Romanos 11:2 - Biblia Dc en Mixe de Quetzaltepec

² Tëëyëp ja Dios tkajpniwa'any ja Israel ja'ay, e tyampaat je'eyëm tkajpniwa'any ¿tii ko t'ëk'ëxwaanpëty? ¿Këtii xynyijawëtë wi'ix ja Dios ja y'aaw y'ayuk y'ënä'änyën ma ja Dios ja kyäjpxynyajxpë Elías yajnimëtyä'äkyën, ko ja Dios ojts tja'amyetsy ets ojts tuk'ëwaanë ja Dios wi'ix ja jutiis ja'ay y'ëtë'ëtstënë? ets y'ënäny:

Biblia Mixe de Quetzaltepec

² Tëëyëp ja Tios tkajpniwa'any ja Israel ja'ay, e tyampaat je'eyëm tkajpniwa'any ¿tii ko t'ëk'ëxwaanpëty? ¿Këtii xynyijawëtë wi'ix ja Tios ja y'aaw y'ayuk y'ënä'änyën ma ja Tios ja kyäjpxynyajxpë Elías yajnimëtyä'äkyën, ko ja Tios ojts tja'amyetsy ets ojts tuk'ëwaanë ja Tios wi'ix ja jutiis ja'ay y'ëtë'ëtstënë? ets y'ënäny:

Romanos 11:2 ပူးပေါင်းရင်းမြစ်များ

Génesis 44:15

Tää y'ënä'äny yë José: ¿Wi'ix ko miitsëty jëtu'un m'ëtë'ëtstë? ¿Këtii xynyijawëtë, ko ja'ay jëtu'unpë tä ëjtsën nyajtsja'ap winë?

Nehemías 9:30

Kanaak jëmëjt ojts xypyokymye'kxy ets xyjyajpa'ëyooy, mjatuk'ëwa'anëy mëët ja mmëkajtën m'oyajtën ets ja mkäjpxynyajxpëtëjk ets jeexyë ka'ap nëkoo nëë poky timpyanëkxtëkëtë mëët ja mtuunpë ets ja m'oyjot m'oywyinma'any; e yë'ëjëty ka'ap tim myëjpëjktaktë, paaty ojts xytyim'ijxmajtsnë ets ja myëtsip ojts yajnëjkxënëtë wiink naax wiink kajpn.

Salmos 94:14

Yë Wintsën ka'ap yë nyaax kyajpn t'ëxmatsa'any ets ka'ap atu'uk tyajwë'ëma'any mëti'ipë jyä'ä'ajtypyën.

Éxodo 32:1

Ko ja Israel ja'ayëty t'ijxtë ko ja Moisés nëkooyë pyoxnë jam kopkëjxm, ënät ojts jam nyämyukëtë ma ja Aaronkën ets t'ënëmaaytyë: Jotëkoy ets xy'oytyunëty tu'uk yë nwintsënëtyës mëti'ipës xytyu'uwinwowtëpën, jä'ä ko yë Moisés ka'ap y'ëkyajnija'awënë pën tii të jyätyë, mëti'ipë ojts ëëtsëty xyjyuutën jap Egiptë.

Jeremias 31:37

Jä'ä xëëw ma ënety yajkijpxy yajtsa'atyën yë tsajp ets yaj'ixy yë naaxwiinyëtë mapaat jyëjpkëxyën, jä'ä xëëw nëjkxëpës yë Israel ja'ayëty n'ixtijnëtë mëët ko ënety ëxëëkjaty winë të tuntë. Ëjts Wintsën, ëjts ënaanp.

Marcos 12:26

E ko xymyëmay xymyëtajtë ja o'kpë pën juukpyëjkp kajuukpyëjktëp, ¿ka'anëm xykyajpxtënëm mëti'ipë ja Moisés ojts tkuja'ayën, ma tnimëtyä'äkyën wi'ix ja Dios ojts myëkäjpxyë ma ja kepy ënety wyintoyënë? Ma ja Dios y'ënëmaayë ja Moisés: Ëjts xyTios'ajt ja Abraham, Isaac ets Jacob.

Lucas 4:1

Tääts ja Jesús tsyo'ony jam Jordán mëjnëë ëkë'ëm. Ojts ja kënu'kxymyëk'ajtën tyukja'tyë ets yajnëjkxë jam të'ëts'itjotm.

