Romanos 13:2 - Biblia Dc en Mixe de Quetzaltepec

² Paaty ko pën ja kutuunk tkamëmëtowëty, wyiink'ijxyp ënety mëti'ipë ja Dios të tuknipëjktaakën. Ets mëti'ipë käjpxy kumëtoownajxpën nëjkxëp ja yajtëytyuny.

Biblia Mixe de Quetzaltepec

² Paaty ko pën ja kutuunk tkamëmëtowëty, wyiink'ijxyp ënäty mëti'ipë ja Tios të tuknipëjktaakën. Ets mëti'ipë käjpxy kumëtoownajxpën nëjkxëp ja yajtëytyuny.

Romanos 13:2 ပူးပေါင်းရင်းမြစ်များ

1 Pedro 2:13

Mëët yë'ë ko ja Dios xymyëpëktë mëmëtowtë ja kuttujkën yaapë naaxwiinyëtën, ijxtëm ja mutsk kutuunkën ets mëjpaatpë,

Tito 3:1

Tukja'amyäts ja mëpëjkpëtëjkëty ets twintsë'ëkëtëty ja yajkutujkpë ets ja kutuunktëjk, wä'än xëmë winë oy tuntë mëti'ipë yajkutujkpë tuk'ënä'ämëtëpën.

Santiago 3:1

Mëku'uktëjkëty, ka'ap may xymyëët'atëty ja yaj'ijxpëjkpë. Tëë xynyijawëtë ko ëëtsëty nyaj'ijxpëktë wäänë ni'ikës nyajtukumëtowa'antë koos ënety tii oy nkayaj'ijxpëktë.

Romanos 13:5

Yë'ë oy ko kutuunktëjk nmëmëto'owmëty, ka'ap tyim yë'ëkyëjxmëty ets yajkumëtowëty ja ëxëëkpë, yë'ëkyëjxm ets ntu'unmëty mëti'ipë mëtëyën.

Marcos 12:40

pyëjkëtëp ja ku'ookytyo'oxy ja jyëën tyëjk, je'eyë janty jeky kyajpxta'aktë ets tyu'utstë mëti'ipë tyuuntëkooytyëpën. Yë jëtu'unpë ja'ayëty ni'ik jeky yajtëytyuna'antë.

Lucas 20:47

Pyëjkëtëp ja ku'ookytyo'oxy ja jyëën tyëjk, këtiipë pën nijawëty janty jekyëty nyätyijyë Dios mëkajpxtë. Je'eyëp ko yë'ëjëty mëk ni'ik yajtëytyuna'antë.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Isaías 58:2

Xëmës xyjyajanty ixta'atës, ets janty jotkujk nyäyajnaxëtë ko t'ixy'atë ja nnë'ë ntu'ujës. Jëtu'un nyäyajnaxëtë tä tu'uk kajpnën mëti'ipë aak'oy winë tyuunpyën, ets ka'apë tkumëtoownaxyën yë n'ënä'ämënës ntëyajtënës; ja mëtëypyë ja ënä'ämën jä'äs xy'amëtoowtëp, ets janty'oy janty xoontä'äky nyäyajnaxëtë koos xymyëwinkontë,

Éxodo 16:8

Tä yë Moisés ojts jyaakëna'any: Ko jyënäkyxyëëw'atëty jää yë Dios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Dios jëtu'un wiinkjaty të xytyijtë.

Romanos 9:19

E jam ma miitsëtyën wä'än jëtää jam pën y'ëna'anëty: Pën jëtu'un, ¿tiixë ko ja Dios ja ja'ay tpoky'ixy? ¿Pën jëtää mëpaat t'ëk'ëtuky mëti'ipë ja Dios të tuknipëjktaakën?

Romanos 13:1

Ni'ëmukë mëpaat yajmëmëtoy ja ja'ay mëti'ipë myëët'ajtëpën ja kuttujkën. Jä'ä ko ka'ap ma kutuunk mëti'ipë ka'ap jam kyutukyën ma Tiosën, mëti'ipë jääjëtyën Dios yë të pyëjkta'akëtë.

Romanos 13:3

Yë kutuunktëjk ka'ap yë'ëkyëjxmëty të yajpëjkta'aktë ets tyajjotkëxtëty mëti'ipë oy winë tyuunpyën, yë'ë të yajtuknipëjktaakëtë ets tpaye'eytyëty mëti'ipë ëxëëk ëtëtstëp ënantëpën. Pën ka'ap mëët ja tsë'ëkë mjuuky'ata'any, tun kajpxp mëti'ipë oyën ets ja kutuunk m'oyjyawëtëty.