Romanos 1:30 - Biblia Dc en Mixe de Quetzaltepec

³⁰ Nyikajpx nyimëtyaktëp ëxëëkjaty ja myëku'ukëty, myëtsip'ajtëp ja Dios, ëxëëk kajpxtëp, mëjjëtëp patëtëp, amëj akëjxm, myëwinma'anypyaat'ëtëtstëp ja ëxëëkpë, ka'ap ja tyaak tyeety tmëmëtowtë,

Biblia Mixe de Quetzaltepec

³⁰ Nyikajpx nyimëtyaktëp ëxëëkjaty ja myëku'ukëty, myëtsip'ajtëp ja Tios, ëxëëk kajpxtëp, mëjjëtëp patëtëp, amëj akëjxm, myëwinma'anypyaat'ëtëtstëp ja ëxëëkpë, ka'ap ja tyaak tyeety tmëmëtowtë,

Romanos 1:30 ပူးပေါင်းရင်းမြစ်များ

2 Timoteo 3:2

Yi'iyë nëjkx ja'ay tmëmaay tmëët'ajnë yë kyë'ëm juukyajtën, wit meen, mëj këjxm, pyatëp nyaxtëp ja Dios, ka'ap ja tyaak tyeety t'ëktmëmëtoownëtëty; nitii nëjkx tka'ëktukjotkëtaknëtë, ka'ap twintsë'ëkëja'antë ja Dios ja y'ijxpëjkën.

Judas 1:16

Yë jëtu'unpë ja'ayëty, nitii tkatukjotkëta'aktë, je'eyë nëkoo nyä'ämtë, aak nänyi'ojë tii tpëjkta'aktë, yi'iyë tyukjotkëtaktëp mëti'ipë kë'ëm tsyojktëpën; amëj akëjxm tii tkajpxtë, je'eyë ja Dios nëkoo tukajpxpätë ets yajputëkëtëty.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënety jemnyëm t'ëxmatstë ja ëxëëk juukyajtën.

Santiago 4:16

Miitsëty, amëj akëjxm tii xykyajpxtë ets ya'atë jëtu'unpë amëj'ajt akëjxmajtën, ka'ap y'oyëty.

Santiago 3:5

Näyjyëtu'un jyäty mëët ja aaw yä'än, yi'inëm yajpaaty ma ni'kx kopkën; je'eyëp ko mëj winë tuny. Jëtu'un yë'ë ijxtëm ja jëënën mëti'ipë yi'inëmën ets kyëjääjën tunjoty kopkjoty.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

2 Tesalonicenses 2:4

Ya'atë jëtu'un mëtsip'ajtp mëti'ipë y'ëxëëk'ijxypyën tëkokyë mëti'ipë Dios jyä'ä'ajtypyën ets mëti'ipë yajwintsë'ëkëjaanpën; yë'ë tsyojkpy ets yajmëjpëjkta'akëty këtiinëm ja wiinkpë. Jampaat jya'ta'any ma ja Dios ja myëj tsajptëjkën ets jap yajpaata'any nyätyija'anyë ko Tyiosëty.

2 Corintios 10:15

Ka'apës yë'ëjëty ntukxoonta'aktë ja tuunk mëti'ipë wiinkëtypë të tuntën, yë'ëjës njëjp'ijxtëp ets miits mwinpätëty mëpëjkënkyëjxm etsës njaaktuntëty mëët miitsëty ijxtëm ja Dios tsokyën.

Romanos 3:27

¿Ko jëtu'un, maa ja ja'ay ja myëj'ajt kyëjxm'ajtën nyatunëty Dios wintum? Tëkooytyääpy jä'ä. ¿E tii ko? Jä'ä ko mëpëjkën mëët ja ja'ay oy wyë'ëmtë Dios wintum ets ka'ap yë'ëkyëjxmëty ko tpatuntë ja ënä'ämën.

Romanos 2:23

Je'eyë nëkoo mnätyukyajmëjnaxyë ja ënä'ämën, ets xynyëxi'iky xytyukxi'iky ja Dios ko ka'ap xymyëmëtoy.

Romanos 2:17

Mijts m'ënaanp ko mjutiisëty, mëët ja Dios ja y'ënä'ämën mnäjyawëty oyjyä'äy ets yë'ë mnätyukmëjja'awëyëp yë mTios.

