Romanos 2:8 - Biblia Dc en Mixe de Quetzaltepec

⁸ e tyiytyunäämpy mëët ja joot'an mëti'ipë të kyäjpxykyumëtoownaxtën, mëti'ipë myëtsip'ajtëpën ja tëyajtën ets y'oyja'awëtëp ja ëxëëkpë.

Biblia Mixe de Quetzaltepec

⁸ e tyiytyunäämpy mëët ja joot'an mëti'ipë të kyäjpxykyumëtoownaxtën, mëti'ipë myëtsip'ajtëpën ja tëyajtën ets y'oyja'awëtëp ja ëxëëkpë.

Romanos 2:8 ပူးပေါင်းရင်းမြစ်များ

Apocalipsis 16:19

Ënet ja mëj kajpn tëkëëkpëky nyäwya'kxë ets ja jëën tëjk kyëtaawtaay maajëty ja kajpnën naaxwiiny ets ja Dios tja'amyejtsy ja mëj kajpn Babilonyë ko tuk'uuka'any ja tsatsym nyëë, jä'ä jëtu'un tyijpy ko tmo'oja'any ja ëyo'on mëët ja tsip äkë.

1 Pedro 4:17

Tëë ja tiempo tpaaty ma ja Dios tpaye'eyä'änyën ja jyä'äy. Ets pën jam ja paye'eyën tsyo'ontä'äky ma ëëtsajtëmën, ¿Wi'ixpëm jëtää jyata'antë mëti'ipë kyamëmëtoowtëpën ja oy aaw oy ayuk?

2 Tesalonicenses 1:8

Yë'ë nyiminäämpy ets tukumëtowa'any mëti'ipë ja Dios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

Proverbios 13:10

Yë nämyëjjaw näjyääntyjyawë je'eyë nëkoo jëën tsip t'ixkukë. Yë wijyajtën jam yajpaaty ma ja'ayën mëti'ipë yu'unk naxym juukyajtpën.

Apocalipsis 14:10

yë'ë ja ëyo'on yajmo'ojaanp jä'äkyëjxm ko ja Dios të tyajjotma'aty; jëtu'unts y'ëyowëty ma ja jëënyä'änk tyoyën mëët ja azufre, Dios y'anklëstëjk wyintum ets mëti'ipë yajtijpën Kupixyn U'unk wyintum.

Hebreos 11:8

Mëët ko myëpëjky ja Abraham paaty ojts ja Dios tmëmëtoy ko y'ënëmaayë ets pyëtsëmëty ma ja nyaax kyajpnën, ënät tsyo'ony ets ojts nyijkx ma ja Dios ënety ja naax tyukumayä'änyën. Ko tsyo'ony ma ja nyaax kyajpnën, ni tkanijawë maa ënety nyijkx.

Hebreos 10:27

yi'iyë ja ëyo'on njëjp'ijxënëp ets ja tëytyu'unën ets mëj jëën ma y'ëyowtëtyën mëti'ipë ja Dios myëtsip'ajtëpën.

Hebreos 5:9

Ets ko ojts tyaj'apaatë ja tyuunk, ënät ojts nyäxy yajnitsokpë xëmëkyëjxm ma ja mëti'ipë mëmëtoowëpën,

Tito 3:9

Këtii xykyupëkëty ets ja ja'ay nëkoo atsuu apoj tii tyajkäjpxykyojtëty, ëkë nëkoo tii apmëtyä'äky tnanimëtya'aktëty, ma ja ja'ay ka'ap nyäjyä'äkyukëtën wi'ix ja Moisés ja tyiyajtën y'ënä'änyën. Ya'atë jëtu'unpë näkyäjpxytsyiikë nëkoopë je'eyë xëëw tiempë tyajtëkoy.

1 Corintios 11:16

Pën jamts pën tii tjaakkajpxa'any, wä'än tnijawë ko ëëtsëty ets mëpëjkpëjkpëtëjk ka'ap tii wiinkpë winma'any yajmëëtëty.

Romanos 15:18

Ka'apës nnätyuk'a'ixëty tii nimëtya'aktëty, yi'iyës nimëtyäkpy mëti'ipë ja Kristë të tunyën ëjtskyëjxm etsës nputëkëty mëti'ipë ka'ap jyutiis ja'ay'atën ets ja Dios tmëmëtowtëty. Ya'atë yë'ë mëët wyintu'upëky ja käjpxy mëtyä'äky ets ja tuunk,

Romanos 10:16

E ka'ap ja ja'ay ni'ëmukë të tkupëktë ja oy aaw oy ayuk. Jëtu'un ijxtëm ja Jeséas y'ënä'änyën: Wintsën, ¿pën jëtää të tmëpëktë ja ayuk mëti'ipë ja ja'ay të yajtuk'ëwaanëtën?

Romanos 9:22

Dios jyamëët'ajtyp ja kuttujkën ets jeexyë ja naaxwiinyëtë ja'ay tukumëtoy ja pyoky, je'eyëp ko yë'ë mëk tmëmä'kxtuky ja ja'ay mëti'ipë japaat'ajtëtëp ja ëyo'on.

Romanos 6:17

E nkukajpxëpës ja Dios, oy ijty ja poky xyjyamëtuntë ijxtëm tuunpë nitookpyën, tëë miits ëmuumtu'ukjot xymyëmëtowtë ko ja ijxpëjkën të xypyaatë.

Romanos 1:18

Dios yajnikëxë'kpy ja tsyip y'äkë ko tyajtsoony jam tsajpjotm ja ëyo'on ets tëytyuny ja ëxëëkja'aytyëjk ko ka'ap oy tii tnipaye'eytyë, mëti'ipë tsumy matsy yaj'ijtëpën ja oyajtën ets ja tëyajtën ets këtiipë ja ja'ay tnijawëtëty.

