Romanos 12:3 - Biblia Dc en Mixe de Quetzaltepec

³ Jä'äkyëjxm ko ja Dios ja mëyajtën të tuny ma ëjtsën, paaty miits nëëmëtë ko ka'ap je'eyë mnämyëmay mnämyëtajëtëty ets mnämyëjpëjkta'akëtëty. Yë'ë mëmay mëët'ajtëp wi'ix ja Dios të mmo'ojëtën ja wijyajtën kejyajtën mëët ja mëpëjkën.

Biblia Mixe de Quetzaltepec

³ Jä'äkyëjxm ko ja Tios ja mëyajtën të tuny ma ëjtsën, paaty miits nëëmëtë ko ka'ap je'eyë mnämyëmay mnämyëtajëtëty ets mnämyëjpëjkta'akëtëty. Yë'ë mëmay mëët'ajtëp wi'ix ja Tios të mmo'ojëtën ja wijyajtën kejyajtën mëët ja mëpëjkën.

Romanos 12:3 ပူးပေါင်းရင်းမြစ်များ

Gálatas 6:3

Pën jää pën mëj nyäyajnaxyë ko nyäjyawëty mëj'äämpy y'ity ets ka'ap jyëtu'unëty, kë'ëm nyäwyin'ëënyë.

Proverbios 26:12

Wä'än yë tsuuja'ay jyaak ja'akyukëty, këtiinëm yë ja'ay mëti'ipë wijy näyajnajxëpën.

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Dios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.

Romanos 12:16

Juuky'atë tu'ukyë nixim niyam. Ka'ap amëj akëjxm mja'ay'atëty. Jëtu'un mnäpyëjkta'akëtëty tä janty mëk ëyoopëja'ayën. Ka'ap janty ixpëky mnäyajnaxëtëty.

1 Pedro 5:8

Näy'ijx'itëtë ets wijy kejy näyaj'itëtë. Jëtu'un miits ja mëjku'u ix'am mpajëtitëtë ijxtëm ja kaa muup ni'tsp ja jyi'kxy t'ixta'ayën.

Eclesiastés 7:16

Ka'ap y'oyëty ko ntimy oyjyä'äynyi'ikëmëty ets nän ka'ap y'oyëty ko ëxëëkpë ni'ik nyajmëjtëjkëmëty. ¿Wi'ix ko kë'ëm ëxëëk näyajjajt näyajkëpäjtëmëty?

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

Santiago 4:6

Ets ka'ap yi'iyëty ya'atë, wäänëni'ik ja Dios ja mëyajtën tuny ma ëëtsajtëmën ets xypyutëjkëmë, paaty ja Dios ja y'aaw y'ayuk këxja'aypyë y'ënä'äny: Dios tyukjoot'anpëjkpy ja ja'ay mëti'ipë mëj këjxm nnäyjya'awëyëpën ets pyutëjkëp mëti'ipë yujy tëtä'äky ja'ay'ajtpën.

1 Pedro 4:11

Pën jää pën kyäjpxy myëtyä'äky, jëtu'un kyajpxëty ijxtëm ja Dios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Dios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Dios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

1 Corintios 7:17

Oy jyawi'ix'ajtpë, jëtu'un njuuky'ajtëmë ijxtëm ja Wintsën ja tuunk nitu'ukjaty të xymyo'oyëmën; jëtu'un ijxtëm ënety ja Dios të xyaxtso'owëmën. Jëtu'unës nnëëmë ja mëpëjkpëtëjkëty ni'ëmukë.

Tito 2:12

Tääpë Dios yë y'oyajtën yë'ë xytyukni''ijxëm ets n'ëxmajtsmëty ja ëxëëk tu'unën ets atsojkën yaapë naaxwiinyëtën, ets oy nyajtu'uye'emyëty ja juukyajtën tyampë, mëët ja tëyajtën jaanty'ajtën,

Tito 2:2

Ja mëjja'aytyëjkëty mëtëy winë tuntëty, mëët ets wijy kujk; yajtuntëp oy ja myëpëjkënëty, myëët'atëp ja tsojkën ja'awën ets amëk jotmëk yajpaatëty ets tmëtänëtëty ja ëyo'on.