Hechos 5:36

Ja'amyätstë ko ojts tu'uk ja ja'ay jyapëtë'ëky, mëti'ipë xyëëwajtën Teudas; ko y'ënäny ko yë'ë mëj'äämpy y'ity ets ojts may yë jyä'äy tpaaty, nimajktaxk mëko'pxën. E ojts ja ja'ay yaj'ookyë ets jëtu'unyë ja jyä'äy ye'eywya'kxtaaytyë ets jääyë kyijxy nyäjxy.

Lucas 21:16

Yë'ëpaat nëjkx yë mtaak mteety mkë'ëyakëtë, näjyëtu'un yë mjëëky mmëku'ukëty ets mëti'ipë mëët mnämyäyëtën ets tam mëti'ipë nëjkx myaj'ookëtën.

Mateo 16:21

Tääts ja Jesús ja y'ijxpëjkpëtëjk tmëmëtyaktso'ony ets t'ënëmaay ko kwanë nyëjkxa'any jam Jerusalén ets ja mëjja'aytyëjk, ja teety wintsëntëjk ets ja tsajptëkotyëtë yaj'ijxpëjkpëtëjk yaj'ëyowa'anyë ets ja ja'ay yaj'ooka'anyë, je'eyëp ko kom tëkëëk xëëw jyuukpyëka'any jatëkok.

Mateo 15:4

Jä'ä ko jëtu'un ja Dios y'ënä'äny: wintsë'ëkë mtaak mteety, ets pën ja tyaak tyeety kyajpxpojkpy, ookëp yë'ë.

Ezequiel 22:7

Yë ja'ayëty mëti'ipë tsënaaytyëpën ma mijtsën ka'ap twinkutsë'ëkëtë yë tyaak tyeetyëty; ëxëëk tuntë yë jaaypyo'kxy, yaj'ëyoowtëp yë ku'ooky u'unk ets ku'ookytyo'oxy.

Eclesiastés 7:29

Yi'iyës të nijawë ko yë Dios wa'ats yë naaxwiinyëtë ja'ay të tyajkojy, je'eyëp ko yë naaxwiinyëtë ja'ay kë'ëm yë jyuukyajtën tyajtsiptëkë.

Proverbios 30:17

Mëti'ipë ja'ay ja tyeety y'ëxëëk'ijxypyën ets je'eyë ja tyaak tnëxi'iky tukxi'iky ko myëjja'ayënë, tääpë jëtu'unpë ja'ay nitëjkëyëp ets lut tsyu'tspëtsë'ëmxëtëty yë wyiin ets witsn y'awoon y'apotëtëty.

Proverbios 25:23

Ko pyojy anëkëjxytsyow tu'ujaanp ënety, ko ja'ay ëxëëkjaty kyäjpxy myëtyä'äky, ëxëëk yë wyiin jyëjp tuny.

Proverbios 8:36

e koos pën xy'ëxmatsy, jëtu'un tä jeexyë atsë'ëkëtuuy nyäpyëjktä'äkyën; pënës xy'ëxëëk'ijxp, o'kën tsyojkën'ajtyp.

Salmos 106:39

Yë'ëjëty ojts nyäyaj'ëxëëkëtë, mëët ja y'ëxëëktu'un y'ëxëëk kajpxën.

Salmos 99:8

Wintsën mëti'ipë ëëtsëty nTios'ajtëpën, mijts ojts xy'ëtsoy. Jä'ä ojts mijts mTios'aty pojkpëmä'kxpë ma yë'ëjëtyën, je'eyëp ko ojts näjyëtu'un xytyiytyuny ko muum tyëkooytyë.

Salmos 97:7

Naxkutij naxkumatsë wyë'ëmta'atë yë ja'ayëty mëti'ipë y'ëwtajtëpën wiink tios, mëti'ipë mëj këjxm näjya'awëtëpën ko wiink tios t'ëwtatë, tëkokyë mëti'ipë yajtijtëpën wiink tios kwanë ko näjyëtu'un twinkoxtänëtëty yë Tiosën.

Salmos 94:4

Aakyë'ë ëxëëkpë tyuuntëp kyajpxtëp ets nijënu'un tkamëët'atë yë näywyinkutsë'kën, je'eyë xëmë amëj akëjxm nyäyjyawëtë. Yë'ëjëty nëkooyë jyänty nyäkyumayëtë oy nitii tkanijawëtë ets tkamëët'atë.

Salmos 81:15

Mëti'ipë myëtsip'ajtëpën yë Dios, tsë'ëkë mëët jeexyë të wyë'ëmta'atë, ma të yajtëytyuntën, tsa'ay jeexyë të wyë'ëmtë.

