Romanos 2:17 - Biblia Dc en Mixe de Quetzaltepec

¹⁷ Mijts m'ënaanp ko mjutiisëty, mëët ja Dios ja y'ënä'ämën mnäjyawëty oyjyä'äy ets yë'ë mnätyukmëjja'awëyëp yë mTios.

Biblia Mixe de Quetzaltepec

¹⁷ Mijts m'ënaanp ko mjutiisëty, mëët ja Tios ja y'ënä'ämën mnäjyawëty oyjyä'äy ets yë'ë mnätyukmëjja'awëyëp yë mTios.

Romanos 2:17 ပူးပေါင်းရင်းမြစ်များ

Romanos 2:23

Je'eyë nëkoo mnätyukyajmëjnaxyë ja ënä'ämën, ets xynyëxi'iky xytyukxi'iky ja Dios ko ka'ap xymyëmëtoy.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

Apocalipsis 2:9

Nija'apës wi'ix ëxëëk mjaty mkëpetyën ets wi'ix m'ëyoyën ko tii winë xyajmëyäty oy jam winë xyjyamëëtëty. Ets nija'apës wi'ix ëxëëkjaty ja'ay mnimëtyä'äkyën je'eyëp ko tääpë ja'ayëty paaty jëtu'un y'ëtë'ëtstë jä'ä ko ku'oypyë yajmëjnajxtëp.

Romanos 9:32

¿E tii ko ka'ap? Jä'äkyëjxm ko ka'ap ja mëpëjkën tyajtuuntë, yi'iyë yajmëjnajxtë ma winë tii oy tjatunantën. Paaty ojts kyunäpëtë ma ja tsaajën mëti'ipë yajkunäjpëpën.

Juan 5:45

Këtii miits mmaytyë mtajtëty ko nni'ëënëja'antë ma Tiosën, yë Moisés yë'ë mni'ëënëjanëtëp, mëti'ipë mtukjotkujk'ajtëpën.

Mateo 3:9

këtii nëkoo mnätyukmëjjawëtëty tii ets m'ëna'antëty: Abraham ëëts nteety'ajt n'ap'ajtëp, ka'apës Dios xyaj'ëyowtëty. Tyam miits nëëmëtë ko Dios mayëtëp ets tsaa tyaj'awinpitëty Abraham y'u'unk y'ok.

Apocalipsis 3:9

Ja mëjku'u ja myëtuunpëtëjk mëti'ipë nëkoo nätyijëtëpën ko jyutiis ja'ay'atë ets je'eyë y'anta'aktë, tëëjës ntuknipëjktaakë ets mwinkoxtänëtëty ets nijawëtëty ko mijts n'oyjyawë.

Apocalipsis 3:1

Nnijayë yë tsajpjotmëtë kukäjpxy jampë yajpaatyën Sardes: Jëtu'un y'ënä'äny mëti'ipë myëët'ajtypyën wëxtujkpë ja Dios ja jya'awën ets wëxtujkpë ja matsa'a: Nija'apës tii mtuunpyën ets nija'apës ko mjajuuky'ajtp je'eyëp ko ooky myajpaaty.

Efesios 2:11

Jëtu'un miitsëty, mëti'ipë ka'ap jyutiis'atën, ka'apë tsyuky'atën ets mëti'ipë nätyijëtëp ko tsyuky'atë, mëti'ipë tëë yajnatsujk'ëwtitën ja ye'etyëjk'ajtënëty,

Gálatas 2:15

Jutiiyë ja'ay ëëts'ajtëmë, jëtu'un të nmëxu'unk'ajtëmë, ka'ap nyajtijëm pokyjyä'äy ijxtëm ja mëti'ipë ka'ap jyutiisëty.

2 Corintios 11:22

¿Hebreo ja'ay yë'ëjëtyë? Ëjts näjyëtu'un. ¿Israel ja'ay yë'ëjëtyë? Ëjts näjyëtu'un. ¿Abraham yë'ë y'u'unk y'okëtyë? Ëjts näjyëtu'un.

Juan 8:41

Näy yë'ë miits mtuuntëp mëti'ipë ja mteety tyuuntëpën. Tääts ja jutiis ja'ayëty y'ëtsoowtë: Ka'apës kyanaak'atë yë nteetyëty, Tiosës tu'ukyë nteety'ajtëp.

Juan 8:33

Tääts ja jutiis ja'ayëty y'ëtsoowtë: Abrahamës nteety'ajt n'ap'ajtëp, ka'apës pën të xyajtuntë juy tooky. ¿E wi'ix ko mijts m'ëna'any koos ëwaatsëtum xypyëjkta'aka'antë?

Juan 7:19

Ojts mo'ojëtë ja Moisés ja ënä'ämën, ¿këtiijë? ets nitu'uk të xykyapatuntë. ¿Tiits koos xyaj'ooka'antë?

Lucas 10:28

Ënet ja Jesús y'ënëmaayë: Tëy m'ëna'any. Pën mpatuunpy jëtu'un, mpaatëp ja juukyajtën xëmëkyëjxmëpë.

Sofonías 3:11

Jä'ä xëëw mijts naax kajpn, mëti'ipës nkajpn'ajtypyën ka'ap nëjkx xy'ëkmëtsëtyuunë ja naax kajpn ma ënety mijts të xykyäjpxykyumëtoownaxyësën, jä'ä ko tëëjës ënety nyajjëwa'kta'ay ja ja'ayëty mëti'ipë amëj akëjxm ja'ay'ajtëpën ets mëti'ipë yaj'ijxtëpën këtii pën myëjëty, e mijts ka'ap nëjkx amëj akëjxm m'ëk näjya'awënë maas ja ntun nkopkën.

Isaías 45:25

Ëjts mëyajtënës ntuunpy ko yë Israel kajpn yë'ë mëta'akaanp jotmëk nyäjyawëja'anyë koos ënety ëjts xytyukjotmëk'aty.

Salmos 135:4

Yë'ë ojts twin'ixy yë Jacob mëti'ipë yajtijpën Israel, ets yë'ë jëtu'un tjawëja'any tä kyë'ëm wit kyë'ëm meenyën.

Juan 5:39

M'ijxpëjktëp oy'ixyë ja Dios ja y'aaw y'ayuk këxja'aypyë, jä'ä ko jëtu'un mmaytyë mtajtë ko jap xypyaata'antë ja juukyajtën xëmëkyëjxmëpë.

Romanos 3:27

¿Ko jëtu'un, maa ja ja'ay ja myëj'ajt kyëjxm'ajtën nyatunëty Dios wintum? Tëkooytyääpy jä'ä. ¿E tii ko? Jä'ä ko mëpëjkën mëët ja ja'ay oy wyë'ëmtë Dios wintum ets ka'ap yë'ëkyëjxmëty ko tpatuntë ja ënä'ämën.