Romanos 12:2 - Biblia Dc en Mixe de Quetzaltepec

² Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Dios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Biblia Mixe de Quetzaltepec

² Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Tios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Romanos 12:2 ပူးပေါင်းရင်းမြစ်များ

1 Pedro 1:14

Jëtu'un m'itëty ijxtëm ja pi'k ëna'kën mëti'ipë tyeety myëmëtoowtëpën. Këtii jëtu'un mjuuky'atëty ijxtëm të m'itën ko ja Dios ijty xykyanijawëtë.

2 Corintios 5:17

Paaty tyam, pën tu'ukyë mëët ja Kristë y'ityën, jemyjä'äy yajpatnë; ka'ap y'ëkjëtu'un'ajnë ijxtëm të y'ityën, aak jemy tu'kë'ëyë të y'awinpijtaaynyë.

Colosenses 3:10

tëë xypyaatë ja jempyë ja juukyajtën, ja jempyë ja ja'ayajtën mëti'ipë ja Dios yaj'ajemyëpën xëmë ets jyuuky'atëty tä Tiosën, mëti'ipë të yajkojyën ets yajxon t'ixy'atëty.

Efesios 5:17

Këtii tsuu poj tii xytyuntëty xykyajpxtëty, yë'ë mja'akyukëtëp mëti'ipë ja Wintsën tsyojkpyën.

Ezequiel 36:26

etsës mpëjkta'aka'any ma miitsëtyën jemypyë jot ja'awën ets jemypyë jot winma'any. Njuutäämpyës ma miitsëtyën tääpë juunpë jot ja'awën, jëtu'unpë jyuunëtyën tä tsaajën etsës mpëjkta'aka'any yu'unkpë jot ja'awën.

1 Pedro 4:2

ets jyuuky'atëty ijxtëm ja Dios tsokyën mapaat yaa naaxwiiny yajpaatyën ets ka'ap jyëtu'unëty ijxtëm kë'ëm tsokyën.

Romanos 12:1

Mëku'uktëjkëty, yë'ëkyëjxm ko ja Dios pya'ëyoy nyajts'ëyowë, nmënu'kxtaktëp miitsëty ets mnätyukë'ëtëkëtëty ja Dios, miits kë'ëm wintsë'kën'atë ma ja Tiosën ijxtëm ja wintsë'kën juukpyë, wa'atspë ets mëti'ipë Dios y'oyjya'apën. Ya'atë jëtu'un wintsë'kën'ajtp mëtëypyë mëti'ipë mëpaat xyaktën.

Juan 15:19

Ko jeexyë miits näjyëtu'un m'ëtë'ëtstë ijxtëm yë'ëjëtyën, mtsojkëtëp jeexyë ijxtëm tsoktën ja jyä'äy. E jä'ä koos miits të nwin'ixtë ma ja ja'ayëtyën mëti'ipë yajtuuntëpën ja naaxwiinyëtë winma'any ets ka'ap jëtu'un m'ëtë'ëtstë ijxtëm yë'ëjëtyën, paaty mka'oy'ixëtë.

Salmos 51:10

Wintsën, pëjkta'ak ma ëjtsën tu'uk jot winma'any wa'atspë ets mooykyës yë jot winma'any oypyë ets mëtëypyë.

Romanos 13:14

Ni'ikyë miits mnätyukxoxëtëty ja mëpëjkën mëti'ipë jam mmëët'ajtëpën ma ja Wintsën Jesukristën ets ka'ap yi'iyë xymyëmay xymyëtajtëty wi'ix ja mjot mnini'kx tii t'oyjawëtyën.

Tito 3:5

ënät ojts xyajnitsokëm, ka'ap yë'ëkyëjxmëty ko oy tii ntu'unëmë, yë'ëkyëjxm ko ojts xypya'ëyo'owëmë ets të xymyo'oyëmë ja jempyë juukyajtën mëët ka kënu'kxymyëk'ajtën.

Santiago 4:4

Miitsëty, mëti'ipë ja Dios të y'ëxmatstën, ¿tii këtii xynyijawëtë ko ja Dios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Dios myëtsipëjkpy.

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Dios nyäjxypyën.

Juan 17:14

Tëës ja m'aaw m'ayuk ntukmëmatya'aktë, e ja ëxëëkja'aytyëjk ëxëëk y'ixëtë jä'ä ko ka'ap yë'ë tyajtuntë ja naaxwiinyëtë winma'any, ijxtëm ëjtsën nän ka'apës yë'ëjëty nyajtuny ja naaxwiinyëtë winma'any.

2 Pedro 1:4

Ets mëët ja jëtu'unpë tëë xytyukwinwa'anëmë ja këjääpë ets tsowpë, yë'ëkyëjxm xypyata'antë ja Dios ja y'oyajtën, myëj'ajtën ets xykyukä'äktëty ja mëti'ipë këjxp najxpën, yääyëpë naaxwiinyëtën.

