Romanos 12:7 - Biblia Dc en Mixe de Quetzaltepec

⁷ Pën ja tuunk të yajmo'oyën ets tmëtunëty ja myëku'uk, wä'än oy tuny; mëti'ipë yaj'ijxpëjkpën, wä'än tyaj'ijxpëky;

Biblia Mixe de Quetzaltepec

⁷ Pën ja tuunk të yajmo'oyën ets tmëtunëty ja myëku'uk, wä'än oy tuny; mëti'ipë yaj'ijxpëjkpën, wä'än tyaj'ijxpëky;

Romanos 12:7 ပူးပေါင်းရင်းမြစ်များ

Efesios 4:11

Yë'ë pyëjktak ja ja'ay ets ja oy aaw oy ayuk tkajpxwa'kxëty, wiinkpë Dios kyäjpxynyajxpë'atëty, wiinkpë tkajpxwa'kxëty ja oy'aaw oy ayuk, wiinkpë ja mëpëjkpëtëjk t'ijx'it tkëwent'atëty ets ja wiinkpë yaj'ixpëkëty.

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

1 Timoteo 5:17

Ja mëjja'aytyëjk mëti'ipë nyikopk'ajtëpën ja mëpëjkpëtëjk, paat'ajtëtëp ja wintsë'kën ets ja putëjkën; wäänëni'ik pyaat'atëtë mëti'ipë ja Dios ja y'aaw y'ayuk kyajpxwa'kxtëpën ets yaj'ijxpëjktëpën.

Hechos 13:1

Ma ja mëpëjkpëtëjkën jam Antioquía, jam ijty yajpaatë Dios ja kyäjpxynyajxpëtëjk ets ja yaj'ijxpëjkpëtëjk. Jä'ä ja Bernabé, ja Simón mëti'ipë näjyëtu'un yajtijpën Yëk, Lucio, mëti'ipë Cirenë ja'ayën ets ja Menahem mëti'ipë yä'kën tu'ukyë mëët ja Herodes, jampë yajkutujkyën Galilea ets nän tam ja Saulo.

2 Timoteo 2:24

Tu'uk ja Wintsën ja tyuunpë ka'ap tjëkyepy je'eyë tsyiptunëty, ni'ikyë mëpaat oy tsuj nyämyäyë mëët oypyënëty. Jyatëp wi'ix yaj'ixpëkëtyën ets myëët'atëp yë mä'kxtujkën,

2 Timoteo 2:2

Ja aaw ayuk mëti'ipë të xymyëtoyën maajës ja mayjyä'äy nyaj'ijxpëkyën, yë'ë mtuknipëkëp ja ja'ay ets jëtu'un ja myëku'uk tyaj'ijxpëktëty.

1 Timoteo 4:16

Mnäkyëwent'atëtëp kë'ëm ets mëk xykyëwent'atëty mëti'ipë ja'ay mtuk'ijxpëjkpyën ets jotkujk myajpaatëty. Pën mtuumpy jëtu'un, mpaatëp ja nitsokën ets myajnitso'okëp ja mëti'ipë ënety mëtoow'ijtëpën.

1 Timoteo 3:2

Paaty, jëtu'unpë ja ja'ay ka'ap tjëkyëpy wi'ix yaj'ojëty. Tu'ukyë mëpaat ja tyo'oxytyëjk tmëëttsëënë ets mëtëy jyuuky'atëty; niwijy ets mëët. Yajja'ajta'akëp ja jëpyaat jëpyo'kxy ma tyëjkën; ets jyatëp wi'ix yaj'ixpëkëtyën;

1 Timoteo 2:7

Paatyës të nyajpëjktä'äky ayuk käjpxynyajxpë etsës yë ja'ay ntuk'ijxpëkëty yë mëpëjkën ets tëyajtën mëti'ipë ka'ap jyutiis'atën. Tëyës n'ëna'any, ka'apës n'antä'äky.

Colosenses 4:17

Tukmëmëtya'aktë ya'atë yë Arquipo: Kä'pxy xypyatunëty ja mtuunk ijxtëm ja Wintsën të mtuknipëkyën.

Gálatas 6:6

Ko tu'uk ja ja'ay t'ëxajëty ja ijxpëjkën ma ja oy aaw oy ayuk ni''ijxpëkën, pyutëkëp ja mëti'ipë yaj'ijxpëjkëpën ma tii tyajmëyätyën.

