Romanos 1:16 - Biblia Dc en Mixe de Quetzaltepec

¹⁶ Ka'apës ntuktsëtyuny ja oy aaw oy ayuk, jä'ä ko ja Dios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

Biblia Mixe de Quetzaltepec

¹⁶ Ka'apës ntuktsëtyuny ja oy aaw oy ayuk, jä'ä ko ja Tios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

Romanos 1:16 ပူးပေါင်းရင်းမြစ်များ

Marcos 8:38

Pën xytyuktsëtyuumpës ets pën ja n'aaw n'ayukës tyuktsëtyuumpy ma ya'atë pokyjyä'äyëtyën, näjyëtu'unës nëjkx ntuktsëtyuny koos jatëkok nminëty mëët ja nTeetyës ja myëj'ajt y'oyajtën ets ja y'anklëstëjk wa'atspë.

2 Timoteo 1:8

Këtii mtsëtyunëty ko ja Jesukristë xynyikajpx xynyimëtya'akëty ets ëjts nän këtiis xytyuktsëtyunëty koos yap tsumy nku'itë ja Wintsën. Nikë yë'ë mmëmay mmëtaj ja mëk'ajtën mëti'ipë ja Dios mmooyëpën ets xymyëmëta'akëty ja ëyo'on jotmay mëti'ipë mpatypyën mëët ko ja oy'aaw oy'ayuk të xypyääty.

1 Pedro 4:16

E pën yë'ë mku'ëyo'onpatëtëp ko Kristë xypyanëjkxtë, ka'ap xytyuktsëtyuntëty, nikë wäänëni'ik ja Dios xyajmëjnaxtëty ko ja xyëëw jëtu'un xykyujajtëtëty.

2 Timoteo 1:12

Paatyës tyam nku'ëyowë ya'atë. Je'eyëp ko ka'apës ntuktsëtyuny, jä'ä ko nnija'apës koos yë'ë ntuk'ijxpety; ets nnija'apës ko yë'ë myëët'ajtyp ja mëk'ajtën es tpëjkë'ëkëty ja kuma'ayën jekpyaat mëti'ipës të xytyukwinwanën.

Lucas 9:26

Pën xytyuktsëtyuumpës ets n'aaw n'ayukës tuktsëtyuunë; näjyëtu'un tyuktsëtyuna'anyë ja naaxwiinyëtë ja'ay ja y'U'unk, ko ënety myiny mëët ja Dios Teety ets ja wa'ats anklëstëjk ja myëj'ajt y'oyajtën.

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Dios nyäjxypyën.

1 Corintios 2:4

Ko miits ja Dios ntukmëmëtyaktë ets ntukmëpëkantë, ka'apës ojts nyajtuny ja aaw ayuk këjxmëtypë ëkë tëkatsyëtypë. Yë'ë ojts ntuk'ixtë ja Dios ja myëk'ajtën jyääntyajtën,

1 Corintios 2:2

Koos jam nyajpaty ma miitsëtyën, ka'apës tii wiinkpë winma'any nmëët'ajty, yi'iyës nnikajpx ja Jesukristë ko ojts y'ooky kruutskëjxm.

Romanos 10:17

Jëtu'unkyëjxm, ja mëpëjkën ënät yajmëët'aty ko yajmëtoow'ity, ets ja aaw ayuk jam ja tsyoony ma ja Kristë të tnimëtyä'äkyën.

Hebreos 4:12

Ja Dios ja y'aaw y'ayuk myëët'ajtyp ja juukyajtën ets ja mëk'ajtën. Ni'ik jyëjpëty këtiinëm ja tëypyujxn tëëpë mäjtskpa'a yajme'eyën; tyukku'umëtyääpy ja jot winma'any këkpaat; ets tpaye'eytyä'äy pën tii pën myëmääpy myëtäjpy.

1 Corintios 15:2

Näy yë'ë miits ya'atë aaw ayuk myajnitso'okëtëp pën ëmuumtu'ukjot xymyëpëktë mëti'ipë të ntuk'ëwaanëtën; pën ka'ap, natëkë miits të mëpëktë.

Gálatas 1:7

Tim tëypyë ka'ap ma wiinkpë aaw ayuk oypyë. Mëti'ipë tuunëp jajtëpën yë'ë ko tää ja'ay mëti'ipë yajma'atäämpyën je'eyë ja mmëpëjkënëty ets jëtu'un ja oy aaw oy ayuk mëti'ipë Kristë jyä'ä'ajtypyën tjayajtëkatsanë.

Romanos 2:9

Tääts y'ita'any ja ëyo'on ets ja tëytyu'unën ma ja ja'ayëtyën mëti'ipë tyuuntëpën ja ëxëëkpë, jëwyiin ja jutiis ja'ayëty ets ok ja ka'apë jyutiisëty.

Hechos 3:26

Ko ja Dios tyajjuukpyijky ja y'u'unk, jëyëjp ojts miits mtuknikäxëtë ets mkënu'kxëtëty ets xy'ëxmatstëty ja m'ëxëëktu'un m'ëxëëk kajpxënëty.

