Romanos 2:13 - Biblia Dc en Mixe de Quetzaltepec

¹³ Jä'ä ko ka'ap yë'ëkyëjxmëty ja'ay wyë'ëmtë wa'ats ma Tiosën ko tmëët'atë ja ënä'ämën, ënät wa'ats wyë'ëmtë ko tpatuntë.

Biblia Mixe de Quetzaltepec

¹³ Jä'ä ko ka'ap yë'ëkyëjxmëty ja'ay wyë'ëmtë wa'ats ma Tiosën ko tmëët'atë ja ënä'ämën, ënät wa'ats wyë'ëmtë ko tpatuntë.

Romanos 2:13 ပူးပေါင်းရင်းမြစ်များ

1 Juan 3:7

Miits, u'unk maayëty, këtii pën mnätyukwin'ëënëtëty; pën ja nipaye'eyën oypyë tyuunpy, wa'ats ja yajpaaty ijxtëm ja Jesukristë wya'atsëtyën.

Romanos 2:25

Mëtëy yë'ë, mëti'ipë pyaatuumpyën ja Moisés ja y'ënä'ämën, ko yajnatsujk'ëwtity ja ye'etyëjkajtën tu'unxëyëp wäänjaty; ko tkapatuny ja Moisés ja y'ënä'ämën, nëkoo nyaatëkë'aty oy tëë ja ye'etyëjkajtën jyayajnatsujk'ëwtity.

Gálatas 2:16

Nnija'awëm ëëtsajtëm ko ka'ap pën oy wyi'im ma ja Tiosën Moisés y'ënä'ämënkyëjxm; jä'äkyëjxm ja ja'ay oy wyi'im mëët ja Dios ko ja Kristë tmëpëky. Paaty näjyëtu'un ja Kristë të nmëpëjkëmë ets oy nwë'ëmëty mëët ja Dios, ka'ap yë'ëkyëjxmëty ko npatu'unëm ja Moisés ja y'ënä'ämën, jä'ä ko ka'ap pën oy wyi'im mëët ja Tiosën ko ja Moisés ja y'ënä'ämën yajpatuny.

1 Juan 2:29

Mnija'awëtëp ko ja Jesukristë mëtëy winë tuny, ets mnijawëtëp näjyëtu'un ko pën tyuunpyën ja oypyë, yë'ë ënety ja Dios u'unk'ajtëp.

Romanos 10:5

Jëtu'un ja Moisés ja y'ënä'ämën y'ënä'äny, këxja'aypyë myinyën: Pën ja ënä'ämën pyatuumpy, yë'ë yajjuuky'atëtëp.

Lucas 8:21

Ets ja Jesús y'ëtsooy: Yë'ëjës ntaak'ajtyp ets nmëkä'äx'ajtyp mëti'ipë y'amëtoow'ijtëpën ja Dios ja y'aaw y'ayuk ets tpatuntë.

Romanos 3:30

jä'ä ko tu'ukyë je'eyë Dios, mëti'ipë oy yajwë'ëmpyën ja ja'ay ko myëpëktë, wä'än tjutiis kyajutiisëty, pën tsuky katsuky.

Hechos 13:39

Jëtu'un miitsëty mëku'uktëjkëty xynyijawëtëty ko ja pokymyä'kxën yë'ë mëët yajnimëtyä'äky ja Jesús. Pënjaty mëpëjktëpën mëët yë'ëkyëjxm yajpokymyä'kxtë, ets ni'ëmukë ja nimä'kxën tpaatëty mëti'ipë ojts ka'ap yajnimä'kxtën mëët ja Moisés ja kyutujkën.

Lucas 18:14

Tääts ja Jesús y'ënäny: Jëtu'un miits nëëmëtë ko ja yajkukëpäjtpë ojts ja Dios kyupëkyë ijxtëm tu'uk ja wa'ats ja'ayën, e ja fariseë ja'ay ka'ap yajkupëjky. Jä'ä ko mëti'ipë ja ja'ay kë'ëm näkyumaayëpën naxym yajpëjkta'aka'any; e mëti'ipë naxym näpyëjktakëpën, yë'ë mëj'äämpy naxaanp.