Santiago 1:27

Ja mëpëjkën oypyë ets wa'atspë Dios Teety wintumpë yë'ë ya'atë: yajputëjkëp ja ku'ooky u'unk ets ja ku'ooky tyo'oxytyëjk mëti'ipë maaytyëp tajtëpën, näjyëtu'un yajputëkëty ka'apë nyäyaj'ëxëëkëtyën mëët ja ëxëëkajtën yaapë naaxwiinyëtën.

Ezequiel 18:31

Tim mëjëkämkä'äktë yë ëxëëkajtën maas të xymyëtëkoytyën, yaj'oyëtë ets yaj'ajämëtë yë mjuukyajtënëty. ¿Mijts Israel, tii ko m'ëk o'kpëty?

Salmos 34:8

Ëk'ijxmatstë ets xy'ixtëty ko Wintsën oy yë winma'any tmëëtëty. Jotkujk yë ja'ay yajpaaty mëti'ipë Dios tyukjotkujk'ajtypyën.

1 Juan 3:13

Mëku'uktëjkëty, këtii xymyëkjawëtë ko mkatsokëtë mëti'ipë kyuuyjyuuky'ajtëpën ja naaxwiinyëtë winma'any.

1 Tesalonicenses 4:3

Mëti'ipë Dios tsyojkpyën, yë'ë ets ëmuumtu'ukjot oy mjuuky'attëty: ka'ap xim yam ye'etyëjk to'oxytyëjk xymyëët'attëty,

1 Juan 5:19

Nnija'awëm ko ëëtsajtëm Dios xyjyä'ä''ajtëm, tu'kë'ëyë ja naaxwiinyëtë atsojkën ku'oypyë jä'ä'ajtëp.

Efesios 1:18

N'amëtoopyës ja Dios ets mtukja'akyukëtëty ja oypyë mëti'ipë mjëjp'ijxtëpën, ja oypyë tsujpë kuma'ayën mëti'ipë ja Dios të mtukniwoowtsowëtën ets mmo'oja'anëtë ma mnaax'at mkajpn'atëtën,

2 Pedro 2:20

Mëti'ipë të tnijawëtën ja Wintsën Jesukristë Yajnitsokpë ets të tsyo'oktë ma ja ëxëëkpën, pën jam jatëkok nyäyajka'ajëtë pokyjotm, wäänë o'ktëy nëjkx jyatë këtiinëm ijxtëm ënety të y'itën.

Efesios 2:2

Yë'ë ijty mpatuuntëp ja naaxwiinyëtë ja'ay ja wyinma'any ets ja ku'oypyë mëti'ipë jëtijtpën pojjotm ets tjotmëkmo'oy ja ja'ay mëti'ipë ka'ap tmëmëtowtën ja Dios.

Salmos 119:174

Wintsën, ëjts ntsojkpyës ets mijts xyajnitso'okëtyës. Ëjts janty jotkujkës nnäjyawëty mëët yë m'ijxpëjkën.

Gálatas 1:4

Mëti'ipë të tku'ookën ja npoky'ajtëmë, ijxtëm ja Dios tsokyën ets n'ëwaatsëpëtsë'ëmëty ma tyampë tiempën ëxëëkpë tsaatsypyën.

1 Corintios 3:19

Yë naaxwiinyëtë ixpëkyajtën tsuuwinma'any yë Dios tyajnaxy, jëtu'un ja Dios ja y'aaw y'ayuk kyëxja'ayëty: Näy yë'ë kyë'ëm wijyajtën nëjkx ja ixpëkyjyä'äy Dios tyu'u'ëtukëtë ijxtëm tu'uk ja jëyujk yajtu'u'ëtukyën, jä'äkyëjxm ko tkanijawëtë ko ja y'o'kën t'anëjkxëtë.

Salmos 119:128

Paaty yë'ë nnätyuktu'uwinwoyës yë m'ënä'ämën mtëyajtën, n'ëxëëk'ijxypyës yë tu'unën kajpxën ëxëëkpë.

Romanos 7:22

Jap njootjoty nwinma'anyjyotyës njatsojkpyës ja Dios ja y'ënä'ämën;

Salmos 119:97

Mëkës ntsojkën'aty yë m'ënä'ämën mtëyajtën. Ko nyäxy yë xëëw po'o yi'iyës nmëmääpy nmëtäjpy.

Salmos 119:72

Mëët ëjts, ni'ikës njawë tsyowpaaty yë m'ijxpëjkën mëti'ipë mijts mnikäjpxy mnimëtyäkpyën, këtiinëm jyëtu'unëty mëjpë këjääpë wit meeny, ijxtëm pu'ts pujxn poop pujxnën.

