Proverbios 8:15 - Biblia Dc en Mixe de Quetzaltepec

¹⁵ Ëjts nyaj'ijtyp yë yajkutujkpëtëjk, ënä'ämpëtëjk ets mëti'ipë nyipaye'eytyëpën yë nëë poky.

Biblia Mixe de Quetzaltepec

¹⁵ Ëjts nyaj'ijtyp yë yajkutujkpëtëjk, ënä'ämpëtëjk ets mëti'ipë nyipaye'eytyëpën yë nëë poky.

Proverbios 8:15 ပူးပေါင်းရင်းမြစ်များ

1 Reyes 10:9

Kënu'kxy mëjjawë yë mWintsën y'ity, ko të mo'oyë ja oyajtën ets ja kutujktakn ma ja Israel ja'ayëtyën. Mëëtkyëjxm ko ja Wintsën oy tsoky tjawë yë nyaax kyajpn. Paaty mijts të mpëjktä'äkyë yajkutujkpë ets xytyu'uwinwowëty mëët ja tëyajtën jaanty'ajtën.

1 Reyes 3:28

Ojts ja ja'ay tnijawëtë wi'ix ënety ja Salomón të tyaj'oyën ja jotmay ets wi'ix ënety ja wyijy'ajtën të tyajwinkëxë'ëkyën, tëkokyë ja ja'ayëty jam ma ja Israel kajpnën mëk twinkutsë'këtyë ja Salomón ets tmëmëtoowtë, mëët ko ënety ja Wintsën të myo'oyë ja ixpëkyajtën wi'ix tu'uwinye'eyëtyën ja naax kajpn mëtëy.

1 Reyes 3:9

E yë'ëtsës yam n'amëtoopy, xymyo'ojëtyës tu'uk ja jot winma'any oypyë, mëtëypyë etsës njatëty nijawëty wi'ix ja mnaax mkajpn n'ënä'ämëtyës; ¿jä'ä ko pën jëtää ëkmayëtëp ya'atë mëj naax mëj kajpn janty'oy t'ëktu'uwinwowëty?

1 Reyes 5:7

Ko ja Hiram tmëtooy wi'ix ja Salomón ja ayuk tyuknikäjxën, janty jotkujk nyäjya'awëyë ets y'ënäny: Yë'ë tëy yë Wintsën, janty kënu'kxy mëjjawë mëpaat yë xyëëw nyäxy, jä'ä ko tëë tyajkutuky ets tyëkëty ënä'ämpë tu'uk yë David yë myaank mëti'ipë ixpëkyën ets wijy kujkën, mëti'ipë mayëtëpën wi'ix ja nyaax kyajpn oy twinye'eyëty.

1 Crónicas 28:5

E maas ja n'u'unk n'ëna'kën, ijxtëm yajnijawën ko nimay oyëty mëti'ipës yë Wintsën të xymyo'oyën. Yë Wintsën yë'ë të twin'ixy yë nmaankës Salomón ets yë'ë t'ëxajëty ja kutujktakn, ma ja Wintsën ja ënä'ämën kuttujkën tyaj'ityën ma ja Israel ja'ayëtyën.

2 Crónicas 1:10

E tyam, mijts yam n'amëtoopy npëjktsoopy xymyo'ojëtyës ja wijyajtën kujk'ajtën ets ja nija'awën wi'ix ntu'uwinye'eyëtyës ya'atë naax kajpn; ¿jä'ä ko, pën jëtää kë'ëmwinma'any ëkmayëtëp wi'ix ya'atë mëj kajpn tu'uwinye'eyëty?

2 Crónicas 1:11

Ënet ja Wintsën t'ëtsooy ja Salomón: Mëët ko mijts yë'ë të xy'amëtoy ja wijyajtën kujk'ajtën ets ja nija'awën wi'ix ja naax kajpn xytyu'uwinwowëtyën, ma të mpëjktä'äkyën m'ënä'ämëty myajkutukëty, ets ka'ap yë'ë të xy'amëtoy ja kuwit'at, kumeeny'at ets ma ja mëtsip xynyi'ënä'ämën ets y'ooktëty tyëkoytyëty ets ka'ap të xy'amëtoy mjuukyajtën yonëty jyiitsëty, tyam nmo'ojëty mëti'ipë yam të xy'amëtoyën,

Salmos 2:10

Miitsëty ënä'ämpëtëjkëty wintsëntëjkëty naaxwiinypë, ja'akyukëtë ya'atë. Jatë nijawëtë mëti'ipës yam nkäjpxypën.