2 Corintios 12:7

koojë nimëtya'ak mëti'ipës të n'ixyën. Paatykyëjxm këtiipës näyajmëjnaxëtëty, nmëët'ajtypës ja amay jotmay, jëtu'un pyiky y'atony maajës nini'kxën ijxtëm äpnyën, mëti'ipë ja mëjku'u xytyuktëytyuunpënës.

Romanos 11:20

Tëy jëtu'un. Ojts jyänty yajkatspuxy je'eyëp ko yë'ë ko ka'ap myëpëjktë, e mijts paaty jam myajpaaty jä'ä ko mmëët'ajtyp ja mëpëjkën. E paaty mijts këtii mnämyëjjawëtëty, këtiipë näjyëtu'un myajkatspuxëty.

Romanos 1:5

Jesukristë mëyajtën të tuny etsës të xyajnaxy oy ayukkajpxwa'kxpë, jëtu'unts oymyaatsowëty ja ja'ay tmëpëktëty ja Jesukristë ets tmëmëtowtëty.

1 Pedro 1:13

Paaty miits a'ijxp jëjp'ijxp myajpaatëty ets wijy kujk mjuuky'atëty. Nämyëmëta'akëtë, jëjp'ixtë ëmuumtu'ukjot ja mëyajtën mëti'ipë ja Dios tyunäämpyën ko ja Jesukristë myinëty jatëkok.

Tito 2:4

yaj'ijxpëktëp ja to'oxy'ëna'k pëkpyë ets tukni''ixëtëty wi'ix tsoktëty tjawëtëty ja nyiye'etyëjk ets ja y'u'unk y'ëna'k,

1 Corintios 15:10

E ja Dios tëë ja myëj'ajtën tuny, paatyës të xykyupëky ets ja mëyajtën mëti'ipë të tunyën ka'ap ja nyatëkë'aty. Nikë tëëjës wäänëni'ik ntuny këtiinëm ja wiink ijxpëjkpëtëjkëty; je'eyëp ko ka'ap y'ëjtsëty kë'ëm, Tiosës të xypyutëkë mëët ja y'oyjyot y'oywyinma'any.

Juan 3:34

Pën ja Dios të kyexyë, Dios ja y'aaw y'ayuk myëtyäkpy, jä'ä ko Dios ja Jya'awën të tyäky ëmuumtu'ukjot.

Efesios 4:16

Mëët ja Kristë oy y'ity ja ni'kx kopk ets tu'ukyë nyämyajts'ijta'ayë; ko aak'oy tyuunta'ay oy ni'ëmukë yääktë pyätë ets tyajmëjtëkëtë ja nätsyok näjyawë.

Lucas 18:11

Ja fariseë ja'ay, tënääpy ja Dios tmëkäjpxy ets në'ix pa'at'ix, jëtu'un y'ënä'äny: Dios Teety, mijts yam nkukajpxëp ko ka'apës njëtu'unëty ijxtëm yë ja'ayëtyën, mëti'ipë mä'tstëpën, mëti'ipë ëxëëk ja'ay'ajtëpën, mëti'ipë ka'ap ja nyiye'etyëjk ëkë ja nyito'oxytyëjk twintsë'ëkën; ets ka'ap njëtu'unëtyës ijxtëm xiipë yajkukëpäjtpën.

Tito 2:6

Jotmëk wiinkajpxë näjyëtu'un ja ëna'ktëjkëty ets wijy kejy jyä'äy'atëty,

1 Timoteo 2:15

Ja to'oxytyëjk näyajtso'okanëp kë'ëm ma y'ityën taak tsi'tsk, ets ni'ik ko wijy yajpaatëty ma ja mëpëjkënën, ma tsojkën ja'awënën ets ko wa'ats jyuuky'atëty.