Salmos 119:46

Nimëtya'akäämpyës yë m'ënä'ämën mtëyajtën ma ënä'ämpëtëjkëtyën, ets ka'apës ntsëtyuna'any,

1 Tesalonicenses 2:13

Paatykyëjxmës xëmë ja Dios nkukajpxëtë, jä'ä ko miits xymyëtowtë ja Dios ja y'aaw y'ayuk mëti'ipës nkajpxwa'kxtën. Jëtu'un ojts xy'ëxajëtë tä Dios yë'ë t'aaw t'ayukëtyën ets ka'ap jyëtu'unëty tä jeexyë nyaaxwiinyëtë ja'ay t'ayukëtyën. E mëtëy jëtu'un, Dios jyänty ayuk'ajtyp, ets jam wyinkëxë'ëky ma miitsëtyën ko mmëpëktë.

Isaías 53:1

¿Pën jëtää y'ëkmëpëkäämpy mëti'ipë të nmëto'owëmën? ¿Pën jëtää të t'ëk'ijxpë ja Wintsën ja myëk'ajtën?

1 Timoteo 1:11

Ya'atë mëtëypyë ijxpëjkën yë'ë mëët nyäpyäätyë ja oy aaw oy ayuk mëti'ipës të xytyuknipëkyën ja Dios kënu'kxypyë.

2 Corintios 9:13

Ko yë'ë tmëjjaw tjaantyjawëtëty ja Dios, jëtu'un ya'atë putëjkën tyajnikëxë'ëka'any ko miits xypyatuntë ja oy aaw oy ayuk mëti'ipë ja Kristë nyikäjpxypën. Näyjyëtu'un yë'ëjëty tmëjjawëja'antë ja Dios ko miits ja putëjkën xyaktë ma yë'ëjëtyën ets ma ja wiinkëtypën.

2 Corintios 2:12

Koos nja'ajty jam Troas etsës nkajpxwä'kxy ja oy aaw oy ayuk ma Kristë yajnimëtyä'äkyën, ja nWintsënës yaj'ëwats ja nnë'ë ntu'ujës.

1 Corintios 9:18

Yë'ës nkuma'ayën'ajtyp koos namëyajtën nkajpxwä'kxy ja oy aaw oy ayuk oyës ja tëyajtën njamëët'aty ets jeexyë n'amëtowtë ja nmëju'unyës koos jëtu'un ntuny.

1 Corintios 9:12

Pën m'amëtoowëtëp ja wiink ja'ay ets winë xymyo'otëty, wäänëni'ik ëëts xypyaatë ets winë xymyo'otëtyës. E ka'apës ya'atë kuttujkën të nyajtuntë, tëëjës nmënax nyajnaxtë ja ëyo'on oyës tii të njayajmëyatë ets këtiipë tyu'u'ëtukëty ja aaw ayuk ma Kristë yajnimëtyä'äkyën.

Romanos 15:29

Nija'apës ko mëj këjää ja Kristë xykyënu'kxa'anëmë ko ënety nja'tyës jam ma miitsëtyën.

Romanos 15:19

ets mëët yë myëk'ajtën ja Kënu'kxymyëkajtën ko yajtuny ja mëj'ajtën. Jëtu'unës të nkajpxwä'kxy ja oy aaw oy ayuk ma ënety ka'anëm ja Kristë yajnimëtyä'äkyën, jam Jerusalén ets Lirië y'itjotm.

2 Timoteo 1:16

Wä'än ja Dios tpa'ëyoy ja Onesíforo ja y'u'unk y'ëna'k, y'u'unk tyo'oxytyëjk, jä'ä ko kanaak okës të xynyiminy ets të xyajjotkujktä'äkyës ets yë'ë ka'apës të xytyuktsëtyuny oyës yap tsumy n'ity.

Romanos 4:11

Ja ijxwë'ëmën mëti'ipë ojts yajpëjktä'äkyën ko yajnatsujk'ëwtijty ja ye'etyëjkajtën, jä'ä yë'ë ets nyikëxë'ëkëty ko yë'ë oy të wyi'im mëët ja Dios ko tmëët'aty ja mëpëjkën. Jëtu'unts ja ja'ay mëti'ipë ja Dios myëpëjktëpën, oy kyanatsujk'ëwtityëty yë ye'etyëjkajtën, Abraham yë'ë y'ap'ajtëp y'ok'ajtëp ets oy wyë'ëmtë mëët ja Dios.

Salmos 110:2

Jam Sión, jam yë Dios mtukë'ëtëkëty yë kuttujkën jëtu'un tä tu'uk yë tajkën, mëti'ipë myë'ijtypyën yë kuttujkën. Paaty ënät tyam mmëmëtakta'a yë mmëtsip.

Juan 7:35

Tääts ja jutiis ja'ayëty nyäyajtëëwëtë nixim niyam: ¿Ma nyëjkxa'any ya'atë ja'ay ets ka'ap n'ëkpatënëty? ¿Kajts tjëkyepy jam muum nyëjkxëty wiink kajpn ets jam muum ma jyëpyo'kxykyajpnën tyaj'ijxpëkëty yë jutiis ja'ay?