Proverbios 8:20 - Biblia Dc en Mixe de Quetzaltepec

²⁰ Ëjts yë'ëjës yë në'ë tu'u tëypyë nkuuynyijkxyp, ja tëypyë ja najxtakn.

Biblia Mixe de Quetzaltepec

²⁰ Ëjts yë'ëjës yë në'ë tu'u tëypyë nkuuynyijkxyp, ja tëypyë ja najxtakn.

Proverbios 8:20 ပူးပေါင်းရင်းမြစ်များ

Salmos 23:3

Xymyoopyës yë oyajtën mëk'ajtën jempyë etsës xyajnëjkxy ma ja mëtëypyë në'ë tu'ujën, jëtu'un'äämpy yë xyëëw myëjnaxy.

Salmos 32:8

Yë Wintsën jëtu'un y'ënä'äny: Ëjts jamës yë nwiin ntimyajtëëynyë ma mijtsën. Ëjts mijts ntukni''ixëjäämpy winë, ets n'ëëwwijäämpy nkajpxwijjäämpy, ntukni''ixëjäämpy yë në'ë tu'u mëti'ipë mëpaat xypyanëjkxyën.

Proverbios 2:20

Paaty, mijts, panëjkx yë në'ë tu'u oypyë, ets yë'ë tun mëti'ipë tëyajtënën.

Proverbios 2:9

Nëjkxëp xynyijawë mëti'ipë tëyajtënën ets mëti'ipë oyën, nëjkxëp xyjyä'äkyukë mëti'ipë mëtëyën.

Proverbios 3:6

Dios yë'ë mtimjyotnakon'atëp oy tii xytyimtunëty, ets yë'ë myajnëjkxëtëp ma ja tu'ujën mëtëypyë.

Proverbios 6:22

Yë'ë mtu'uwinwowëtëp ko muum mnëjkxëty yë'ë mkëwent'atëtëp ko mma'ajëty mpo'kxëty; yë'ë mmëkajpxanëp ko ënety mma'aypyëti'iky.

Proverbios 8:19

Mëti'ipës nyäjkpyën, ni'ik y'oyëty këtiinëm jyëtu'unëty yë wa'ats pu'ts pujxn. Mëti'ipës nnikäjpxypën oy ni'ik këtiinëm jyëtu'unëty yë wa'ats poop pujxn.

Proverbios 8:21

Mëti'ipës xytsyojkpën, nmoopyës winë ijxtëm pyaat'atyën: nyaj'ujtsëpës yë jyëën tyëjk mëët yë jotkujk'ajtën.

Isaías 2:3

May ja ja'ay myina'antë ets y'ëna'ana'antë: Mintë, tsojk mpa'tëjkëmë ma ja Wintsën ja tyun kyopkën, ma yajpaatyën yë Dios yë tsyajptëjk, mëti'ipë Jacob y'ëwtajtën ets xytyukni''ijxëmëty ja në'ë'aaw tu'u'aaw mëti'ipë mëpaat nye'eyëmën. Jä'ä ko jam Jerusalén tsyoona'any ja ënä'ämën, jam Sión tsyona'any ja ijxpëjkën.

Isaías 49:10

Ka'ap nëjkx yuu nëëtëtsë xymyëët'atë, oy mëk y'anëty, miitsëty ka'ap mni'ana'antë, jä'ä ko ntsojktëp nja'awëtyëp ets nwoownëjkxantëp ma ja nëë myuutyën.

Isaías 55:4

Yë'ë ojts npëjktä'äkyës ijxpë mëtoowpë ma mëj naax mëj kajpnën, ets y'itëty tu'uwinye'epyë ets ëëwwijpë kajpxwijpë ma ja naax kajpnën.

Juan 10:3

Ja kemy kyëwent'ajtpë yë'ë ja kemy yaj'ëwatsyp, ja kupixyny këwent'ajtpë xëëwpety tmëkäjpxy ja kyupixyny, e ja kyupixyny nän yo'kmëtoowëp; ets tyajpëtsëmy jap kemyjoty.

Deuteronomio 5:32

E paaty yam n'ënëëmëtë, ko mtuntëp mëti'ipë të mtuk'ënä'ämëtën ja Wintsën Dios ets këtii nijëna'a xy'ëxmatstëty.

Apocalipsis 7:17

jä'ä ko ja Kupixyny U'unk, mëti'ipë itkujky tënääpyën, yë'ë këwent'atanëtëp ijxtëm ja kupixyn këwent'ajtpën ets tyukniwowa'anëtë ja nëë mëti'ipë yajjuuky'ajtpën ets ja Dios tu'kë'ëyë ja wyiin nëë pyo'ta'aja'anëtë.