Juan 7:7

Mëti'ipë ka'ap ja Dios nijawëtën ka'ap tjëkyepy miits m'ëxëëk'ixëtëty; je'eyëp koos xy'ëxëëk'ijxtëpës yë'ëjëty, jä'ä koos nnikäjpxy ko ka'ap tii oy tuntë.

Éxodo 23:2

Këtii xymyëjwa'kpätëty ja mayjyä'äy ko ëxëëkjaty winë tuntëty tkajpxtëty. Ko muum ja m'ayuk tëyajtënpë xykyë'ëyaka'anëty oy jëtu'un xyjya'ixëty yë mayjyä'äy këtii mtsë'ëkëty ets këtii jam mnäkyë'ëyakëtëty ma ja ka'apë myëtëyëtyën.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

1 Pedro 2:3

jä'ä ko të xynyijawëtë wi'ix ja Dios y'oyëtyën.

Salmos 119:103

Janty pa'akës njawë xy'atëkë yë m'aaw m'ayuk ko tii xynyikäjpxy ka'ap jyëtu'unëty yë uuxpa'ak.

Romanos 7:12

Ko konyë nkajpxa'anmëty, ja ënä'ämën wa'ats, mëtëy ets oy yë'ë.

Colosenses 4:12

Mtuknikäjxëtëp näjyëtu'un ja kajpxpo'kxën ja Epafras, mëti'ipë ja Jesukristë myëtuumpyën, miits yë mja'ayëty. Xëmë yë'ë mninu'kxta'akëtë ko ja Dios tja'amyetsy ets oy m'ittëty ijxtëm ja Dios tsokyën.

1 Pedro 1:18

Dios miitsëty të myajpëtsëmëtë ma ja juukyajtën najtspëkëpë mëti'ipë ojts mtukumayëtën yë m'ap m'okëty; ets wa'ats xynyijawëtë ko tëë këjää tsyowpaaty ko të m'ëwaatsëpëtsëmtë. Ka'ap yë'ëjëty meeny, pu'ts pujxn ets poop pujxn të yajtukujuy mëti'ipë ma'tpën ets tëkoopyën,

Juan 14:30

Ka'apës nëkooyë n'ëkmëtya'akanë mëët miitsëty, jä'ä ko tää wyinkony mëti'ipë ënä'ämpën yaa naaxwiiny; oy tkamëët'aty nitii mëk'ajtën ma ëjtsën,

Romanos 7:14

Nnija'awëm ëëtsajtëm ko yë ënä'ämën ka'ap yaj'ixy, e ëjts jä'äs ko npokyjyä'äyëty, paatyës jëtu'un nyajpaaty pokyjotm ijxtëm tu'uk ja ja'ayën mëti'ipë juy tookyën.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Esdras 10:11

E tyam, yaa ma Wintsën wyintuuy, nikajpxtë ets mëmay mëtajtë wi'ix të mtëkoytyën ets xypyatuntëty mëti'ipë ja Wintsën yajkutujkpyën. Jëwa'aktë jam ma ja'ayëtyën mëti'ipë ëxëëk ja jyot wyinma'anyëtyën ets ëxmatstë tääpë to'oxytyëjkëty mëti'ipë ka'ap y'Israel ja'ay'atën, mëti'ipë wiink wintsën y'ëwtajtëpën.

Mateo 13:22

Ja tëëmt mëti'ipë ojts kyä'äyën äpny akujk, jëtu'un jä'ä ijxtëm ja ja'ay Dios y'aaw y'ayuk t'amëtoow'ijtëtën, je'eyëp ko yë'ë myëmaay myëtajtëp ja ajuuy ato'k ets mëk tsojkën'atë ja wit meeny ets yë'ë nyätyukwin'ëënëtë. Tu'kë'ëyë ya'atë, yë'ë yajkumo'onëtyääpy ja Dios ja y'aaw y'ayuk mëti'ipë të tjamëtoow'ityën ets ka'ap maa wyinkëxë'ëky.

Marcos 4:19

je'eyëp ko jä'ä myëmaay myëtajtëp wi'ixjaty yaa naaxwiiny ja ëyo'on jotmayën, ets ja meeny yajtukwin'ë'ëntë ets y'aaktsojktaaytyëp winë. Jëtu'unts ja Dios ja y'aaw y'ayuk ka'ap tyajwinkëxë'ëktë.

Colosenses 1:9

Paaty, koos ojts nijawëtë, xëmë ja Dios miits ntuknija'amyätsëtë, n'amëtowtës ja Dios ets kä'pxy mtuknijawëtëty mëti'ipë tsyojkpyën ets mmo'ojëtëty tu'kë'ëyë wijyajtën kejyajtën mëët yë Kyënu'kxymyëk'ajtën.