Ezequiel 20:11

jam nmooytyës yë n'ënä'ämënës ntëyajtënës ets nkutujkënës, mëti'ipë yajjuuky'ajtpën ko ja'ay tpatuny.

Salmos 143:2

Këtii yë mtuunpë xyajtëwëty tii tyuunpy oy ka'oy, jä'ä ko mijts mwintuuy ni pën kyawa'atsëty.

Deuteronomio 5:1

Wa'ats ja Moisés tyajtu'ukmujktaay ja Israel kajpn ets t'ënëmaay: Mëtoow'itë miitsëty Israel ja'ayëty ya'atë tëyajtën ets ya'atë aaw ayuk, mëti'ipë yam ntukmëtowantëpën. Yajwë'ëmtë yajxon mkëpajkjoty mwinma'anyjoty ets mpatuntëp.

Deuteronomio 4:1

Miitsëty Israel ja'ayëty mëtoow'itë ya'atë tëyajtën ets ënä'ämën mëti'ipë yam ntukni''ixëjantëpën ets xykyuuytyuntëty. Yë'ë mtukjuuky'atëp ko ënety jam myajpaatë ma ja naax kamën mëti'ipë yë Wintsën mo'ojanëtëpën, yë Dios mëti'ipë ja m'ap m'ok Tyiosajtën.

Gálatas 5:4

Miitsëty, mëti'ipë tsyojkën'ajtëpën ets mëët ja Dios oy mwë'ëmtëty ko xypyatuna'antë ja ënä'ämën, tëë xy'ëxmatstë ja Kristë ets të mnäpyëjkta'akëtë ma ka'ap xypyaatëtyën ja Dios ja tsyojkën jya'awën.

Romanos 3:23

ni'ëmukë ja'ay të pyokytyunta'atë paaty tmëjëkäm'atë ja Dios ja myëj'ajt y'oyajtën.

Romanos 3:20

Ka'ap yë'ëkyëjxmëty ja ja'ay oy wyi'im Dios wyintum ko tpatuny ja ënä'ämën, yë ënä'ämën paaty jyää'aty ets nija'awëmëty tii poky kapoky, ets nija'awëmëty ko npokyjyä'äy'ajtëmë.

Deuteronomio 6:3

E paaty yam n'ënëëmëtë miits Israel ja'ayëty, ko yë'ë mpatuntëp. Jëtu'un oy mjuuky'atëty ets nëjkx m'awinpitë tu'uk mëj kajpn ma ya'atë it naaxwiinyëtën, ma ka'ap yë jë'kxy pëky y'ëmaaytyä'äkyën, jëtu'un ijxtëm yë Wintsën mëti'ipë m'ap m'ok Tyiosajtën ojts twinwanën.

Jeremias 11:6

Ënet ja Wintsën xy'ënëmaayës: Nikajpx nimëtya'ak ya'atë aaw ayuk në'ë'aay tu'u'aay ma Judá kajpnën ets ma Jerusalén kajpnën. Jëtu'un xy'ënëëmëty yë ja'ayëty: Mëtoow'itë yajxon wi'ix y'ënä'änyën ya'atë käjpxytyu'unën ets patuntë.

Juan 13:17

Pën mja'akyujkëtëp ets mpatuuntëp, akujk jotkujk nëjkx mjuuky'atë.

1 Corintios 4:4

koos kë'ëm n'ëna'any ko ka'apës tii poky nmëëtëty, ka'ap yë'ëkyëjxmëty koos ka'ap tii ntuuntëkoy. Yë Wintsën yë'ëjës xypyaye'eyaanp.

Santiago 1:27

Ja mëpëjkën oypyë ets wa'atspë Dios Teety wintumpë yë'ë ya'atë: yajputëjkëp ja ku'ooky u'unk ets ja ku'ooky tyo'oxytyëjk mëti'ipë maaytyëp tajtëpën, näjyëtu'un yajputëkëty ka'apë nyäyaj'ëxëëkëtyën mëët ja ëxëëkajtën yaapë naaxwiinyëtën.