Romanos 2:10 - Biblia Dc en Mixe de Quetzaltepec

¹⁰ E mëti'ipë tyuuntëpën ja oypyë, mo'ojanëtëp ja Dios ja mëj'ajt oyajtën, ja xoontakën, ja jotkujk'ajtën; jëyëjp ja jutiis ja'ayëty ets ok ja ka'apë jyutiisëty.

Biblia Mixe de Quetzaltepec

¹⁰ E mëti'ipë tyuuntëpën ja oypyë, mo'ojanëtëp ja Tios ja mëj'ajt oyajtën, ja xoontakën, ja jotkujk'ajtën; jëyëjp ja jutiis ja'ayëty ets ok ja ka'apë jyutiisëty.

Romanos 2:10 ပူးပေါင်းရင်းမြစ်များ

Isaías 32:17

Ja oypyë ja nänyipaye'eyën nëjkxëp tyajjää'aty ja jotkujk'ajtën, xeemyajtën ets oyajtën xëmëkyëjxmëpë.

Isaías 26:12

Wintsën, mijts ëëts xyaj'oy'ijtp, mijts mtëy'ajtën'ajtp; mijts myaj'apatëtyääpy mëti'ipës nmëmaay nmëtajtëpën ntuna'antë.

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënety ja Jesukristë myiny.

Santiago 3:13

Pën jää pën wijypyë kejypyë ma miitsëtyën ëkë ja'akyujkëpë mëtoowkujkëpë, wä'än tyajkwinkëxë'ëky mëët ja y'oyjä'äyajtën, yujy tëtä'äky jyuuky'atëty ijxtëm tii tnijawën.

Romanos 8:6

Ko ja ja'ay tmay ttajy mëti'ipë ja ni'kx kopk tsyojkpyën, tukpatëp ja o'kën; e ko ja ja'ay twinmay mëti'ipë ja Kënu'kxymyëkajtën tsyojkpyën, tukpatëp ja juukyajtën ets ja jotkujk'ajtën.

Romanos 2:7

Myo'ojäämpy ja juukyajtën xëmëkyëjxmëpë mëti'ipë y'ijxtaaytyëpën ja mëj'ajt oyajtën, xoontakën ets ka'apë kyixy nyäxyën, ets të tuntë xëmë ja oypyë;

Lucas 1:79

ets tkutë'kxa'any mëti'ipë tsënaaytyëpën jam akootstum ma o'ktaknën, jëtu'unts xytyu'umo'omyëty ets jotkujk nyajpatmëty.

Job 22:21

Kajpx'oyë yë mtsip m'äkë mëët yë Dios ets jatëkok yë mjotkujk'ajtën xypyaatëty.

Santiago 2:22

Ets jyëkyejpy jam xynyi''ijxtu'utëty ma ja Abrahamën, ko yë'ë ojts tyajnikëxë'ëky ja myëpëjkën ko winë oy tuuny, jëtu'unts ja myëpëjkën ojts nyäxy wa'ats.

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

Romanos 5:1

Paaty ja Dios wa'ats të xyajwë'ëmëmë ko të nmëpëjkëmë, nmëët'ajtëm ja jotkujk'ajtën mëët ja Dios ko ja nWintsën'ajtëm Jesukristë të myiny naaxwiiny.

Romanos 2:9

Tääts y'ita'any ja ëyo'on ets ja tëytyu'unën ma ja ja'ayëtyën mëti'ipë tyuuntëpën ja ëxëëkpë, jëwyiin ja jutiis ja'ayëty ets ok ja ka'apë jyutiisëty.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Filipenses 4:7

Jëtu'un ja Dios mmo'ojëtëty ja jotkujk'ajtën mëti'ipë ka'ap myäyën tja'akyukëty ja naaxwiinyëtë ja'ay; ets ya'atë jotkujk'ajtën yë'ë kyëwent'atäämpy ja mjot mwinma'anyëty, mma'ayënëty mtajënëty ko ja Kristë Jesús të xymyëpëktë.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Romanos 15:13

Ja Dios, mëti'ipë njëjp'ijxëmën, wä'än yë'ë ni'ëmukë mmo'ojëtë ja xoontakën ets ja jotkujk'ajtën mëët ko yë'ë xymyëpëktë ets wä'än mmo'ojëtë ja jotkujk'ajtën mëët ja myëk'ajtën ja Kënu'kxymyëkajtën.