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Isaías 50:10

Miitsëty ninaak xymyëjjaw xykyënu'kxyjyawëtë ja Wintsën, ninaak xymyëtoow'itën mëti'ipë ja tyuunpë kyäjpxyp myëtyäkpyën, oy muum mku''ux mkukootsëtë, oy muum mkupi'itsëtë, jam ja mjot mwinma'any pëjkta'aktë ma Wintsënën, yi'iyë Dios tukjotkujk'atë.

Salmos 90:11

¿Pën y'ëknija'ap? wi'ix mijts janty mëk mjoot'anpëkyën ets ¿pën y'ëknija'ap? wi'ix m'ëwa'antä'äkyën.

Job 24:13

Tää ja'ayëty mëti'ipë y'ëxëëk ijxtëpën yë të'kxën jajën ets ma nyë'ë tyu'ujëtyën ka'ap ninu'un yë të'kxën jajën jam yajpaaty.

1 Pedro 3:1

Näyjyëtu'un miitsëty to'oxytyëjkëty, mëmëtowtëp ja mniye'etyëjkëty; ets jëtu'un, pën jam pën ka'ap ja Dios ja y'aaw y'ayuk tmëpëky jyëkyejpy myëpëkëty, ko t'ixëty oy winë yajtuny, ets ka'ap kyopkpëkyëty yajmëëtmëtya'akëty,

2 Crónicas 6:23

Mijts mëtoow'itëp jam tsajpjotm ets tun ja mtuunk ets nipaye'ey ja mtuunpë. Mijts mtëytyunëp ja tuuntëkoopyë kajpxtëkoopyë ets kë'ëm ëxëëk tmëjatëty ko ënety ëxëëk y'ëti'itsy y'ënä'äny ets mijts näjyëtu'un mnipaye'eyëp ja ja'ay mëti'ipë nanëkookyëjxm yajtëytyuunpën.

Proverbios 11:23

Mëti'ipë wa'ats ja'aytyëjk tsyojkën'ajtëpën oy wyimpëtsëmy, mëti'ipë yë ëxëëkja'aytyëjk tsyojkën'ajtëpën, je'eyë yajoot'anpëky.

Jeremias 34:18

Yë kopktëjkëty mëti'ipë ënety mëj'äämpy ijtëpën ma Judá ja'ayëtyën ets ma Jerusalén ja'ayëtyën, mëti'ipë jam tuuntëpën ma kutujkëntëjkën, yë teetytyëjkëty ets nitëkokyë ja'ayëty ojts tuntë tu'uk ja käjpxytyu'unën mëët ëjts: ojts tsujkwa'kxtë ja tsyajpkaa ayääkë ets nyajxtë itkujky ma ënety mäjtskpëky të tyajwa'kxtën. E ok ojts jatëkok ja wyinma'any tyajtëkatstë ets ka'ap ojts jëtu'un t'ëktuunëtë tä ënety të y'ëna'antën.

Ezequiel 22:31

Paatykyëjxmës të nyajkëtä'äky yë ëyo'on ma yë'ëjëtyën etsës të nyajtooytyëkoytyë mëët ja ntsip n'äkës, etsës të ntukëpätë mëët ko të tyuuntëkoytyë. Ëjts Wintsën, ëjts ënaanp.

2 Corintios 12:20

Tsë'këpës ko ënety nëjkx nku'ixëtë ets nkapaatëty ijxtëmës njatsokyën ets ko miits nëjkx mjamintë nän ka'apës xypyaatëty ijxtëm xyjyatsoktën. Tsë'këpës ko wä'änxyëp ënety miits jam xymyëët'atë ja tsip äkë, näkya'oy'ixë; ëkë pi'tskäjpxy pi'itsmëtyä'äky, xim yam myajpaatë, mnäy'ëxëëk'ijxëtëp, nixim niyam; mnanyi'oj mnanyiyaaxëtë ets je'eyë tii të xyajma'ta'atë.

Gálatas 5:20

y'ëwtajtëp mëti'ipë ka'ap Tyiosëtyën, patooy panajxtëp, atsip a'äkë jyuuky'atë, mëtsip'ajtëp, pojën jyoot'anpëktë mëët yi'inëm tii, kyë'ëm oyajtën y'ixtaaytyëp, yajnäwya'kxëtëp ja ja'ay, ëpëky nyäpyëjkta'akëtë,

Filipenses 1:17

e mëti'ipë tsipkyëjxm nyikajpxtëpën, yë'ë tyuuntëp ko kyë'ëm jä'ä tyajmëjtëkëja'antë, ka'ap ëmuumtu'ukjot tuntë, je'eyë xyajtsiptëkëja'antës maajës tyam n'ityën tsumy.

Filipenses 2:3

Këtii tii xytyuntëty atsip a'äkë ëkë tsipkyëjxm; yë'ë oy ko yujy tëtä'äky mja'ay'atëty ets ko mmëku'uk xymyëj'ixtëty ets xywinkutsë'ëkëtëty.

Santiago 3:14

E pën miitsëty je'eyë mnämyëtsip'atëtë, mnäyajjoot'anpëkëtë ets tsipkyëjxm winë xytyuntë; ko jëtu'un m'ëtë'ëtstëty tii mjanätyukmëjjawëtëp, ja tëyajtën ënety mkawinkutsëkëtyëp.

Santiago 3:16

Ko ja'ay tii nyätyukmëku''oy'ixëtë ets aak mëj nyäyajnaxa'anëtë, xit ko'ow je'eyë nyäyajjatëtë ko ëxëëk winë tuntë;