Romanos 4:1 - Biblia Dc en Mixe de Quetzaltepec

¹ ¿Wi'ix n'ëna'anmëty, tii ojts tpaaty ja nteety'ajt n'ap'ajtëmë Abraham?

Biblia Mixe de Quetzaltepec

¹ ¿Wi'ix n'ëna'anmëty, tii ojts tpaaty ja nteety'ajt n'ap'ajtëmë Abraham?

Romanos 4:1 ပူးပေါင်းရင်းမြစ်များ

Isaías 51:2

Ixtë ja Abraham, mëti'ipë miitsëty mteety'ajt m'ap'ajtëpën, ja Sara mëti'ipë myajmëxu'unk'ajtëtën. Koos ojts nmëkäjpxy nimäjtskpajk ënety je'eyëty; e koos ojts nkënu'kxtë tääts nyimayëtë ets tpatë may ja y'u'unk y'ëna'k, y'u'unk y'ok.

Romanos 4:16

Jëtu'un ja waantakën xëmë tsyoowpaatëty mëti'ipë ja Abraham tyuunën ets tuk'oy'atëty ja y'u'unk y'ëna'k; tyaapë oyajtën namëyajtën ojts tpaatë, yë'ëkyëjxm ko myëpëjktë. Ka'ap yi'iyëty mëti'ipë pyatuuntëpën ja ënä'ämën tëyajtën, näjyëtu'un ja mëti'ipë mëpëjktëpën jëtu'un tä ja Abrahamën. Jëtu'un'äämpy ja Abraham teety nyäjxy ma ëëtsajtëmën.

2 Corintios 11:22

¿Hebreo ja'ay yë'ëjëtyë? Ëjts näjyëtu'un. ¿Israel ja'ay yë'ëjëtyë? Ëjts näjyëtu'un. ¿Abraham yë'ë y'u'unk y'okëtyë? Ëjts näjyëtu'un.

Hechos 13:26

Tääts ja Pablo jyaak'ënany: Mëku'uktëjkëty, Abraham yë y'u'unk y'ok, ets miitsëty ka'apë jyutiis'atën je'eyëp ko mmëpëjktaktëp ja Dios: ëëts jëtu'un ojts nyajtuknikäjxëm ja aaw ayuk mëti'ipë yajknitsokpën.

Juan 8:56

Ja Abraham, mëti'ipë miits m'ap'ajt mteety'ajtëpën, ojts ja xyoontä'äky ko tnija'awëy koos nmina'any ets ko t'ijx akujk jotkujk ojts nyäjyawëty.

Romanos 7:7

¿E jyëkyejpy n'ëna'anmëty ko jyää'aty ja ënä'ämën paaty jyää'aty ja pokyë? Niwi'ix'äämpy. Je'eyëp ko ja ënä'ämën jeexyë kyaka'ty, ka'ap jeexyë ëjts nijawë tii poky'ajtp. Ka'apës jeexyë të nijawë ko tii yaj'atsoky poky yë'ë, ko jeexyë ka'ap ja ënä'ämën y'ënä'äny këtii m'atsokëty.

Mateo 3:9

këtii nëkoo mnätyukmëjjawëtëty tii ets m'ëna'antëty: Abraham ëëts nteety'ajt n'ap'ajtëp, ka'apës Dios xyaj'ëyowtëty. Tyam miits nëëmëtë ko Dios mayëtëp ets tsaa tyaj'awinpitëty Abraham y'u'unk y'ok.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Juan 8:53

¿Wä'än jëtää mijts mjaaktimyëjëtyë këtiinëm ja n'ap n'okëtyës Abrahamë? O'k jä'ä ets näjyëtu'un ja Dios ja kyäjpxynyajxpëtëjk. ¿Pën mijts mtimnyäjya'awënë?

Juan 8:33

Tääts ja jutiis ja'ayëty y'ëtsoowtë: Abrahamës nteety'ajt n'ap'ajtëp, ka'apës pën të xyajtuntë juy tooky. ¿E wi'ix ko mijts m'ëna'any koos ëwaatsëtum xypyëjkta'aka'antë?

Lucas 3:8

Yajxon mja'ay'atëty ets xyajnikëxë'ëkëty ko të mjootwinpitë, këtii kë'ëm mnäy'ëna'anëtëty: Abraham ëëtsajtëm xy'u'unk'ajt xy'ok'ajtëm. Ëjts, jëtu'un yam miits nëëmëtë ko Dios jyëkyejpy yë tsaa tyaj'awinpitëty Abraham y'u'unk y'ok.

Hebreos 12:9

Näyjyëtu'un ko të nmutsk'ajtëm, tëë ja nteety'ajtëm yaa naaxwiiny xywyijtswinpijtën ets tëë nwintsë'këm. ¿E tii ko nkawintsë'këmëty ja Dios, mëti'ipë tsajpjotmën? Wä'än xywyijtswinpijtën ets npatmëty ja juukyajtën.

Romanos 6:1

¿Wi'ix na'ëna'anmëty? ¿Pokytyuun'ëtëtsmëp ets ja Dios xy'oyjya'awëmëtyë?

Romanos 1:3

Ma tnimëtyä'äkyën ja Dios ja y'u'unk, Wintsën Jesukristë, mëti'ipë mëxu'unk'ajtën jëtu'un tä oy pën ja'ayën; yë'ë ja David ja y'u'unk y'ok;

Romanos 3:5

E pën ëxëëk ëëts winë të ntu'unëmë ets tyajnikëxë'ëky ko mëtëy yë Dios winë tuny, ¿Wi'ix na'ëna'anmëty? ¿Ko Dios ka'ap tii oy tuny ko xytyukkëpäjtëm ja mpoky'ajtëmë? Jëtu'unës yam nkäjpxy ijxtëm ja naaxwiinyëtë ja'ay myäy tyäjyën.