Romanos 10:12 - Biblia Dc en Mixe de Quetzaltepec

¹² Jesús ni'ëmukë ja'ay tnitënaaytyä'äy, wä'än tjutiis tkajutiisëty, ets tmooytyä'äy ja kënu'kxën mëti'ipë mëkajpxëpën.

Biblia Mixe de Quetzaltepec

¹² Jesús ni'ëmukë ja'ay tnitënaaytyä'äy, wä'än tjutiis tkajutiisëty, ets tmooytyä'äy ja kënu'kxën mëti'ipë mëkajpxëpën.

Romanos 10:12 ပူးပေါင်းရင်းမြစ်များ

Filipenses 4:19

Ja nTiosës mmo'ojëtëp tu'kë'ëyë mëti'ipë miits myajmëyajtëpën, ja jotkujk'ajtën mëti'ipë myëët'ajtypyën ja Kristë Jesús.

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Dios të wyinwitsëtën ets mëti'ipë wintëy wiinkujk mëët ja Dios y'itën.

Romanos 3:22

mëët ja mëpëjkën jam ma ja Jesukristë, Dios wa'ats tyajnaxy ni'ëmukë ja ja'ay mëti'ipë të myëpëktën. Ka'ap wyin'ixy wyinkexyëty;

Gálatas 3:28

Ka'ap ma y'ëktuunnë pën jutiis kajutiis, mëtuunpë ëkë kamëtuunpë, ye'etyëjk ëkë to'oxytyëjk, jä'ä ko tu'ukyë miitsëty ijxtëm ja ja'ay tu'ukpën, jä'äkyëjxm ko tu'ukyë mëët ja Kristë Jesús m'itë.

Salmos 86:5

Jä'ä ko mijts Wintsën, oy mTios'aty ets mpokymyä'kxp; janty'oy ja mjot mwinma'any xyajnikëxë'ëky ma ja'ayëtyën mëti'ipë mëkajpxëpën.

Colosenses 3:11

Ka'ap yë'ë kyopkpëkyëty pën griegë ja'ay ets jutiis ja'ay, pën tsuky ets pën katsukyën, wä'än tpën ja'ayëty tiija'ayëty, wä'än yë'ëjëty mëti'ipë ka'ap kyajpxwijyëtyën, ëkë mëtuunpë nitookpyë ëkë wä'än t'ëwaatsëtumpëty. Yë'ë kopkpëky ko ja'ay y'ity mëët ja Kristë mëti'ipë tu'kë'ëyë winë myëët'ajtääpyën.

Salmos 145:18

Yë Wintsën winkon yajpaaty ma ja'ayën mëti'ipë mëkajpxëpën, mëti'ipë mëkajpxëpën winë aaw winëjot.

1 Timoteo 2:5

Jä'ä ko tu'ukyë je'eyë Dios, ka'ap maa wiinkpë ets tu'ukyë ja ja'ay mëti'ipë itkujky yajpatpën ma ja Tiosën mëët ja naaxwiinyëtë ja'ay: Yë Kristë Jesús.

Filipenses 2:11

ets ni'ëmukë tkajpxpaatëty ko Jesukristë, yë'ë Wintsën. Dios myëj'ajtën jyääntyajtën oypyë.

Efesios 3:6

Ya'atë ijty kayajnija'ap: mëët ja oy aaw oy ayuk Dios tmëkajpxta'ay ja naax kajpn ets yajpaatëty mëët ja Kristë Jesús ets t'ëxajëtëty mëti'ipë ja Dios të twaantä'äkyën.

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.

Efesios 1:7

Mëët yë'ë ko xytsyojkëmë tëë ja Dios xyaj'ëwaatsëpëtsë'emëmë ko ja y'u'unk ja nye'pyny të tsyuny të xye'kxy ets ja npoky'ajtëm të xynyimä'kxëmë.

Romanos 14:9

Paaty ja Kristë y'o'ky ets jyuukpyijky jatëkok, jëtu'unts tniwintsën'atëty mëti'ipë juukyëtyën ets mëti'ipë ookyëtyën.

