Romanos 3:10 - Biblia Dc en Mixe de Quetzaltepec

¹⁰ Jëtu'un ijxtëm ja Dios ja y'aaw y'ayuk y'ënä'änyën: Ka'ap pën, nitu'ukën mëti'ipë ja'ay wa'atsën.

Biblia Mixe de Quetzaltepec

¹⁰ Jëtu'un ijxtëm ja Tios ja y'aaw y'ayuk y'ënä'änyën: Ka'ap pën, nitu'ukën mëti'ipë ja'ay wa'atsën.

Romanos 3:10 ပူးပေါင်းရင်းမြစ်များ

Romanos 3:23

ni'ëmukë ja'ay të pyokytyunta'atë paaty tmëjëkäm'atë ja Dios ja myëj'ajt y'oyajtën.

Job 15:14

Ka'ap maa ja'ay mëti'ipë ka'ap pyokymyëëtëtyën ets ka'ap maa ja'ay mëti'ipë ka'ap pyokytyunyën.

Job 25:4

¿Paaty, wä'än jëtää tu'uk yë naaxwiinyëtë ja'ay wa'ats nyaxëty Dios wintumë?

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

Jeremias 17:9

Nitii jëtu'un kyawin'ëëny ets nitii jëtu'un kyayajtsojkën'aty tä yë jot winma'anyën. ¿Pën y'ëkja'akyukëp wi'ix ko jyëtu'unëty?

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

Marcos 10:18

Ënet ja Jesús y'ëtsooy: ¿Tiis ko jëtu'un xytyijy oypyë Wintsën? Yi'iyë Dios tu'uk oy.

1 Pedro 1:16

Jëtu'un ja Dios ja y'aaw y'ayuk këxja'aypyë y'ënä'äny: näjyëtu'un miits wa'ats itë ijxtëmës ëjts nwa'atsëtyën.

Job 14:4

Ni pën tkayajpëtsëmëty yë wa'atspë ma mëti'ipë ëxëëkën.

Romanos 3:4

Niwi'ix'äämpy. Dios aak mëtëy winë tuny, oy ja ja'ay ni'ëmukë y'anta'aktë. Jëtu'un ja Kënu'kxymyëkajtën y'ënä'äny: Mijts wa'ats mnaxa'any mëët mëti'ipë të xynyikäjpxyën, ets ko ënety myajnipaye'ey mijts mëta'akaanp.

Job 15:16

ni'ik yë ja'ay, mëti'ipë pokytyum xëmë yajpatpën ets aakjä'ä xëmë y'ijxyp tyuunpy ka'apë y'oyëtyën, mëti'ipë pokytyuunpën tä jeexyë nëë t'uukyën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Romanos 11:8

ijxtëm y'ënä'änyën ja jaaypyetypë myinyën: Dios ojts jëtu'un pyëjkta'akëtë ets ka'ap tii tjawëtëty, ets jëtu'un tyampaat je'eyëm jyatë; jya'ijxtëp ets ka'ap t'ijxpaatë, jyamëtoowtëp ets ka'ap tja'akyyukëtë.

Salmos 143:2

Këtii yë mtuunpë xyajtëwëty tii tyuunpy oy ka'oy, jä'ä ko mijts mwintuuy ni pën kyawa'atsëty.

Romanos 3:11

Ka'ap pën jyä'äkyukë, ka'ap pën maa mëti'ipë y'ixtääpyën yë Dios.