Proverbios 8:27 - Biblia Dc en Mixe de Quetzaltepec

²⁷ Ko ojts tyajkojy ja tsajp ja nyiwits nyijuux, mëti'ipë yajpatpën nëëwiinkëjxy, ëjts tam'ajtpës ënety.

Biblia Mixe de Quetzaltepec

²⁷ Ko ojts tyajkojy ja tsajp ja nyiwits nyijuux, mëti'ipë yajpatpën nëëwiinkëjxy, ëjts tam'ajtpës ënäty.

Proverbios 8:27 ပူးပေါင်းရင်းမြစ်များ

Job 26:10

yë'ë të tpëjktä'äky yë nëë ets tsyëpa'an'atëty, ma jya'tëtyën yë xëëw'an, ets tsyo'onta'akëty yë kootsajtën.

Salmos 103:19

Yë Dios tëë yë y'ënyääypyäjn tpëjktä'äky jam tsajpjotm ma yajkutukëtyën, ets y'ënä'ämën kyutujkën yë'ë tyam ijtp ma tëkokyë winë y'ityën.

Salmos 136:5

Mëti'ipë ojts tyajkojyën yë tsajp ets naaxwiinyëtë mëët ja wijyajtën ets ixpëkyajtën, jä'ä ko tsyojkën jya'awën winë xëëw winë jëmëjt y'ijtëy.

Salmos 33:6

Yë tsajp ets tëkokyë jënu'un jam yajpaatyën tsajpwinm, yë Wintsën të tyajkojy mëët yë y'aaw y'ayuk, ets mëët ko të nyasxajë.

Proverbios 3:19

Mëët ja wijyajtën ets ja nija'awën ojts tyajkojy yë Dios yë tsajp ets naaxwiinyëtë.

Proverbios 8:26

Ka'anëm ënety ja naaxwiinyëtë tyajkojnyëm ets ja kam tu'u, ka'anëm ënety ja naax näjyëtu'un kyojnyëm mëti'ipë yë naaxwiinyëtë mëët y'oytyunyëtyën.

Proverbios 8:28

Ko ojts tpëjktä'äky yë yoots nëëma'a jam tsajpkëjxm, ets ko ojts t'oytyuny yë nëëkopk jap mejyjoty, ëjts tam'ajtpës ënety.

Isaías 40:11

Jëtu'un myiny tä tu'uk ja'ayën mëti'ipë y'ijx'ijtyp kyëwent'ajtypyën yë kyupixyny, tsyä'änë'kpy yë kyupixyny u'unk; tääts tmu'uxy kyätykyijxy, ëtyä'äkyë'äämpy tyajnëjkxy ja mëti'ipë tim mëxu'unkën.

Isaías 40:22

Yë Dios jam yë kyutujktakn tmëëtëty ma naaxwiinyëtë ja nyiwits nyijuuxën, yë'ë wa'ats t'ixy tuny yë naaxwiinyëtë ja'ay tä yaj'ixyën yë pujtpë. Jëtu'un yë tsajp tyä'ptëy tä ja'ay wit tyä'ptëyën, jëtu'un twijtstëy tä ja'ay tëjk nikäm twijtstëyën.

Jeremias 10:12

Yë Wintsën jä'ä ojts tyajkojy yë naaxwiinyëtë mëët yë myëk'ajtën, mëët yë wyijy'ajtën tyajta'tspëjky, mëët yë kyëpetyajtën twijtstëëy yë tsajp.

Colosenses 1:16

Mëët ja Kristë ojts ja Dios winë t'oytyuunta'ay mëti'ipë tsajpjotm ijtpën ets mëti'ipë naaxwiinyëtën, mëti'ipë yaj'ijxp, kayaj'ijxpën. Wä'än tkutujktaknëty, wä'än tmëk'ajtënëty, wä'än tyajkutujkpëty ëkë wä'än tkutuunkëty. Mëët ja Kristë ojts winë t'oytyuunta'ay ets yë'ë ojts yajtukni'oytyunë.

Hebreos 1:2

Tyam ma kyëxanën ja xëëw jëmëjt, tëë xymyëkajpxëmë mëët ja y'U'unk, mëti'ipë ojts mëët tyajkojyën ja naax tsajp, mëti'ipë të tukumaaytyä'äyën winë.