Romanos 2:14 - Biblia Dc en Mixe de Quetzaltepec

¹⁴ Jä'ä ko ka'apë jyutiisëty ets nän ka'apë nijawëtën ja Dios ja y'ënä'ämën ets jëtu'un winë tuntë ijxtëm ja ënä'ämën y'ënä'änyën, yë'ë kë'ëm ja ënä'ämën myëët'ajtëp,

Biblia Mixe de Quetzaltepec

¹⁴ Jä'ä ko ka'apë jyutiisëty ets nän ka'apë nijawëtën ja Tios ja y'ënä'ämën ets jëtu'un winë tuntë ijxtëm ja ënä'ämën y'ënä'änyën, yë'ë kë'ëm ja ënä'ämën myëët'ajtëp,

Romanos 2:14 ပူးပေါင်းရင်းမြစ်များ

Romanos 2:12

mëti'ipë pokytyuuntëpën ets ka'ap nijawëtë ja Dios ja y'ënä'ämën, nëjkxëp kyutëkoytyë ko tkanijawëtë ja ënä'ämën, e mëti'ipë nyija'awëtyëpën ja Dios ja y'ënä'ämën ets pyokytyuntë, nän ja ënä'ämën nëjkx yajtukpaye'eytyë.

Romanos 2:27

Pën pyatuumpyën ja Dios ja y'ënä'ämën, oy ënety kyatsukyëty, yë'ë nëjkx tyajnikëxë'ëky ko ja ja'ay pyaat'atyë ja ëyo'on, jä'äkyëjxm ko ka'ap tpatuny ja Dios ja y'ënä'ämën.

Efesios 2:12

ja'amyätstë ko jëwyiinyëp ka'ap ijty mëët ja Kristë m'itë, winjëkämjaty ijty myajpaatë ma ja Israel ja'ayëtyën, ets mëjëkäm'ajtëp ja Dios ja wyaantakën. Jëtu'un ijty miits yaa naaxwiiny mjuuky'atë, ka'ap ja Dios xynyijawëtë ets nitii xykyajëjp'ixtë.

Hechos 17:30

Dios ka'ap ojts tëëyëp tmëjpëjktä'äky oy ja ja'ay ka'ap oy myäytyë tyajtë, tyam yë'ë tsyojkpy, ets tëkokyë ja ja'ay wyimpijta'atëty ma yë'ëjën

Hechos 10:35

kyupëjkpy pën wintsë'këyëp ets pën tyuunpy mëti'ipë paat'ajtëpën.

Romanos 1:32

Nyija'awëtëp ko Dios të tuknipëjktaakë ko paat'ajtëtëp ja o'kën mëti'ipë jëtu'un ëtëtstëpën ets ka'ap yi'iyëty ko jëtu'un tuun'ëtë'ëtstë, tyukxoontaktëp yë'ëpaat ko ja wiinkëtypë jëtu'un y'ëtë'ëtstë y'ëna'antë.

Deuteronomio 4:7

Jä'ä ko ¿Ma jëtu'unpë n'ëkpatmëty wiinkpë kajpn mëti'ipë myëwinkon'ajtypyën Dios. Ets nWintsën'ajtëm Dios xëmë yajpaaty ma ëëtsajtëmën oy jëna'a ntimmyëkajpxa'anmëty tää'ajtp?

1 Corintios 11:14

Yë'ë ëëts ja naaxwiinyëtë ja'ay ja y'ënä'ämën nmëët'ajtëmë, tsëtyu'un yë'ë ko ja ye'etyëjk wyääy tyajyony.

Filipenses 4:8

Mëku'uktëjkëty yë'ë mëmay mëtajtë mëti'ipë tëy jaantyën, mëti'ipë paat'ajtëp yajwintsë'ëkëtyën, mëtëypyë, wa'atspë; mëti'ipë yajtukjotkëtakpën ets mëti'ipë oy wiinkëxë'kpën. Mëmay mëtajtë tu'kë'ëyë mëti'ipë oyën ets paat'ajtëp oy yajnikajpxëty.

Hechos 14:16

Oy ojts tëëyëp ja Dios naspëkë tyaj'ity ja ja'ay ets ja kyë'ëm winma'any tyajtuntëty,

Romanos 2:15

jëtu'un tyajnikëxë'ëktë ko t'aaw'at tjot'atë ja ënä'ämën. Kyë'ëm winma'any yajnikëxë'këtëp ets kyë'ëm winma'any yajpokykya'ajëtëp ëkë kuwanëtëp,

1 Corintios 9:21

Jatu'kpëky etsës nmëmëta'aktë mëti'ipë ja Moisés ka'ap ja y'ënä'ämën tpatuunëtën, näjyëtu'unës të näpyëjktä'äkyë ijxtëm yë'ëjëtyën, oyës ëjts ja Dios njamëtuny ets ja Kristë ja y'ënä'ämën njapa'ap'ijtëyë.

Efesios 2:3

Näyjyëtu'un ijty njuuky'ajtëm ni'ëmukë, yë'ë npatu'unëm ja nkë'ëm winma'any'ajtëm, ja poky ets ja ëxëëk atsojkën. Jëtu'un ijty n'ijtëm ijxtëm ja ja'ay oy pyënëtyën, paatykyëjxm ijty xypyaat'ajtëm ja Dios ja myëj tëytyu'unën.