsëty, mëti'ipë tsyojkën'ajtëpën ets mëët ja Dios oy mwë'ëmtëty ko xypyatuna'antë ja ënä'ämën, tëë xy'ëxmatstë ja Kristë ets të mnäpyëjkta'akëtë ma ka'ap xypyaatëtyën ja Dios ja tsyojkën jya'awën.

Jeremias 19:7

Ma ya'atë it naaxwiinyëtën nyajma'ta'ajäämpyës tëkokyë mëti'ipë yë Judá ja'ayëty ets Jerusalén ja'ayëty tyuknipëjktakëtëpën. Ëjts nyajkutukäämpy ets myëtsip ëxëëk tyunëtëty, yaj'ookëtëty, yë jyot nyini'kxëty yë'ë nëjkx lut majkwejkxy ets kaa tsyu'tsëtë.

Salmos 119:126

Wintsën, tëë yë xëëw po'o tpaaty ets tii xytyunëty, ma ja ja'ayëtyën mëti'ipë ka'ap tpatuntën ja m'ënä'äm mtëyajtën.

1 Corintios 1:13

¿Pëjkwa'kx jëtää yë Kristë, ëkë ëjts Pablo ojts miits nkukruutspätë, ëkë ëjts nxëëwkyëjxm ojts miits mnëëpätë?