Romanos 16:2 - Biblia Dc en Mixe de Quetzaltepec

² Kupëktë yajxon Wintsën xyëëwkëjxm, jëtu'un ijxtëm pyaat'atyën ma nxëëw'ajtëmën mëpëjkpëtëjk. Putëkëtë ma tii tyajmëyätyën, jä'ä ko tëë ja ja'ay may tputëkë, ëjtspaat kë'ëm.

Biblia Mixe de Quetzaltepec

² Kupëktë yajxon Wintsën xyëëwkëjxm, jëtu'un ijxtëm pyaat'atyën ma nxëëw'ajtëmën mëpëjkpëtëjk. Putëkëtë ma tii tyajmëyätyën, jä'ä ko tëë ja ja'ay may tputëkë, ëjtspaat kë'ëm.

Romanos 16:2 ပူးပေါင်းရင်းမြစ်များ

Mateo 25:40

Ënet ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënety yajpatëpën ëmaay amutsk, ëjts jëtu'un të xymyëtuntë.

Hechos 9:13

Ko ja Ananías jëtu'un tmëtooy, tää y'ënäny: Wintsën, may yë ja'ay të xytyuk'ëwaanës ko tääpë ja'ay ëxëëk të y'ëti'itsy ets ëxëëk të tuny ja mnaax mkajn jam Jerusalén.

Hechos 9:15

Tää ja Wintsën y'ënäny: Nëjkx, tëëjës ntuknipëky. Nyajtunäämpyës yë'ë ets nyëjkxëty ma ja ja'ay mëti'ipë ka'ap jyutiisëty. Jamts tnikäjpxy tnimëtya'akëty ja n'aaw n'ayukës ma ja mëti'ipë tsënaaytyëpën wiink it wiink naax ets ja yajkutujkpë mëti'ipë ënä'ämtëpën, näjyëtu'un ja Israel ja'ayëty.

Hechos 9:36

Jam ma ja Jope kajpnën, jam ijty tu'uk ja to'oxytyëjk mëpëjkpë tsyëënë, Tabita''ajtp. Dorcas yajtijy griego ayuk. Ya'atë to'oxytyëjk xëmë ijty tuny mëti'ipë oy ets pyutëjkëp ja ëyoopëja'ay.

Hechos 9:39

Tääts ja Pedro tpatso'ony. Ko jam jyä'äjty ets ojts yajwoownëjkxy ma ja o'kpën. Ënet ja Pedro ja ku'ooktyo'oxy tyukye'eymyujkëtë ets tyuk'ijxëtë ja wit mëti'ipë ënety ja Dorcas të txuyën ko ënety mëët të jyaak juuky'atë.

Hechos 9:41

Tä ja Pedro tmajtsy ma kyë'ëjën ets tyajtënaaykyujkëy; tä tkumëkajpxëy ja mëpëjkpëtëjk ets tuk'ijxy ko ënety tëë ja Dorcas jyuukpyiky.

Romanos 15:7

Paaty näkyupëkëtë nixim niyam ijxtëm ja Kristë të mkupëkëtën ets ja Dios mëjjaw jaantyjawë y'itëty.

Romanos 16:15

Kajpxpo'kxtë ja Filólogo, ja Julia, ja Nereo ets ja myëkä'äx to'oxytyëjkpë, ja Olimpas ets ni'ëmukë ja mëpëjkpëtëjk mëti'ipë jam mëëtëtyën.

Romanos 16:23

Mkajpxpo'kxëtëp ja Gayo, jam maas nja'ajtä'äkyën, ma ja mëpëjkpëtëjk ye'eymyuktën. Mkajpxpo'kxëtëp näjyëtu'un ja Erasto, mëti'ipë ja kajpn meeny pyëjkë'kpyën ets ja nmëku'uk'ajtëm Cuarto.

Romanos 16:6

Kajpxpo'kxtë ja Maria, mëti'ipë mëk të tyunyën ma miitsëtyën.

Romanos 16:9

Kajpxpo'kxtë ja Urbano, mëti'ipë mëët nmëtu'unëmën ja Kristë tyuunk ets ja Estaquis, mëti'ipës mëk ntsojkpy nja'apën.

Efesios 5:3

Miitsëty mëti'ipë ja Dios ja'ay'ajtëtëpën jëtu'un mjuuky'attëty ijxtëm pyaat'atyën ko myajpaatë ma ja Dios ja kyajpnën, yë'ëpaat ka'ap xynyimëtya'aktëty ma ja ye'etyëjk to'oxytyëjk kanaak tmëët'atën oypyënëty ëkë ma ëxëëk tuunk tyajtu'uye'eytyën.

Filipenses 1:27

Wä'än t'ixy tii tuunëp jajtëp, juuky'atë miits ijxtëm y'ënä'änyën ja oy aaw oy ayuk ma Kristë yajnimëtyä'äkyën. Oy miits nninëjkxtëty ëkë nkaninëjkxtëty, nijawëpës ko tu'ukyë m'itë ets tu'ukyë ja mwinma'any yajpaatë ets xytyuntë wi'ix ja ja'ay oy tmëpëktëtyën ja oy aaw oy ayuk,

Filipenses 2:29

M'ëxajëtëp akujk jotkujk ko jam jya'tëty ets tsoktë jawëtë tä mmëkä'äxëtyën ma tu'ukyë mëpëktën ets tsoktë jawëtë oypyënëty mëti'ipë jëtu'un ja'ay'ajtëpën ijxtëm yë'ëjën.

Colosenses 4:10

Aristarco, nmëku'ukës nmëpujxntëjk ja'ayës, yë'ë mtuknikäjxëtëp ja kajpxpo'kxën; näjyëtu'un ja Marcos, Bernabé myëku'uk. Tëë myajtuk'ëwaanëtë pën Marcos'ajtpën. Yë'ë mninëjkxëtëp, kupëktë yajxon.

1 Timoteo 2:10

Yë'ë mëpaat oy nyätyukyajkëxë'ëkëtë ja oypyë tuunk, ijxtëm pyaat'atëtën ja to'oxytyëjkëty mëti'ipë yajmëjnajxtëpën ja Dios.

2 Timoteo 1:18

Dios pa'ëyowëtëp ko myinëty ja Jesús. Mijts wa'ats xynyijawë wi'ix ojts xypyutëjkëmën jam Éfeso.

Tito 2:3

Näyjyëtu'un ja mëjja'aytyo'oxyëty wintsë'kën mëët jyä'äy'atëty, ka'ap pyi'tskajpxtëty, ka'ap y'uuktëty myu'ukëtëty. Oy tii tnajtstunëtëty,

Filemón 1:12

Tyam jatëkok ntuknikexy. Jëtu'un xykyupëkëty ijxtëm jeexyë ëjts kë'ëmën.

Filemón 1:17

Jëtu'un, pën xymyëku'ukja'apës mijts, kupëk ijxtëm jeexyë ëjts kë'ëm xykyupëkyën.

2 Juan 1:10

Pën jam pën mtukninëjkxëtë ja ijxpëjkën mëti'ipë ja Kristë ka'ap tjä'äjëtyën, këtii xyajtëkëtëty mtëkoty ets ni xykyakajpxpo'kxtëty.