Juan 4:11

Tääts ja to'oxytyëjk y'ënëmaayë: Wintsën, ka'ap tii xymyëëtëty wi'ix yë nëë xyjyuuta'any jap jutjoty, këk yë nëëtajy, ¿maajën ja nëë xypyëka'any mëti'ipës xymyo'ojaanpën mëti'ipë yajjuuky'ajtpën?

Hechos 13:48

Tääts ko jëtu'un tmëtoowtë mëti'ipë ka'ap jyutiis'atën, ënät xyoontaktë ets y'ënantë ko Dios ja y'aaw y'ayuk y'oyëty ets ni'ëmukë tmëpëjktë mëti'ipë ënety ja Dios të tyuknipëjktaakëtën tpaatëty ja juukyajtën xëmëkyëjxmëpë.

Hechos 15:18

Ja Wintsën, mëti'ipë winë të tyaj'ixyën tëëyëp, yë'ë të y'ënä'äny.

Hechos 3:17

Mëku'uktëjkëty, ëjts nnija'apës ko miitsëty ets ja mwintsëntëjkëty xyaj'o'ktë ja Jesús, ka'ap ojts xyjyä'äkyukëtë tii mtuuntëpën.

Hechos 7:40

Ets ja Aarón t'ënëmaaytyë: Oytyun ëëts ja ntiosëty wiinkpë mëti'ipës xytyu'uwinye'eytyëpën, jä'ä ko ka'apës ja Moisés nijawëtë tii të jyätyë, mëti'ipës xyajpëtsëëmtën jap Egiptë.

Romanos 6:16

Miits mnija'awëtëp pën mnäkyë'ëyajkëtëp ijxtëm ja mëtuunpë nitookpyën ma tu'uk ja wintsënën ets tëë m'ëna'antë ko yë'ë xymyëmëtowa'antë; mëtuunpë nitookpyë miitsëty mnaxtë ma tääpë ja wintsënën mëti'ipë mmëmëtoowtëpën; e näjyëtu'untsën miits mnaxtë tä ja mëtuunpë nitookpyën, ko yë'ë xymyëmëtowtë ja poky ets myaj'ookëtë, ëkë ko xymyëmëtowtë ja Dios ets mjuuky'atë ma ja oypyë ja nipaye'eyën.

Romanos 9:23

Näy jä'ä ko ënety tyajnikëxë'ëka'any ja myëj'ajt jyääntyajtën ma ja mëti'ipë pya'ëyoopyën, mëti'ipë tyuknipëjktakëpën ets mëët y'itëty ma ja myëj'ajt y'oyajtënën.

Romanos 9:6

Ka'apës n'ëna'any ko ja Dios ka'ap tkuuytyuny ja y'aaw y'ayuk; paatyës jëtu'un n'ëna'any jä'ä ko mëti'ipë nätyijëtëpën Israel ja'ay ka'ap ni'ëmukë y'israel ja'ay'atë.

1 Corintios 6:2

¿Ka'ap xynyijawëtë ko ja mëpëjkpëtëjk pyaye'eytyëp näjyëtu'un ja naaxwiinyëtë ja'ayë? e pën miitsëty mnija'awëtyëp ko xypyaye'eya'antë ja naaxwiinyëtë ja'ay, ¿wi'ix ko ënät mkamayëtëty ja jotmay wäänëpë?

1 Corintios 8:3

Pën ja Dios tsyojkpy jya'ap, nija'awëyëp ja Dios.

Filipenses 1:22

Pën jaakjuuky'ajtpës ja ni'kx nkopk, jyëkyejpyës njaaktuunkojëty ja Dios ja jyä'ä. Ka'apës nijawë mëti'ipës nwin'ixëp, ko n'ookëtyës ëkë ko njaakjuuky'atëtyësë.

Hebreos 1:1

Tëëyëp, kanaak ok ojts ja Dios tmëkäjpxy ja n'ap'ajt n'ok'ajtëm ets kanaakjëjp ja winma'any tja'ixtaay ko ojts tjayajkäjpxy ja käjpxynyajxpëtëjk.

1 Pedro 1:2

mëti'ipëjaty ja Dios Teety ojts wyinwitsëtën tëëyëp ijxtëm yë'ë të tuknipëjktaakën. Ja Dios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Dios ni'ik mmo'ojëtë ja kënu'kxën ets ja jotkujk'ajtën.