Romanos 2:9 - Biblia Dc en Mixe de Quetzaltepec

⁹ Tääts y'ita'any ja ëyo'on ets ja tëytyu'unën ma ja ja'ayëtyën mëti'ipë tyuuntëpën ja ëxëëkpë, jëwyiin ja jutiis ja'ayëty ets ok ja ka'apë jyutiisëty.

Biblia Mixe de Quetzaltepec

⁹ Tääts y'ita'any ja ëyo'on ets ja tëytyu'unën ma ja ja'ayëtyën mëti'ipë tyuuntëpën ja ëxëëkpë, jëwyiin ja jutiis ja'ayëty ets ok ja ka'apë jyutiisëty.

Romanos 2:9 ပူးပေါင်းရင်းမြစ်များ

1 Pedro 4:17

Tëë ja tiempo tpaaty ma ja Dios tpaye'eyä'änyën ja jyä'äy. Ets pën jam ja paye'eyën tsyo'ontä'äky ma ëëtsajtëmën, ¿Wi'ixpëm jëtää jyata'antë mëti'ipë kyamëmëtoowtëpën ja oy aaw oy ayuk?

Romanos 1:16

Ka'apës ntuktsëtyuny ja oy aaw oy ayuk, jä'ä ko ja Dios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

Ezequiel 18:4

Aak ëjts njä'ä'ajtyp yë naaxwiinyëtë ja'ay, näjyëtu'un yë teety taak ets u'unk ëna'k. Mëti'ipë pokytyuunpën yë'ë ookaanp.

2 Tesalonicenses 1:6

Paat'ajtëp ets ja Dios tukumëtowëty mëti'ipë miits myaj'ëyoowëtëpën,

Romanos 9:24

Jëtu'un, ëëtsajtëm Dios të xywoowtso'owëmë, tam mëti'ipë jutiis ja'ayën ets tam ka'apë jyutiisëty.

Romanos 2:10

E mëti'ipë tyuuntëpën ja oypyë, mo'ojanëtëp ja Dios ja mëj'ajt oyajtën, ja xoontakën, ja jotkujk'ajtën; jëyëjp ja jutiis ja'ayëty ets ok ja ka'apë jyutiisëty.

Hechos 3:26

Ko ja Dios tyajjuukpyijky ja y'u'unk, jëyëjp ojts miits mtuknikäxëtë ets mkënu'kxëtëty ets xy'ëxmatstëty ja m'ëxëëktu'un m'ëxëëk kajpxënëty.

Lucas 24:47

ets yajkajpxwa'kxëty ma tu'kë'ëyë ja kajpnën, Jerusalén tsyo'onta'akëty, yajtuk'ëwaanëtëp ets tyajtëkatstëty ja wyinma'any, wä'än ja Dios tmëpëktë ets ja pyoky yajnimä'kxtëty.

Colosenses 3:11

Ka'ap yë'ë kyopkpëkyëty pën griegë ja'ay ets jutiis ja'ay, pën tsuky ets pën katsukyën, wä'än tpën ja'ayëty tiija'ayëty, wä'än yë'ëjëty mëti'ipë ka'ap kyajpxwijyëtyën, ëkë mëtuunpë nitookpyë ëkë wä'än t'ëwaatsëtumpëty. Yë'ë kopkpëky ko ja'ay y'ity mëët ja Kristë mëti'ipë tu'kë'ëyë winë myëët'ajtääpyën.

Gálatas 3:28

Ka'ap ma y'ëktuunnë pën jutiis kajutiis, mëtuunpë ëkë kamëtuunpë, ye'etyëjk ëkë to'oxytyëjk, jä'ä ko tu'ukyë miitsëty ijxtëm ja ja'ay tu'ukpën, jä'äkyëjxm ko tu'ukyë mëët ja Kristë Jesús m'itë.

Romanos 10:12

Jesús ni'ëmukë ja'ay tnitënaaytyä'äy, wä'än tjutiis tkajutiisëty, ets tmooytyä'äy ja kënu'kxën mëti'ipë mëkajpxëpën.

Hechos 28:28

Tääts ja Pablo jyaak'ënany: Yë'ë mnijawëtëp, ko tyam ets jëtu'un tyu'uye'eyä'äny yë xëëw jëmëjt, ja Dios ja nyitsokën yë'ë yajmo'ojantëp ja ja'ayëty ka'apë jyutiis'atën, jä'ä ko yë'ëjëty mëtoowtëp yë'ëjëty.

Hechos 28:17

Ko ja Pablo jam jyä'äjty, kom tëkëëk xëëw twoowtsooy ja jutiis ja'ay mëti'ipë wintsën'ajtëpën jam Roma. Ko nyiye'eypyäjtë ets ja Pablo t'ënëmaay: Mëku'uktëjkëty, ëjts, ka'apës yë nja'ay'ajtëm tii të ntukmëtuuntëkoytyë ets nän ka'apës ja n'ap'ajt nteety'ajtëm ja y'ënä'ämën të nkäjpxykyutëjë. Nanëkokyëjxmës xymyajtstë jam Jerusalén ets xykyë'ëyajktës ma ja Romë ja'ayëtyën.