Romanos 14:17

Ka'ap yë'ëkyëjxmëty jam m'itë ma Dios ja kyutujktaknën ko tii xykyäytyë xy'uuktë, jä'äkyëjxm jam m'itë ko xytyuntë xykyajpxtë mëti'ipë paat'ajtëpën, wi'ix xymyëët'attëty ja jotkujk'ajtën ets ja xoontakën mëët ja Kënukxymyëkajtën.

Romanos 9:23

Näy jä'ä ko ënety tyajnikëxë'ëka'any ja myëj'ajt jyääntyajtën ma ja mëti'ipë pya'ëyoopyën, mëti'ipë tyuknipëjktakëpën ets mëët y'itëty ma ja myëj'ajt y'oyajtënën.

Romanos 9:21

Ja tu'ts pojtspë myëët'ajtyp ja kuttujkën ets ja mo'onts tpotsëty wi'ix tuknipëjktaakën, nän yë'ë mo'onts yajtunëp ets tu'uk ja tu'ts tpotsëty mëti'ipë ka'ap oy najëna'a tyunëtyën ets mëti'ipë xëmë tunëpën.

Hechos 10:35

kyupëjkpy pën wintsë'këyëp ets pën tyuunpy mëti'ipë paat'ajtëpën.

Juan 12:26

Pën jääjës pën xymyëtun'any, wä'änës xypyaminy; ets pën maas ënety nyajpaaty, jam näjyëtu'un yajpaata'any mëti'ipës ënety xymyëtuunpën. Pën jää pën xymyëtuna'anyës, yajmëjnaxanëp ja nTeetyës.

Lucas 22:14

Ko ja horë tpaty, ënät ja Jesús nyaaxwe'tsy ma ja kaaypyäjnën mëët ja y'ijxpëjkpëtëjk.

Lucas 19:42

ets y'ënäny: Jëtu'unpëk jeexyë ya'atë xëëw xyjyä'äkyukë ko mjayajtukniminy ja jotkujk'ajtën. Je'eyëp ko ka'ap jyëtu'unëty, yu'utsy yajpaaty ma mijtsën ets ka'ap xy'ijxpaatëty.

Lucas 12:37

Akujk jotkujk yajpaatë ja tuunpëtëjk mëti'ipë wijy kejy yajpatëpën ko ja wyintsën jyä'ty. Tëy miits nëëmëtë ko kë'ëm ja wintsën nëëmëja'any ja tyuunpëtëjk ets nyaaxwäätstëty ma kaaytyaknën ets ja wintsën kë'ëm ja ka'ayën ukën t'apëkëja'any.

Lucas 9:48

ets y'ënëmaayëtë: Pën ya'atë pi'k ëna'k kyupëjkpy ëjtskyëjxm, nän ëjts ënety xykyupëjkp ets pën xykyupëjkpës, yë'ë näjyëtu'un kyupëjkpy mëti'ipës xykyäjxpën. Pën mutsk näpyëjktakëp ma miitsëtyën, yë'ë mëj najxp.

Mateo 10:13

Pën m'ëtsoowëtëp ja ja'ay oy, amëtowtë ja Dios ets kyënu'kxëtëty. Pën ka'ap oy m'ëtsowëtë miitsëty ka'ap tiijotmay xyjyawëtëty.

