Romanos 10:2 - Biblia Dc en Mixe de Quetzaltepec

² Ënaanpës ko yë'ëjëty jyatsojktëp tjamëtuna'antë ja Dios, je'eyëp ko mëti'ipë jyatsojktëpën ka'ap kyäjpxyëty ijxtëm ja mëtëypyë ja nija'awën.

Biblia Mixe de Quetzaltepec

² Ënaanpës ko yë'ëjëty jyatsojktëp tjamëtuna'antë ja Tios, je'eyëp ko mëti'ipë jyatsojktëpën ka'ap kyäjpxyëty ijxtëm ja mëtëypyë ja nija'awën.

Romanos 10:2 ပူးပေါင်းရင်းမြစ်များ

Hechos 21:20

Ko jëtu'un tmëtoowtë, tää ja Dios tmëjja'aw tjaantyjya'awëtyë ets ja Pablo t'ënëmaaytyë: Mëku'uk, tää xy'ixy ko yë jutiis ja'ayëty nimay tmëpëktë yë Jesús, e yë'ëty jëtu'un y'ëna'antë ko kopkpëky ko ja Moisés ja y'ënä'ämën yajpatunëty.

Filipenses 3:6

Mëkës ijty näjyawëty tii nmëpëky, yë'ëpaat ijty n'ëxëëk'ixyës ets n'ixjëtity npajëtiyës mëti'ipë ja Jesús myëpëjktëpën. Ka'ap ijty ëjts nyajmëyätyës ets pën ja Moisés ja y'ënä'ämën xytyukmëmëtya'akëtyës koos nkapatuny.

Filipenses 1:9

N'amëtoopy npëjktsoopyës ja Dios ets wäänëni'ik ja m'oyjot m'oywyinma'anyëty jyaaktimkyëjääjëty ets ja Dios ni'ik mjaaktimmyo'ojëtëty ja wijy'ajt ets ja'aykyujkën,

Romanos 10:3

Jä'ä ko ka'ap tja'akyyukëtë ko Dios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Dios tmëmëtowa'antë.

Proverbios 19:2

Ka'ap y'oyëty ko tii mëj këjää ntsojkën'ajtmëty ets ka'ap jëyëjp nmëma'ay nmëtajmëty. Ko janty tsojkyë winë nyajwintu'upëka'anmëty, jëna'ajëty ka'ap oy wyimpëtsëmy.

Gálatas 1:14

Ëjts ijty wäänëni'ik npatuumpy ja jutiis ja'ayëty ja y'ijxpëjkënëty këtiinëm ja nmëtu'knaxës; ni'ik ijty ëjts npatuna'anyës ja aptëjk ja wyinma'anyëty.

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Dios nyäjxypyën.

2 Reyes 10:16

Jam t'ënëmaay: Pajamyëët'ajtkës ets xy'ixëty wi'ixës mëk ni'ekyën yë Wintsën. Jëtu'un ojts nyëjkxtë jap pujxnwintëkäämpëjoty.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

Hechos 22:3

Jutiis ja'ayës ëjts, Tarsis nmëxu'unk'ajty, Cilicia y'itjotm. Yaas Jerusalén të nyeeky, Gamalielës xyaj'ijxpëjk; wa'atsës xytyuk'ijxpëjky ja aptëjk ja y'ënä'ämën, etsës ja Dios ja jyä'ä npatuunëty ijxtëm miits xytyuunk'atën.

Salmos 14:4

Yë ëxëëk tuunpë ëxëëk kajpxpëty nijënu'un kyaja'akyukëtë, yë'ë nyijë'kx nyipëjktëp yë nnaax nkajpnës ijxtëm ja'ay tsajpkääky tkayën. Tääpë ja'ayëty ka'ap yë Dios t'ëwtatë.

2 Corintios 8:3

Ëjts n'ijxyp nija'apës ko tëë ja wyit myeeny tyoxtë winë aaw winëjot wäänëni'ik këtiinëm ijxtëm të tuknipëjktaakëtën.

Hechos 21:28

tääts tukyax tukjojkëtyë: Miits Israel ja'ayëty, putëjkëtëkës. Tëë ya'atë ja'ay yaa jyä'ty, winnaax wiinkajpn jyänty jyëtity, tuk'ijxpëky ja ja'ay ko ka'ap twintsë'ëkëtëty ja Moisés ja y'ënä'ämën ets wiinkjaty tnimëtyä'äky ja tsajptëjk. Tëë näjyëtu'un ja griego ja'ay tyajtëkë ma mëjtsajptëjkën ets të tyaj'ëxëëkëtë ya'atë it naaxwiinyëtë wa'atspë.

Gálatas 4:15

¿Wi'ix të mjatë ko tyam ka'ap jotkujk m'ëkyajpatnëtë? Tëëyëp ojts miits xypyutëkëtës, oy yë'ëpaatëty mwiin ojts xyajuuta'antë ets xyamo'ojantës ëjts ets jeexyë ntso'okyës.

Colosenses 4:13

Ëjts nija'apës ko mëk ja Epafras tyuny mëët miitskyëjxmëty, mëk mëmay mëtajtë näjyëtu'un mëti'ipë tsënaaytyëpën jam Laodicea ets Hierápolis.

Hechos 22:22

Ko ja Pablo kyajpxtaay, ënät ja ja'ay tyëjkëtyë yaxpë jojkpë: Tääpë ja'ay ka'ap nyitëkëty jyuuky'atëty. Jo'tsë xyëëw yaa naaxwiiny.

Isaías 27:1

Jä'ä xëëw nëjkx ja Wintsën tkupuxy mëët ja tyiypyujxn, mëjwiinpë këjääpë ets kutsë'ëkëpë ja mëj jëyujk mëti'ipë jap nëëjoty tsënääpyën, ja mëj tsa'any mëti'ipë näwyinxa'tsmujkëpën japë nëëjoty tsyëënën, mëti'ipë yajtijpën dragón ets Leviatán.

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Dios myëtuuntëp.

Romanos 10:1

Mëku'uktëjkëty, ëjts xëmës ja Dios ntuknija'amyätsëtë yë Israel ja'ayëty ets ja'ënaanpës jeexyë ja nitsokën tpaatë.