Hechos 26:20

Täätsës jëyëjp ojts ntuk'ëwaanëtë ja Dios ja y'aaw y'ayuk ja ja'ayëty mëti'ipë jam tsënaaytyëpën Damaskë ets näjyëtu'un jam Jerusalén ets mëti'ipë jam ijtëpën Judea y'itjotm; näjyëtu'un ntuk'ëwa'anëtyës mëti'ipë ka'ap jyutiis ja'ay'atën. Jëtu'unës ja ja'ay n'ënëmaay ets jyotwinpitëty ets ja Dios tmëpëktëty ets jëtu'un tyajnikëxë'ëktëty ko tëë t'ëxmatstë ja y'ëxëëk winma'anyëty.

Hechos 20:21

Wä'än tjutiis ja'ayëty tkajutiis ja'ayëty, ni'ëmukës të nëëmëtë ets mwinpitëty ma Tiosën, xy'ëxmatstëty ja ëxëëk winma'any ets xymyëpëktëty ja Wintsën Jesús.

Hechos 13:26

Tääts ja Pablo jyaak'ënany: Mëku'uktëjkëty, Abraham yë y'u'unk y'ok, ets miitsëty ka'apë jyutiis'atën je'eyëp ko mmëpëjktaktëp ja Dios: ëëts jëtu'un ojts nyajtuknikäjxëm ja aaw ayuk mëti'ipë yajknitsokpën.

Hechos 11:18

Ko jëtu'un tmëtoowtë ja Jerusalenkëtë mëpëjkpëtëjkëty, tää amonyë wyë'ëmtaaytyë ets ja Dios tmëjja'awëtyë: Tyam yajja'akyukë ko tëë jëtu'un ja Dios tuknipëjktaakë ets näjyëtu'un tpaatëty ja juukyajtën xëmëkyëjxmëpë mëti'ipë ka'ap jyutiis'atën, ko ja y'ëxëëk winma'any të t'ëxmatstë.

Mateo 16:26

¿Tii ja ja'ay nyawa'anëty oy tjaniwaanta'ay tu'kë'ëyë winë yaa naaxwiiny pën yajtëkoopy ja jyuukyajtën? ¿Ëkë jënu'un ja ja'ay ja jyuukyajtën t'ëknikëpäjtu'utëty?

Amós 3:2

Mijtsyë tu'uk të nwin'ixy ma ja naax kajpn may yajpaatën naaxwiiny naaxkëjxy. Paatykyëjxmës mpaye'eyä'äny ja nëë poky ma miitsëtyën mëti'ipë të xytyuuntëkoytyën.

2 Crónicas 6:23

Mijts mëtoow'itëp jam tsajpjotm ets tun ja mtuunk ets nipaye'ey ja mtuunpë. Mijts mtëytyunëp ja tuuntëkoopyë kajpxtëkoopyë ets kë'ëm ëxëëk tmëjatëty ko ënety ëxëëk y'ëti'itsy y'ënä'äny ets mijts näjyëtu'un mnipaye'eyëp ja ja'ay mëti'ipë nanëkookyëjxm yajtëytyuunpën.

Salmos 32:10

Yë ëxëëkja'aytyëjk kanaakpëky yë pëjkën ijxën tyajnaxa'antë, e yë Wintsën yë tsyojkën jya'awën jam xëmë y'ita'any ma ja'ayëtyën mëti'ipë tukjotkujk'ajtëtëpën.

Proverbios 11:23

Mëti'ipë wa'ats ja'aytyëjk tsyojkën'ajtëpën oy wyimpëtsëmy, mëti'ipë yë ëxëëkja'aytyëjk tsyojkën'ajtëpën, je'eyë yajoot'anpëky.

Ezequiel 22:31

Paatykyëjxmës të nyajkëtä'äky yë ëyo'on ma yë'ëjëtyën etsës të nyajtooytyëkoytyë mëët ja ntsip n'äkës, etsës të ntukëpätë mëët ko të tyuuntëkoytyë. Ëjts Wintsën, ëjts ënaanp.

Romanos 8:35

¿Pën jëtää xy'ëkpëjkëmëp ja Kristë ja tsyojkën? ¿Wä'än jëtää yë'ëty tsipë, ëyo'on, ko nyaj'ëxwojpmëtyë ëkë ko yuu xëëw nyajnajxmëtyë, ëkë ko nwit'ajt nxox'ajtëm kya'itëtyë, ëkë ko kutsë'ëkëtuuy nyajpatmëtyë, ëkë ko yë ja'ay xyaj'o'kmëtyë?