1 Timoteo 2:9

Ntsojkpyës näjyëtu'un ets ja to'oxytyëjk nyäxyoxëtëty wintëy wiinkujk ets nyäy'oytyunëtëty ijxtëm pyaat'atyën; ka'ap nëkooyë ja wyääy kyopk nëkaax tsajpkaaxtëty, nän ka'ap ja tsowëtypë ja kë'ëjiits ëkë ja nantsëm tyajtuntëty.

1 Timoteo 1:14

Jëtu'un ja Wintsën ja mëjmëyajtën të tuny maas ëjtsën etsës të xymyo'oy ja mëpëjkën, tsojkën ja'awën mëti'ipë nmëët'ajtëmën ko tu'ukyë ja Kristë Jesús të nmëpëjkëmë.

Efesios 3:4

Ko miits yë noky xykyajpxtëty, ënät xymyëpëktëty koos nijawë ja Kristë jyä'ä mëti'ipë ijty kayajnija'apën.

2 Corintios 12:13

Nimä'kxtëkës pën nwinkajpxpäjtëp, tap tu'kpëky mëti'ipë ka'ap të xytyuntën ijxtëm ja wiinkëtypë ja mëpëjkpëtëjkëtyën, koos ka'apës ojts miits n'atsiptë.

1 Corintios 3:10

Ëjts jëtu'unës të ntuny ijxtëm tu'uk yë pojtspën, maas ja Dios të xypyëjktä'äkyën ets ja potsy ëjx nyajtso'onta'akëtyës ets ja wiinkpë të myintë mëti'ipë të tjëjpëtën. Je'eyëp ko nitu'ukjaty mëk ja tyuunk tkëwent'atë.

Romanos 11:25

Mëku'uktëjkëty, yë'ëjës ntsojkpy ets miits xynyijawëtëty mëti'ipë ijty ka'ap yajnijawën, jëtu'unts ka'ap mnämyëjpëjkta'akëtëty. Yë jutiis ja'ay juun yë y'aaw jyot të tpëjkta'aktë, ka'ap yë Dios të tmëmëtowtë, jëtu'un y'ita'antë koonëm tpata'atëty ja oyajtën mëti'ipë ka'ap jyutiis'atën.

Proverbios 25:27

Ka'ap y'oyëty ko ja'ay kom uuxpa'ak t'uuky, jëtu'un tä ka'ap y'oyëtyën ko ja'ay yi'iyë t'ixta'ay wi'ix mëj'äämpy y'itëtyën ets wi'ix kumay nyaxëtyën.

3 Juan 1:9

Tëës ja noky n'ëktuknikäxtë ja mëpëjkpëtëjkëty ma miits mye'eymyuktën, je'eyëp ko ja Diotrefes ka'ap të tkupëky ijxtëmës nja'ëna'anyën, jä'ä ko yë'ë je'eyë y'ënä'äma'any.

Colosenses 2:13

Miitsëty, ooky ijty tëëyëp myajpaatë ma Tiosën mëët ko ka'ap xy'ëxmatstë ja pokytyu'unën, e tyam tëë ja Dios mmo'ojëtë ja juukyajtën mëët yë Kristë, mëti'ipë të tme'kxyën tëkokyë yë mpoky'ajtëmë.

Colosenses 1:29

Paatyës mëk ntuntë ets npajotëkoytyës mëët ja mëjaaw mëk'ajtën mëti'ipës ja Kristë xymyooytyëpën.

Efesios 3:2

Miits wa'ats xynyijawëtë ko Tiosës të xytyuknipëky koos nkajpxwa'kxëty mëti'ipë të tuknipëjktaakën ma miitsëtyën mëët ja tsyojkën jya'awën.

2 Corintios 10:13

Ëëtsëty, ka'apës nätyukmëjjawëja'anëtë mëti'ipës ka'ap xypyaatën, Tiosës të xymyo'otë yë tuunk; yë tuunk paatyës të nyajmo'otë etsës ntuntëty ma miitsëtyën Corinto ja'ayëty.

Filipenses 2:13

jä'ä ko Dios jëtu'un të tuknipëjktaakë ma mjot mwinma'anyëtyën ets xytyuntëty mëti'ipë yë'ë tsyojkpyën.