Romanos 2:12 - Biblia Dc en Mixe de Quetzaltepec

¹² mëti'ipë pokytyuuntëpën ets ka'ap nijawëtë ja Dios ja y'ënä'ämën, nëjkxëp kyutëkoytyë ko tkanijawëtë ja ënä'ämën, e mëti'ipë nyija'awëtyëpën ja Dios ja y'ënä'ämën ets pyokytyuntë, nän ja ënä'ämën nëjkx yajtukpaye'eytyë.

Biblia Mixe de Quetzaltepec

¹² mëti'ipë pokytyuuntëpën ets ka'ap nijawëtë ja Tios ja y'ënä'ämën, nëjkxëp kyutëkoytyë ko tkanijawëtë ja ënä'ämën, e mëti'ipë nyija'awëtyëpën ja Tios ja y'ënä'ämën ets pyokytyuntë, nän ja ënä'ämën nëjkx yajtukpaye'eytyë.

Romanos 2:12 ပူးပေါင်းရင်းမြစ်များ

1 Corintios 9:21

Jatu'kpëky etsës nmëmëta'aktë mëti'ipë ja Moisés ka'ap ja y'ënä'ämën tpatuunëtën, näjyëtu'unës të näpyëjktä'äkyë ijxtëm yë'ëjëtyën, oyës ëjts ja Dios njamëtuny ets ja Kristë ja y'ënä'ämën njapa'ap'ijtëyë.

Gálatas 3:10

Mëti'ipë yi'iyë tyuk'ijxpäjtëpën ja Moisés ja y'ënä'ämën, kajpxpoky ja yajpaatë, jä'ä ko jëtu'un ja Dios ja y'aaw y'ayuk y'ënä'äny mëti'ipë këxja'ay miinpën: Kajpxpoky ja ja'ay y'ity mëti'ipë ka'ap kä'pxy tpatunyën ja ënä'ämën mëti'ipë këxja'ay miinpën.

Romanos 8:3

Tëë ja Dios tuny mëti'ipë ja ënä'ämën ka'ap myääyën tunëty, jä'ä ko ënety ja myëk'ajtën kyujënäkyëty ets ko ja ja'ay ëmaay paki'ix yajpaatë. Paaty ja Dios ja y'u'unk të tkexy ets yaj'ijxy ijxtëm ja pokyjyä'äyën ets wyintsë'kën'atëty, tkunaxëty ja ja'ay ja pyoky, jëtu'un tyajkutëkoy ja poky ma ëëtsajtëmën.

Romanos 1:32

Nyija'awëtëp ko Dios të tuknipëjktaakë ko paat'ajtëtëp ja o'kën mëti'ipë jëtu'un ëtëtstëpën ets ka'ap yi'iyëty ko jëtu'un tuun'ëtë'ëtstë, tyukxoontaktëp yë'ëpaat ko ja wiinkëtypë jëtu'un y'ëtë'ëtstë y'ëna'antë.

Mateo 11:24

Jëtu'un miits n'ënëëmëtë ko wäänë mëk nëjkx myajtëytyuntë këtiinëm ja Sotomëtë ja'ayëty.

Santiago 2:10

Ko ja ja'ay tpatuunta'ay ja ënä'ämën ets tu'uk ja ënä'ämën tkapatuny, pokyjotm wyi'im; jëtu'un ja nyäxy ijxtëm jeexyë nitu'uk ja ënä'ämën tkapatunyën.

Romanos 4:15

Jä'ä ko ja ënä'ämën tukpatp ja tsëtyu'un ko ka'ap yajpatuny, e ma ja ënä'ämën kya'ityën ka'ap jam tii yajtuuntëkoy jä'äkyëjxm ko ka'ap ja ënä'ämën jam.

Mateo 11:22

Temë jëtu'un miits n'ënëëmëtë, ko nëjkx ja naaxwiinyëtë ja'ay yajpaye'ey ja nyëë pyoky, wäänë mëk nëjkx miits myajtëytyuntëty këtiinëm ja ja'ay mëti'ipë tsënaaytyëp jam Tirë ets Sidón.

Deuteronomio 27:26

Poky yë ja'ay wyë'ëmëty mëti'ipë ka'ap tkupëkyën ya'atë aaw ayuk, mëti'ipë yajnikajpxpën ets ka'ap tpatuny. Ënet ja ja'ay y'ëtsowtëty: Oy, jëtu'un'atëp.

Gálatas 3:22

E ja Dios ja y'aaw y'ayuk jëtu'un y'ënä'äny ko ni'ëmukë ja ja'ay pokyjotm y'ijta'atë ets tpaatëty mëti'ipë ja Dios të twinwanën ko ja Jesukristë të tmëpëktë.

Juan 19:11

Ënet ja Jesús y'ëtsooy: Mijts nitii kuttujkën xykyamëët'aty ma ëjtsën ko jeexyë ja Dios ka'ap të mo'oyë ja kuttujkën; paaty ja mëti'ipës të xykyë'ëyäkyën ma mijtsën, ni'ik ja pyokymyëëtëty këtiinëm mijts.

Hechos 2:23

Tääpë ye'etyëjk, ojts miits myajtukë'ëtëkëtë, ijxtëm ja Dios ënety të tuknimay të tuknitajën, miits ojts xyaj'ooktë, ko ja ëxëëkja'aytyëjk xytyukyajkruutspäjtë.