Romanos 1:11 - Biblia Dc en Mixe de Quetzaltepec

¹¹ Jä'ä ko ntsojkpyës ets npaata'an n'ixa'antë ets nputëkëtëty mëët ja Kënu'kxymyëkajtën ets amëk jotmëk myajpaatëty.

Biblia Mixe de Quetzaltepec

¹¹ Jä'ä ko ntsojkpyës ets npaata'an n'ixa'antë ets nputëkëtëty mëët ja Kënu'kxymyëkajtën ets amëk jotmëk myajpaatëty.

Romanos 1:11 ပူးပေါင်းရင်းမြစ်များ

2 Pedro 1:12

Paaty miitsëty xëmë ntukja'amyätstë oy të xyjyanijawëtë ja Dios ja tyiyajtën ets oy xyajtuntë mëti'ipë të ntuk'ijxpëktën.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

2 Tesalonicenses 3:3

E yë Wintsën kyuuytyuunpy ja y'ayuk, yë'ë yajkëjääjëjäämpy ja mmëpëjkënëty ets m'akëëytyuk m'axajtukëtëty këtiipë mka'atëty ëxëëktum.

Romanos 15:29

Nija'apës ko mëj këjää ja Kristë xykyënu'kxa'anëmë ko ënety nja'tyës jam ma miitsëtyën.

1 Pedro 5:12

Ja nmëku'uk'ajtëm Silvano, mëti'ipë oy tsuj ja Dios myëtuumpyën, yë'ëjës yam yë noky xytyukputëjkëpës ma miits yam nkajpxwijtën ets ntuknijawëtë ko ja kënu'kxën mëti'ipë të xy'ëxajëtën yë'ë yajnikëxë'kpy ja mëtëypyë ja Dios ets ja tsyojkën jya'awën. Yë'ë jëtu'unpë tsojkën ja'awën xëmë mmëët'atë.

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

2 Tesalonicenses 2:17

yë'ë myajjotkujk'atëtëp, mjotmëkmo'ojëtëp ets tu'kë'ëyë winë oy xytyuntëty xykyajpxtëty.

Hechos 19:6

Ënet ja Pablo ja ja'ay ojts tkë'ënixajy ets ja Dios ja myëjaaw myëk'ajtën tyukëtakëtë. Ënet ojts tkajpxtë wiinkëtypë ja ayuk ka'apë yajwinmëtoyën ets ja Dios ja y'aaw y'ayuk tnimëtyakëtë.

Hechos 16:5

Jëtu'un ja mëpëjkpëtëjk tu'ukyë ja wyinma'any tpëjktaktë ets nyimayëtë winjëpom.

2 Crónicas 20:20

Komjëpom, jopyëp ojts pyëtë'kojtë ets tyu'utëkëja'antë, nyëjkxa'antë jam Tecoa, jam të'ëts'itjotm. Ka'anëm ënety tyu'utëkëtë ko ja Josafat y'ënëmaayëtë: Mëtoow'itë ya'atë aaw ayuk miitsëty Jerusalén ja'ayëty ets Judá ja'ayëty: Yë Wintsën yë'ë mëpaat tu'ukyë xytyuk'ijxpätë ets akujk jotkujk m'itëty, tuk'ijxpätë ijxtëm ja tyuunpëtëjk y'ëna'antën ets xy'ëk'ixtëty ko aak'oy winë mwinpëtsëma'anxëtë.

1 Tesalonicenses 3:13

Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Dios wyintum ko ënety myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

1 Tesalonicenses 3:2

ets nkäjxtës ja nmëku'uk'ajtëm Timoteo, mëti'ipë Dios myëtuumpyën ets mëti'ipës mëët nkajpxwä'kxtën ja aaw ayuk oypyë ma Kristë yajnimëtyä'äkyën. Paatyës nkäjxtë ets nëjkx mku'ixëtë, mjotmëkwinkajpxëtë wi'ix tu'ukyë ja mëpëjkën xymyëët'attëty,

Filipenses 4:1

Paaty, mëku'uktëjkëty, mëti'ipës njatsojkpyën yë'ë ets jeexyë nëjkx nku'ixëtë; miitsëty mëk n'oyjawëtë ets ntukxoontaktëp; jëtu'un njawëtë ijxtëm tu'uk ja kuma'ayënën. Itë jëtu'un mëk ma ja Wintsën xymyëpëktën.

