Romanos 3:3 - Biblia Dc en Mixe de Quetzaltepec

³ ¿E tiixën të tyuny të jyätyë? ¿Wä'än jëtää ja Dios tkayajtuna'any mëti'ipë të tnikäjpxyënë?

Biblia Mixe de Quetzaltepec

³ ¿E tiixën të tyuny të jyätyë? ¿Wä'än jëtää ja Tios tkayajtuna'any mëti'ipë të tnikäjpxyënë?

Romanos 3:3 ပူးပေါင်းရင်းမြစ်များ

2 Timoteo 2:13

Pën ka'ap ëëts npatu'unëm ja y'aaw y'ayuk, yë'ë pyatunäämpy ja y'aaw y'ayuk, jä'ä ko ka'ap tjëkyepy kë'ëm nyätyuxi'ikëtëty.

Hebreos 4:2

Jä'ä ko ëëtsajtëm tëë nyajtuk'ëwa'anëmë ja aaw ayuk oypyë ijxtëm yë'ëjëty yajtuk'ëwa'anëtyën; je'eyëp ko yë'ëjëty ka'ap ojts tyajtuunkpaatë, nëkoopë tyajnatëkë'ajtë oy tjamëtoowtë, ka'ap tpuwa'këtyë mëti'ipë mëtoowtën mëët ja mëpëjkën.

Romanos 9:6

Ka'apës n'ëna'any ko ja Dios ka'ap tkuuytyuny ja y'aaw y'ayuk; paatyës jëtu'un n'ëna'any jä'ä ko mëti'ipë nätyijëtëpën Israel ja'ay ka'ap ni'ëmukë y'israel ja'ay'atë.

Isaías 55:11

jëtu'un ja n'aaw n'ayukës mëti'ipës nkäjpxypën ka'ap tukwa'ats wyimpity, jëtu'un winë tyunyë jyätyë tääjës të ntuknipëjktaakën etsës nikäjpxy wi'ixës ntsokyën.

2 Tesalonicenses 1:3

Mëku'uktëjkëty, xëmës ja Dios nkukajpxëtë mëët miitskyëjxmëty, ijxtëm xypyaatës ntuntëty; jä'ä ko winpäjt'ëtëtsp ja mmëpëjkën ets nitsokën mëti'ipë mmëët'ajtëpën nixim niyam.

Romanos 10:16

E ka'ap ja ja'ay ni'ëmukë të tkupëktë ja oy aaw oy ayuk. Jëtu'un ijxtëm ja Jeséas y'ënä'änyën: Wintsën, ¿pën jëtää të tmëpëktë ja ayuk mëti'ipë ja ja'ay të yajtuk'ëwaanëtën?

Salmos 84:7

yë jyot myëjaawëty ni'ikyë kyëjääjëja'any, e jam ma Sión kopkën, jam nëjkx t'ixtë ja Dios mëjpë.

1 Samuel 15:29

Jä'ä ko yë Dios mëti'ipë yë Israel kajpn mëj'äämpy jyëkyejpyën, ka'ap yë wyin'ëëny ets ka'ap yë jyot wyinma'any tyëkatsy tä yë naaxwiinyëtë ja'ayën.

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

Mateo 24:35

Këxaanp naxaanp yë tsajp ets naaxwiinyëtë, e yë n'aaw n'ayukës nijëna'a kyakëxa'any kyanaxa'any.

Romanos 11:29

Ka'ap ja Dios wyinma'any tyëkatsy ko pën tii tmo'oy mëti'ipë të twin'ixyën.

Juan 1:16

Ni'ëmukë yë Dios të xykyënu'kxëmë kanaak ok mëjwiin këjää.