Proverbios 8:21 - Biblia Dc en Mixe de Quetzaltepec

²¹ Mëti'ipës xytsyojkpën, nmoopyës winë ijxtëm pyaat'atyën: nyaj'ujtsëpës yë jyëën tyëjk mëët yë jotkujk'ajtën.

Biblia Mixe de Quetzaltepec

²¹ Mëti'ipës xytsyojkpën, nmoopyës winë ijxtëm pyaat'atyën: nyaj'ujtsëpës yë jyëën tyëjk mëët yë jotkujk'ajtën.

Proverbios 8:21 ပူးပေါင်းရင်းမြစ်များ

1 Pedro 1:4

Paaty ëëts njëjp'ijxmëty ëmuumtu'ukjot ko ja Dios xymyo'oja'anëmë ja kuma'ayën mëti'ipë pëjkë'ëky yaj'ijtypyën jam tsajpjotm, mëti'ipë ka'p kyutëkoyën, y'ëxëëkën ets xyootsyën.

Mateo 25:46

Ja ëxëëk ja'ay ëts jap yë nyëjkxa'antë ëyoowtaknjoty, e ja wa'ats ja'ayëty jap ja nyëjkxa'antë ma juukyajtën yajpaatyën xëmëkyëjxmëpë.

Proverbios 24:4

Mëët yë nija'awën ets ixpëkyajtën ujts yë jëën tëjk yajpaaty mëët winëjaty mëti'ipë tsowën ets mëti'ipë yajtukjotkëtakpën.

Génesis 15:14

E ëjts ntëytyunäämpyës näjyëtu'un mëti'ipë ënety ëxëëk tuunëtëpën ja m'u'unk m'ok. Jëtu'un ja m'u'unk m'ok y'ëwaatsëpëtsëmtëty ets jatëkok jyotmëkta'aktëty.

Hebreos 10:34

Ojts xypya'ëyowtë ja tsumyjä'äy ets jotkujk ojts xymyo'otë mëti'ipë ënety mjä'ä'ajtëpën ko myaj'amëtoowtë, jä'ä ko xynyijawëtë ko wäänë oypyë mmëët'ajtëp jam tsajpjotm mëti'ipë xëmëkyëjxm ijtpën.

Proverbios 1:13

Mëj këjää yë wit meeny npatmëty n'ijxmëty, ets njëën'ajtëm ntëjk'ajtëm nyaj'ujtsmëty mëët ja tony meetsy.

Salmos 16:11

Xytyuk'ixëpës ja në'ë tu'u mëti'ipë ja juukyajtën myëët'ajtypyën. Jam ma mijtsën tam yajpaaty xoontakën. Jotkujk jam xëmë mijts mwintuuy.

1 Samuel 2:8

Dios yajkumeenytyäkpy yë ja'ay mëti'ipë ëyoop jotëkoopyën, ets yajjotkujktäkpy yë ja'ay mëti'ipë o'ktëy yajpatpën. Jam tyajnaaxweetsy ma ja'ay mëj'äämpyëtypë kyäytyën y'uuktën. Jä'ä ko yë Wintsën yë'ë nyiwintsën'ajtyp yë naaxwiinyëtë ets yë'ë kyuwäämpy kyë'ëjotm

Apocalipsis 21:7

Ya'atë kyuma'ayën'atëp pën ënety mëtakpën, etsës yë'ë xyTios'atëty ets yë'ëjës n'u'unk'atëty.

Proverbios 8:18

Ëjts nyäjkpyës yë näyajmëjnaxë, yë wit meeny, yë jotkujk'ajtën ets xoontakën;,

Proverbios 6:31

jää tëy ko yajkupaatë ma jam myeetsyën, kwanë ko nëjkx tyajwinpijta'ay ets ëpëky wëxtujk'ok tyajni'ikëty mëti'ipë ënety të tony të tmeetsyën, ets nëjkxëp tyajktaaynyë mëti'ipë ënety myëët'ajtypyën.

Romanos 8:17

Ets ko yë'ë xy'u'unk'ajtëmë, näjyëtu'un ja Kristë mëët xypyaat'ajtëmë ja kuma'ayën mëti'ipë ja Dios të xytyukwinwa'anëmën, jä'ä ko tu'ukyë ja Kristë mëët nyajpatëmë ja myëj'ajt jyääntyajtën, jä'ä ko tu'ukyë mëët n'ëyo'owëmë ets jam nyajpatmëty ma myëj'ajt y'oyajtënën.

Proverbios 8:20

Ëjts yë'ëjës yë në'ë tu'u tëypyë nkuuynyijkxyp, ja tëypyë ja najxtakn.

Proverbios 10:22

Ni'ik tsyowpaaty ko yë Dios kyënu'kxy jyëkyejpy, jä'ä ko ka'ap yajmony yajtuky.

Proverbios 15:6

Mëjwiin këjää jap winë yajpaaty ma oyjyä'äy jyëën tyëjkën; e ma ëxëëk ja'ayën ka'ap nimaa tuk'oy'äty mëti'ipë jyapaty jya'ijxypyën.

Proverbios 21:20

Ma jyëën tyëjkën yë ixpëkyjyä'äy jap'ajtp ja wit meeny mëj këjää ets ja oyjyätypë ja tsooy mëti'ipë pa'akxu'kpën. E yë ja'ay mëti'ipë tsuujën yajtuuntääpy poj'am winë mëti'ipë yiin wäänë myëët'ajtypyën.