1 Corintios 12:28

Dios të tuknipëjktakëtyä'äy nitu'ukjaty tiijaty tyuntëpën: tam mëti'ipë Jesús y'ijxpëjkpë'ajtypyën, käjpxynyajxpën, yaj'ijxpëjkpën; nän tää mëti'ipë ja mëj'ajtën tyuuntëpën, mëti'ipë ja pa'amja'ay yajtsoktëpën, mëti'ipë ja ja'ay pyutëjkëtëpën, mëti'ipë ënä'ämtëpën, mëti'ipë ja tuunk yajmooytyëpën ets ja wiink ayuk tkajpxtëty.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Dios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Dios jyä'äy'äjtypyën mëti'ipë të tku'ookën.

Hechos 20:20

E xëmë miits të ntuk'ëwaanëtë winjëën wintëjk ets ma ja mayjyä'äyën mëti'ipë mtuk'oy'attëpën, ko të nyaj'ijxpëktë.

Hechos 6:1

Näy jä'ä xëës jä'ä jëmëjt, ma ënety ni'ikyë nyimayëtën mëti'ipë myëpëjktëpën ja Jesús; ja ja'ayëty mëti'ipë ja griego ayuk kyajpxtëpën, ojts tukjoot'anpëktë ja myëku'ukëty mëti'ipë kyajpxtëpën ja hebreo ayuk ets y'ëna'antë ko ja ku'ooky tyo'oxytyëjkëty mëti'ipë griegë ja'ayëtyën ka'ap oy yajputëkëtë ma winë wyä'kxyën.

Juan 3:2

Yë'ë ojts ninëjkxy ja Jesús koots ets t'ënëmaay: Wintsën, nija'awëtyëpës ko mijts Dios të mkexyë ets ëëts xyaj'ijxpëktëty, jä'ä ko ka'ap tjëkyepy pën tunëty ja mëj'ajtën ijxtëm mijts xytyunyën pën ka'ap ja Dios tmëëtëty.

Mateo 28:19

Nëjkxtë naaxwiinyëtë apëtsëmy ets xyaj'awinpitëty yë ja'ay ëjts n'ijxpëjkpë; yajnëëpätë mëët yë Dios yë xyëëw, Dios U'unk ets mëët yë Kënu'kxymyëkajtën yë xyëëw,

Isaías 21:8

Ënet mëk të jyänty yujk'ëna'any: Wintsën, maas të xypyëjktä'äkyën, jamës nyajpaaty, xëëny kootsës jam n'ijx'ity nkëwent'aty.

Eclesiastés 12:9

Ko ja kë'ë ëmaaypyë tjak ni''ijxpëjkëy winë, ni'ik ojts winë tkajpxwä'kxy ma ja ja'ayën. Ojts näjyëtu'un may ja aaw ayuk tmä'kxy mëti'ipë juukyajtën nyimëtyäkpyën ets t'oytyuuntaay ijxtëm oy yajmëtowëtyën.

Salmos 51:13

jëtu'un tjëkyäpëty ntukni''ixëtyës ja mnë'ë mtu'u ja ja'ayëty mëti'ipë käjpxy kyumëtoownajxtëpën, ets pokyjyä'ätyëjk jyootwinpitëty ma mijtsën.

Salmos 34:11

Mintë, u'unk ëna'këty ets mëtoow'ijtëkës yë n'aaw n'ayuk: tyam ntukni''ixëja'antë wi'ix yë Wintsën xy'ëwtatëtyën.

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.

Deuteronomio 33:10

Yaj'ijxpëjktëp yë Israel ja'ayëty ets tyukni''ijxëtyëp yë m'ënä'ämën mtëyajtën ets ja m'aaw m'ayuk. Pyëjkta'aktëp ma wintsë'këntyaknën yë poom ets wintsë'kën mëti'ipë jëyujk ookyën mijts mwintuuy.

1 Corintios 12:5

Kanaakjëjp ja tuunk mëti'ipë ja ja'ay yajmooytyëpën, je'eyëp ko tu'uk ja Wintsën.

1 Corintios 14:26

Mëku'uktëjkëty. Ko miits mye'eymyuktëty, jyëkyejpy jam pënëty y'ëwtëty, yaj'ijxpëktëty, nimëtya'aktëty ja Dios ja y'aaw y'ayuk, tkajpxtëty ja wiink ayuk ets wiinkpë tyajniwijtëty. Je'eyëp ko yë'ë mëti'ipë ni'ëmukë yajtuk'oy'atëpën.