Proverbios 9:6 - Biblia Dc en Mixe de Quetzaltepec

⁶ Këtii xëmë tsuu myajpaatë, oy mjuuky'atëty: jëtu'un mnaxtëty mtëkëtëty tä ja'ayën mëti'ipë niwijy nikujk yajpatpën.

Biblia Mixe de Quetzaltepec

⁶ Këtii xëmë tsuu myajpaatë, oy mjuuky'atëty: jëtu'un mnaxtëty mtëkëtëty tä ja'ayën mëti'ipë niwijy nikujk yajpatpën.

Proverbios 9:6 ပူးပေါင်းရင်းမြစ်များ

Salmos 119:115

Winwa'ktutëkës miitsëty ëxëëkja'aytyëjkëty, ëjts Tiosës yë y'ënä'ämën tyiyajtën npatunanëp.

Salmos 45:10

Mëtoow'it, mijts u'unk mijts nëëx; yajxon ja'akyukë mëti'ipë yam ntuk'ënëëmëjäämpyën: Ja'atyëkoy yë mteety mtaak ets tëkokyë yë mjëëky mmëku'uk,

Proverbios 10:17

Mëti'ipë ja'ay kyupëjkpyën ma winë yajtukmëkäjpxyën ko tii oy tkatuny, yë'ë në'ë tu'u oypyë pyijkpy mëti'ipë ja juukyajtën mo'ojëtëpën; e mëti'ipë ka'ap tkupëkyën kë'ëm nyäyajtëkoyë.

Proverbios 13:20

Yë'ë oyjyawë yë wijyjyä'äytyëjk ets wijy m'awinpitëty; yë'ë oyjyawë tsuuja'aytyëjk ets tsuu m'awinpitëty.

Proverbios 23:19

U'unk maay, ja'akyukë ja aaw ayuk ets winë yajxon xyjyatëty. Yë'ë jëtu'un mëmay mëtajëp xëmë ja në'ë tu'u oypyë ets yë'ë xypyanëjkxëty.

Proverbios 4:11

Ëjts mijts nyajnëjkxëp ma ja wijy'ajt kujk'ajtën, ets nyajye'eyä'äny nyajnaxa'any ma oypyë ja në'ë aaw tu'u aawën,

Proverbios 8:35

Jä'ä koos ëjts pën xypyääty, jëtu'un tä pën tpaatyën yë juukyajtën, ets Dios janty'oy jyawëty;

Proverbios 9:11

Oy ko jyää'aty wijyajtën, jeky mjuuky'ata'any ets këjääjëjaanp ja xëëw jëmëjt ma mjuuky'ata'anyën.

Ezequiel 11:20

Ënet nëjkx jyuuky'atë jëtu'un tääjës ja n'ënä'ämën ntëyajtën myinyën ets nëjkx tpatuntë. Nëjkxëpës nkajpn niwa'antë etsës nëjkx xyTyios'atë.

Ezequiel 37:24

Yë ntuunpës David, yë'ë nëjkx yajkutuky ma yë'ëjëtyën ets yë'ëjëty nëjkxëpës xymyëmëtowtë ets nëjkx tkuuytyuntë ja n'ënä'ämënës ntëyajtënës.

Lucas 13:24

Jam mëpaat mtëkëtë ma ja tëjk'aawën xu'utspë. Jëtu'un miits nëëmëtë ko may ja ja'ay nëjkx jyatëkëja'antë, je'eyëp ko ka'ap nëjkx nyaxtë.

Hechos 2:40

Jeky ja Pedro ojts ja ja'ay tmëëtmëtyä'äky kanaakpëky, ets tjakajpxwijy: Ixmatstë ja m'ëxëëk winma'anyëty ets këtii mëët mnämyäyëtë yë ja'ay mëti'ipë näyaj'ijtëtëpën pokyjotm.

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

Apocalipsis 18:4

Tääts ja wiinkpë ja ayuk nmëtooyës mëti'ipë tso'onpën jam tsajpjotm ets y'ënä'äny: Pëtsëmtë miitsëty ma ya'atë kajpnën, ninu'un njä'ä'atën, këtiipë nëkoo ja poky ets ja ëyo'on xypyaatëty,