Jeremias 33:6

E nyajtso'okäänpyës jatëkok, nmo'ojäämpyës ja oy'ajt mëk'ajtën ets xoontä'äky jyuuky'atëty.

Isaías 57:19

Etsës n'ënëëmëja'any nitëkokyë ja'ayëty: Ko wä'än tjotkujk'atë ja'ayëty jëkämpë ets wiinkonpë yajpaatën. Ëjts nyajtso'okäänpyës yë nnaax nkajpnës.

Isaías 48:22

Jëtu'un ja Wintsën y'ënä'äny: Yë ëxëëkja'aytyëjkëty ka'ap jotkujk jyuuky'ata'antë.

Isaías 48:18

Tëë jeexyë xyjyä'äkyukë mëti'ipë të ntuk'ëne'emyën. Tam jeexyë wyimpäjt'ëtë'ëtsy ja mjuukyajtën, ets ni'ikyë jeexyë jotkujk myajpatnë,

Proverbios 11:18

Yë ëxëëk ja'ay ko nyätyijyë yajmëjuy, je'eyë yajtukwin'ëëny yë myëju'uny; yë ja'ay mëti'ipë winë oy tyuunpyën, kä'pxy t'ëxajë myëju'uny.

Proverbios 8:18

Ëjts nyäjkpyës yë näyajmëjnaxë, yë wit meeny, yë jotkujk'ajtën ets xoontakën;,

Salmos 37:37

Yë'ë ënät ëk'ix ëktun yë ja'ay mëti'ipë ka'ap tii tuuntëkoyën ets oypyë xëmë jyä'äy'ätyën: yë jëtu'unpë ja'ay yë'ë y'a'ijxyp jyëjp'ijxyp yë akujk'ajt jotkujk'ajtën.

Salmos 29:11

Yë Wintsën myëkmoopy myëjaawmoopy yë nyaax kyajpn; yë Wintsën kyënu'kxyp yë nyaax kyajpn mëët yë akujkajtën jotkujk'ajtën.

Salmos 15:2

Yë'ë mëti'ipë oy yajxon juukyajtpën, mëti'ipë ka'ap pyokymyëëtëtyën; mëti'ipë aakjä'ä tyuunpyën oypyë, ets mëti'ipë tëyajtën winë nyimëtyäkpyën;

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Dios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.

1 Pedro 5:4

Jëtu'un ko ënety ja Wintsën Jesukristë myiny, ënät miits xy'ëxajëtëty ja kuttujkën ka'apë kyixy nyäxyën.

Juan 14:27

Tyam ntukmëwë'ëmtë ja jotkujk'ajtën. Nmooytyëp miits ja jotkujk'ajtën, je'eyëp ko ka'ap yë'ëjëty jëtu'unpë mëti'ipë yajktëpën yë naaxwiinyëtë ja'ay. Këtii mmaytyëty mtajtëty ets këtii mtsë'ëkëtëty.

Isaías 55:12

Xoontä'äky jam nëjkx mtsoontë, jotkujk nëjkx mja'të ma mnaax mkajpnëtyën. Ko ënety xynyinaxtë ja tun kopk may nëjkx ja'ay mjëjpaatë'ëkëtë ets nëjkx myajwin'ëw myajwinya'axtë mëët ja jotkujk'ajtën ets tu'kë'ëyë aay kepy nëjkx kyë'ë t'apo'kxmuktë.

1 Timoteo 1:17

Mëjjaw jaantyjawë ja Dios y'itëty, yë'ë tu'ukyë Tios'ajtp, mëti'ipë xëmëkyëjxm ijtpën, mëti'ipë ka'ap y'ookyën ets ka'ap yaj'ixyën. Oy jyëtu'un'atëty.

Hebreos 2:7

Tëë tu'ktiempë naxym xypyëjktä'äky këtiinëm ja anklëstëjk, je'eyëp ko tëë xymyo'oy ja kuttujkën, ja mëj'ajt oyajtën ets ja wintsë'kën;