Romanos 2:11 - Biblia Dc en Mixe de Quetzaltepec

¹¹ Jä'ä ko Dios, ko pyaye'ey ni pën tka'apupety;

Biblia Mixe de Quetzaltepec

¹¹ Jä'ä ko Tios, ko pyaye'ey ni pën tka'apupety;

Romanos 2:11 ပူးပေါင်းရင်းမြစ်များ

Hechos 10:34

Ënet ja Pedro kyajpxtso'ony: Tyamës n'ixy nijawë ko ja Dios tsyojktääpy ja ja'ay ni'ëmukë,

Deuteronomio 10:17

Jä'ä ko yë Wintsën mëti'ipë miits mTiosajtëpën, yë'ë Dios mëti'ipë ni'ik yë mëj'ajtën myëët'ajtypyën ma wiinkëtypë tiosën ets wiinkëtypë wintsënën. Yë'ë Dios mëjpë mëti'ipë maaytyääyëpën winë ets mëti'ipë kutsë'ëkën, mëti'ipë ka'ap win'ixy winkexy yë ja'ay tsoky tjawën ets mëti'ipë ka'ap yajuyën.

Gálatas 2:6

Ka'ap ojts tii jempyë ijxpëjkën xymyo'otës mëti'ipë ja kuttujkën myëët'ajtypyën; oyës ënety ka'ap yë'ëjëty nijawëja'any tii tyuunk'ajtëp, jä'ä ko Dios ka'ap yë'ë tmëjpëjktä'äky wi'ix pën y'ixëtyën.

2 Crónicas 19:7

Ets t'ënëmaay: Mwinkutsë'ëkëtëp yë Wintsën ets mëk xytyim'ixtëty wi'ix winë oy xytyuntëtyën, jä'ä ko Wintsën ka'ap jëtu'unyë tnani''ijxnaxa'any ja ka'apë myëtëyëtyën ja tu'unën kajpxën, ka'apë pën tii oy tnipaye'eyën, ëkë mëti'ipë ëxëëktu'un ëxëëkajpxën nyimeenypyijkpyën.

Job 34:19

Yë'ë ka'ap tpukajpxë yë yajkutujkpëtëjk ets ka'ap yë kumeenyjyä'äytyëjk ni'ik tputëkë këtiinëm yë ëyoowpëja'aytyëjk, jä'ä ko yë'ë yajkojtaay wä'än tpënëty.

Colosenses 3:25

Mëti'ipë ja ëxëëkpë tyuuntëpën, tukupätëtëp ja Dios, jä'ä ko yë'ë paye'epy ijxtëm pyaat'atyën ets yë'ë ka'ap pën twiink'ixy.

Deuteronomio 16:19

Këtii yë tëyajtën xyajma'atëty, këtii yë ja'ay tu'uk xy'oyjyawëtëty ets tu'uk xy'ëxëëk'ixtëty, ko tëyajtën winë xynyipaye'eya'antëty, këtii ja'ay mnätyukwin'ëënëtëty ko yë wit meeny mjamo'oja'anëtëty ets jëtu'unyë ja pyoky xyajninaxtëty. Jä'ä ko jëtu'unpë yajwinma'anytyëkoopy yë wijyjyä'äytyëjk ets ka'ap tii oy t'ëkkajpxnëtë mëti'ipë oy ja jyot wyinma'anyëtyën.

Efesios 6:9

E miitsëty wintsënëty mëti'ipë yajtuunpë tuuntëpën, wintsë'ëkëtë ja mtuunpëtëjkëty, këtii xy'ëtsu'uxya'axtëty. Miits tëë xynyijawëtë ko jëtu'un miitsëty ijxtëm yë'ëjëtyën, tu'ukyë xymyëtuntë ja Wintsën mëti'ipë tsajpjotmën; yë Dios ka'ap pën twiink'ixy, wä'än tmëtuunpë ëkë tkamëtuunpëty.

Mateo 22:16

Paaty ojts tkäxtë ja y'ijxpëjkpëtëjk mëët ja Herodes jyä'äy ets ja Jesús t'ënëmaaytyë: Wintsën, nija'awëtyëp ëëtsëty ko mijts mëtëy winë xykyäjpxy ets ko mijts mëtëy ja ja'ay xytyuk'ijxpëky ja Dios ja nyë'ë tyu'u oy pën tëkatsy mnikäjpxy mnimëtyä'äkyë, jä'ä ko ka'ap yë'ëkyëjxmëty winë oy xytyuny ets ja ja'ay m'oyjyawëtëty.

Lucas 20:21

Paaty ojts tyajtëwtë: Wintsën, nija'awëtyëp ëëts ko mijts mkäjpxy ets myaj'ijxpëky ijxtëm pyaat'atyën ets ka'ap yë'ë xytyuny mëti'ipë ja naaxwiinyëtë ja'ay tsyojktëpën. Mëtëy yë'ë ko mijts yë'ë ja'ay mtukni''ijxëp ja Dios ja nyë'ë tyu'u.

1 Pedro 1:17

Pën miitsëty Tatë, xynyëëmëtë ja Dios, mëti'ipë paye'epyën mëtëy ets ka'ap wyin'ixy wyinkexyëty, kopkpëky ko xywinkutsë'ëkëtëty xëmë mapaat yaa naaxwiiny mjuuky'atën.

Romanos 9:14

¿Wi'ixts na'ëna'anmëty? ¿Wä'än jëtää n'ëna'anmëty ko ka'ap y'oyëty mëti'ipë ja Dios tyuunpyënë? Niwi'ix'äämpy.