Romanos 2:4

Mijts m'ixtijpy ja Dios ja y'oyajtën, ja mä'kxtujkën ets ja y'oywyinma'any, ets ka'ap xyjyawë ko yë'ëkyëjxm jëtu'un m'awinpity tä yë'ëjën

Isaías 55:6

Ixta'atë ja Wintsën tyam ma tjëkyepyën wi'ix yajpaatëtyën, mëkajpxtë ma tyam winkon yajpaatyën.

Colosenses 1:27

Jëtu'unts yë'ë të tuknijawë mëti'ipë ka'ap jyutiis ja'ay'atën ets tnijawëtëty ja mëj'ajtën jaanty'ajtën mëti'ipë ijty ka'ap yajnijawën. Ja yu'utsypë ijty y'ityën yë'ë ja Kristë, mëti'ipë tyam yajpatpën ma miitsëtyën, mëti'ipë mjëjp'ijxtëpën ets mtukpaatëtëty ja mëj'ajtën jaanty'ajtën.

2 Corintios 8:9

Jä'ä ko miitsëty tëë xynyijawëtë wi'ix ja Wintsën Jesukristë mëyajtën të tunyën. Jesús jam y'ity tsajpjotm, myëët'ajtääpy tu'kë'ëyë winë, je'eyëp ko ojts myiny yaa naaxwiiny; jëtu'un ojts nyäpyëjktä'äkyë ijxtëm tu'uk ja ëyoopëja'ayën mëët jä'äkyëjxm ko të xytsyojkëm ets npatmëty ja jotkujk'ajtën.

1 Corintios 15:47

Ja jëwyiinpë ja ye'etyëjk mëti'ipë ojts yajtuk'oytyunyën ja naax, naaxwiinyëtë ja'ay jä'ä; e ja mëmäjtskpë, tsajpjotmëpë jä'ä.

1 Corintios 1:2

Tyamës ja mëpëjkpëtëjk ntuknikäxtë ja noky mëti'ipë ye'eymyujktëpën jam Corinto ets tu'ukyë y'itë mëët ja Kristë Jesús, mëti'ipë ja Dios të yaxtsowëtën ets jyuuky'atëty wa'ats, miits ets ni'ëmukë mëti'ipë ja Jesukristë xyëëw kyajpxpatëpën, ëëts nWintsën'ajtëmë ets näjyëtu'un yë'ëjëty.

Efesios 2:7

Paaty ja Dios jëtu'un tuny ets yaj'ix yajnijawëty ja xëëw tiempë mëti'ipë miimp wiinkoonpën, ko ni'ik xytsyojkëm ets mëj ja y'oyjyot y'oywyinma'any mëti'ipë të xytyuk'ijxëmën mëët ja Kristë Jesús.

Efesios 2:4

E mëët ko ja mëj Dios pya'ëyoy ets ko xytsyojkëm mëjwiin këjää,

Romanos 15:12

Näyjyëtu'un ja Jeséas ojts y'ënä'äny: Jotkujk ja Jesé ja y'u'unk y'ok y'ita'any, mëti'ipë yajkutukaanpën ma ja naax kajpnën, ets ja ja'ay yë'ë tyuk'ijxpäta'anyë.

Hechos 9:14

Ets të tmëja'ty ja noky kutujkënmëëtpë mëti'ipë ja teety wintsënëty të mye'eyën ets tmajtsta'ajëty mëti'ipë mxëëw y'ëwtajtëpën.

Efesios 3:16

N'amëtoopy npëjktsoopyës ja Dios ets mjotmëkmo'ojëtëty ets myajpaatëty akujk jotkujk mëët ja mëk'ajtën mëti'ipë tso'onpën ma ja oypyë tsujpën, mëti'ipë myëët'ajtypyën ja Dios ja kyënu'kxymyëk'ajtën,

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

Hechos 7:59

Tam ënety tkuka'atstë ja Esteban ko ja Dios tmëpëjktsooy ets y'ënäny: Wintsën Jesús, mijts ntukë'ëtëjkëp yë nja'awënës.