Romanos 3:30 - Biblia Dc en Mixe de Quetzaltepec

³⁰ jä'ä ko tu'ukyë je'eyë Dios, mëti'ipë oy yajwë'ëmpyën ja ja'ay ko myëpëktë, wä'än tjutiis kyajutiisëty, pën tsuky katsuky.

Biblia Mixe de Quetzaltepec

³⁰ jä'ä ko tu'ukyë je'eyë Tios, mëti'ipë oy yajwë'ëmpyën ja ja'ay ko myëpëktë, wä'än tjutiis kyajutiisëty, pën tsuky katsuky.

Romanos 3:30 ပူးပေါင်းရင်းမြစ်များ

Gálatas 3:8

Ma ja Dios ja y'aaw y'ayuk këxja'ay myinyën, tap nimëtyä'äky ko mëpëjkënkyëjxm ja ja'ay oy wyi'imy mëët ja Dios mëti'ipë ka'ap jyutiisëty ets jëtu'un ja Abraham yajtuk'ëwa'anëy ja oy aaw oy ayuk ko ja Dios y'ënëmaayë: tu'kë'ëyë naaxwiinyëtë ja'ay kënu'kxy nëjkx wyë'ëmta'atë mëëtkyëjxm ko mijts të mmëpëky.

Gálatas 3:20

E ko ja Dios ja wyaantakën ojts tyajwë'ëmy mëët ja Abraham, kë'ëm twaantäky, ka'ap ojts pën ëpëky tkajpxnaxy.

Filipenses 3:3

jä'ä ko ëëtsajtëm jëtu'un nxëëwajtëm mëti'ipë ja ye'etyëjkajtën të yajnatsujk'ëwtityën, mëti'ipë y'ëwtajtëpën ja Dios mëët ja Kënu'kxymyëkajtën, ets yë'ë nätyukmëjja'awëm ja Kristë Jesús, ka'ap yë'ëjëty nätyukmëjja'awëm ja nëkëjxypyë.

Gálatas 6:15

Ka'ap tsyowpaaty oy ja ja'ay ye'etyëjk'ajtënën jyanatsujk'ëwtityëty; yi'iyë tsoowpatp ko ja'ay tmëëtëty ja juukyajtën jempyë.

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

Gálatas 3:28

Ka'ap ma y'ëktuunnë pën jutiis kajutiis, mëtuunpë ëkë kamëtuunpë, ye'etyëjk ëkë to'oxytyëjk, jä'ä ko tu'ukyë miitsëty ijxtëm ja ja'ay tu'ukpën, jä'äkyëjxm ko tu'ukyë mëët ja Kristë Jesús m'itë.

Romanos 3:28

Jëtu'un yajnijawë ko mëpëjkën mëët ja ja'ay oy wyë'ëmtë mëët ja Dios ets ka'ap yë'ëkyëjxmëty ko ja ja'ay tpatuntë ja ënä'ämën.

Deuteronomio 6:4

Mëtoow'it, ënät tyam mijts Israel ja'ayëty: Yë nWintsën'ajtëm Dios tu'ukyë je'eyë Wyintsën'aty.

Romanos 2:26

Pën ka'ap yajnatsujktu'utyën ja ye'etyëjkajtën ets tpatuny ja Dios ja y'ënä'ämën, jëtu'un yajpëjktä'äky ijxtëm jeexyë tsyukyëtyën.

Romanos 2:27

Pën pyatuumpyën ja Dios ja y'ënä'ämën, oy ënety kyatsukyëty, yë'ë nëjkx tyajnikëxë'ëky ko ja ja'ay pyaat'atyë ja ëyo'on, jä'äkyëjxm ko ka'ap tpatuny ja Dios ja y'ënä'ämën.

Romanos 3:22

mëët ja mëpëjkën jam ma ja Jesukristë, Dios wa'ats tyajnaxy ni'ëmukë ja ja'ay mëti'ipë të myëpëktën. Ka'ap wyin'ixy wyinkexyëty;

Romanos 4:9

¿Ko jëtu'un ja David y'ënäny, wä'än jëtää yi'iyë pyaat'atëtë ja jotkujk'ajtën mëti'ipë tëë yajnatsujk'ëwtitën ja ye'etyëjkajtën, ëkë paat'ajtëtëp näjyëtu'un mëti'ipë ka'apënë? Tëë n'ëna'anëm ko yë Abraham oy ojts wyi'im mëët ja Dios jä'äkyëjxm ko myëpëjky.

Romanos 4:16

Jëtu'un ja waantakën xëmë tsyoowpaatëty mëti'ipë ja Abraham tyuunën ets tuk'oy'atëty ja y'u'unk y'ëna'k; tyaapë oyajtën namëyajtën ojts tpaatë, yë'ëkyëjxm ko myëpëjktë. Ka'ap yi'iyëty mëti'ipë pyatuuntëpën ja ënä'ämën tëyajtën, näjyëtu'un ja mëti'ipë mëpëjktëpën jëtu'un tä ja Abrahamën. Jëtu'un'äämpy ja Abraham teety nyäjxy ma ëëtsajtëmën.

1 Timoteo 2:5

Jä'ä ko tu'ukyë je'eyë Dios, ka'ap maa wiinkpë ets tu'ukyë ja ja'ay mëti'ipë itkujky yajpatpën ma ja Tiosën mëët ja naaxwiinyëtë ja'ay: Yë Kristë Jesús.