Salmos 52:1

Mijts jotmëkja'ay ets jotkujk ja'ay, ¿wi'ix ko janty mëj janty këjxm mnäjyawëty ko winë ëxëëk xytyuny xykyäjpxy? Yë Dios yë tsyojkën jya'awën xëmë y'ijtëy.

Salmos 49:6

Yë'ëjëty yi'iyë tyukjotkujk'ajtëp ko kyuwit'at kyumeeny'atë ets jyä'äy'atë amëj akëjxm ko tmëët'atë winë,

2 Crónicas 25:19

Jëtu'un jëtää mijts mjootwinmay, mëët ko ka'ap ja Edom të xyajmëtä'äky ko mëët të mtsiptuny, tyam mëj këjxm mijts ënät mnäjyawëty; tyam yajxon n'ënëëmëty nikë timnäypyo'kxët jämyë ma mjëën mtëjkën. ¿Wi'ix ko kë'ëm yë m'amay mjotmay y'ixkukëja'any?

2 Crónicas 19:2

E yë Jehú, Hananí myaank, jam jyëjpaatë'kë tu'u'am ets yajtëëwë: ¿Wi'ix ko të xypyutëkë ja'ay mëti'ipë ëxëëk ja'ay'ajtpën ets mijts të mnäypyëjktä'äkyë tä jeexyë Wintsën xymyëtsip'atyën? Mëët ko jëtu'un të m'ëtë'ëtsy tëë Wintsën mtukjoot'anpëkyë.

1 Reyes 20:11

E ja yajkutujkpë mëti'ipë jam tuunpën Israel, tyaa ja y'ëtsooy: Këtii tii xynya'ëy xynyakäjpxynyëm ma ka'ap tii tyunyënëm jyätyënëm.

Deuteronomio 27:16

Poky yë ja'ay wyë'ëmëty, mëti'ipë ka'ap ja tyeety tyaak tmëj'ixy t'mëjpëjktä'äkyën. Ënet ja ja'ay y'ëtsowtëty: Oy, jëtu'un'atëp.

Deuteronomio 7:10

E mëti'ipë ëxëëk'ijxëpën, poj'am tyajkutëkoy. Yë'ë ka'ap tyajpo'oxy ets tukukëpety ja ja'ay mëti'ipë ëxëëk'ijxëpën.

Juan 7:7

Mëti'ipë ka'ap ja Dios nijawëtën ka'ap tjëkyepy miits m'ëxëëk'ixëtëty; je'eyëp koos xy'ëxëëk'ijxtëpës yë'ëjëty, jä'ä koos nnikäjpxy ko ka'ap tii oy tuntë.

Salmos 10:3

Yë ëxëëk ja'ay oy tnimëtyä'äky kë'ëm mëti'ipë tsyojkpyën; ja'ay mëti'ipë atsojkpën pyojkpy ets y'ixtijpy yë Dios.

Salmos 5:5

ka'ap jam nyatëkë'aty ja tsënaaytyakn ma mijtsën ets jam y'ijtëpëty ja ja'ay mëti'ipë Nämyëja'aw näjyääntyja'awëtëpën, mijts ëxëëk xy'ixy yë ja'ay mëti'ipë ëxëëkpë tyuunk'ajtypyën.

Proverbios 24:8

Mëti'ipë ja'ay yi'iyë myääpy tyäjpyën wi'ix yë jyiiky myëku'uk tyajtsëtyut tyajwintëkoyëtyën, aak nimëtyakëp ja'ay muum ko jëtu'un jyä'äy'äty.

2 Corintios 12:20

Tsë'këpës ko ënety nëjkx nku'ixëtë ets nkapaatëty ijxtëmës njatsokyën ets ko miits nëjkx mjamintë nän ka'apës xypyaatëty ijxtëm xyjyatsoktën. Tsë'këpës ko wä'änxyëp ënety miits jam xymyëët'atë ja tsip äkë, näkya'oy'ixë; ëkë pi'tskäjpxy pi'itsmëtyä'äky, xim yam myajpaatë, mnäy'ëxëëk'ijxëtëp, nixim niyam; mnanyi'oj mnanyiyaaxëtë ets je'eyë tii të xyajma'ta'atë.

Ezequiel 14:5

Ëjts ntuktëkëjäämpy yë jyot wyinma'any yë Israel ja'ayëty mëti'ipës të xy'ëxmatstën ko të tpanëjkxtëkëtë ka'apë tyiosëtyën.