Filipenses 2:26

Yë'ë mëk mja'amyätsëtë, mtukjotmay'ookëtë ni'ik, jä'ä ko ojts xynyijawëtë ko tëë pyikyë.

Filipenses 1:8

Dios nyija'ap ko miits mëk nja'ixa'antë mëët ja Wintsën Jesukristë ja tsyojkën jya'awën.

2 Corintios 9:14

Ets ëpëky myajkënu'kxa'antë mëët ja tsojkën ja'awën, ko t'ixtëty ko ja Dios miits mkënu'kxëtë.

2 Corintios 1:21

Dios tëë tuknipëjktaakë ets ëëtsëty mëët miitsëty tu'ukyë nyajpatmëty mëët ja Kristë, ets kënu'kxy nwë'ëmëty.

Romanos 15:32

Pën ënaanp ja Dios etsës jotkujk nja'tëty ma miitstsëtyën ets nxoontakmëty, npo'kxmëty npëjkmëty ko miits ënety jam nku'ixëtë.

Romanos 15:23

E tëë tyam ja ntuunkës nyaj'apaatë ma ya'atë itën ets tëë kanaak jëmëjt nyajxnë ma miits të njaninëjkxa'antë,

Hechos 19:21

Ko jëtu'un ya'atë jyäjty kyëpejty, ënät ja Pablo ojts myäy tyäjy ko nyëjkxa'any jam Macedonia y'itjotm ets näjyëtu'un jam Acaya y'itjotm ets jya'ta'any jam Jerusalén. Näyjyëtu'un ënety myäy tyäjy ko y'ëknëjkxëty Jerusalén tääts ok nyëjkxa'any jam Roma.

2 Samuel 13:39

e ko ojts jatëkok jyotkujkë, ënät tja'amyejtsy ja myaank Absalón ets y'ënäny ko t'ixa'any.

Hebreos 13:9

Këtii myajwin'ëëntëty mëët ja wiinkëtypë ja ijxpëjkën ets mëti'ipë wiinktsow tso'onpën. Yë'ë ni'ik oy ko amëk jotmëk nyajpatmëty ma ja Dios ja tsyojkën jya'awënën ets këtii ko npatu'unmëty ja ënä'ämën mëti'ipë nyikäjpxypën wi'ix ja ka'ayën ukën mëpaat yajjë'kxy yajpëkyën; jä'ä ko tääpë ënä'ämën ka'ap nimaa tyuny.

2 Corintios 11:4

Mmëtënaaytyëp miits ko pën mnija'tëtë ets mtuk'ëwa'anxëtë wiinkpë ja Jesús, ka'apë të ntuk'ëwaanëtë, ets xykyupëktë jotkujk ja wiinkpë winma'any, ka'apë jyä'äjëtyën mëti'ipë të xykyupëktën ets näjyëtu'un xy'ëxajëtë mëti'ipë tyijtëpën oy aaw oy ayuk, ka'apë jyä'äjëtyën mëti'ipë të xynyijawëtën.

2 Samuel 23:15

Ënet ja David y'ënäny: jääpëk jeexyë pën yë nëë t'ëkninëjkxy jam ma Belén kajpn yajnitëkën etsës jeexyë yë'ë n'uuky.

Génesis 31:30

Pën mijts mjanty wyinpitanëp ënety ma ja mteety ja jyëën tyëjkën ets paaty të mtsoony. ¿Wi'ix ko të xy'ëkmä'tspë ntsaamëxanës?

Romanos 1:12

Yë'ëjës ntijpy ets näjyotmëkwinkajpxëmëty nixim niyam mëët ya'atë mëpëjkën mëti'ipë nmëët'ajtëmën.

2 Corintios 1:15

Mëët ya'atë ja jotkujk'ajtën, jëtu'unës nja'ëna'any ko miits nni''ixa'antë jëwyiin mäjtsk ok nipëtë'ëkën.