Salmos 99:4

Mijts jëtu'un tu'uk yajkutujkpë mëti'ipë maaytyääyëpën winë, m'oy'ijxyp ko jyää'aty ja mëtëypyë nipaye'eyën; mijts ojts xyajnaaxkëtä'äky ets jyää'atëty ja tu'knaxajtën, yë Jacob y'u'unk y'ëna'k janty'oy të xymyëët'aty ets tëë xynyipaye'ey yajxon tëy tëtä'äky.

Proverbios 29:4

Yë yajkutujkpë mëti'ipë yajxon nipaye'eyë tyuunpyën; yajmëktäkpy yë kyajpn; e mëti'ipë je'eyë yajtsoowpäjtääpyën winë, ëxëëk yë nyaax kyajpn tyajjaty tyajkëpety.

Proverbios 8:16

Yë'ëkyëjxm koos njääjëty paaty yë yajkutujkpëtëjk oy yë nyaax kyajpn t'ënä'ämtë, ets kutuunktëjk oy tnipaye'eytyë ja nëë poky.

Isaías 1:26

Jä'äjës ntsoky ets jatëkok xymyëët'atëty m'ënä'ämpë mkutujkpë ijxtëm ijty tëëyëpën, xymyëët'atëty jatëkok mëti'ipë mnajts'ëw mnajtskajpxëtëpën. Koos ënety jëtu'un të ntuny tääts nëjkx jatëkok myajtijy Oykyajpn Wa'ats Kajpn.

Jeremias 33:15

Ko ënety tpaaty ja xëëw po'o, ëjts nyajkutukäämpyës ets jam tu'uk ja'ay pyëtsëmëty ma David y'u'unk y'okën mëti'ipë nëjkx mëtëy winë tnipaye'eyën ets nëjkx oy winë tuny ma naax kajpnën.

Daniel 2:21

Yë'ë yajtëkatsyp yë xëëw jëmëjt; yë'ë pyëjktäkpy ets yë'ë yajkutujkpy mëti'ipë ënä'ämpën yajkutujkpën, yë'ë myoopy yë wijyajtën yë wijyjyä'äytyëjk ets yë'ë yaj'ijxpëkytyäkpy yë mëti'ipë ixpëkyën.

Daniel 4:25

Mijts yajkutujkpë myajwoowpëtsëmaanp ma ja mayjyä'äyën ets myajwoownëjkxa'any jam aayjyotm ujtsjotm ma mjuuky'atëtyën tä aayjëyujk ujtsjëyujk jyuuky'atën; yë'ë m'okëp yë mëëy tä yë tsajpkaa myiiy'okyën ets nëjkxëp yë mjot mnini'kx nyimaanikyë. Jëtu'un nëjkx mjuuky'äty mijts yajkutujkpë wëxtujk jëmëjt, koonëm xynyijawëty ko yë Dios Ni'ik yë'ë myëët'ajtyp yë kuttujkën ma tëkokyë yë naaxwiinyëtë ja'ayën ets yë'ë yaj'ëne'empy yajkutujkpy mëti'ipë yë'ë tyuknipëjktakëpën.

Daniel 4:32

Myajjuutaanp yam ma mayjyä'äyën ets nëjkx mjuuky'äty mëët yë aayjëyujk ujtsjëyujk; wëxtujk jëmëjt m'ujts jë'kxëty tä tsajpkaa y'ujts okyën, koonëm xynyijawëty ko yë Dios Ni'ik mëk yë'ë ets yë'ë y'ënä'ämtääpy yë naax kajpn naaxwiinyëtë apëtsëmy ets yë'ë pyëjktäkpy kë'ëm pën yajkutukëpën.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Dios xymyooytyä'äy ja kuttujkën jam tsajpjotm ets naaxwiinyëtë.

Romanos 13:1

Ni'ëmukë mëpaat yajmëmëtoy ja ja'ay mëti'ipë myëët'ajtëpën ja kuttujkën. Jä'ä ko ka'ap ma kutuunk mëti'ipë ka'ap jam kyutukyën ma Tiosën, mëti'ipë jääjëtyën Dios yë të pyëjkta'akëtë.

Apocalipsis 19:11

Tääts n'ijxyës ko ja tsajp y'ëwatsy. Jamts kyëxë'ëky tu'uk ja poop kwaay ets mëti'ipë tuk'u'unyääyëpën jä'ä xyëëwajtyp, Mëtëypyë ets ja Oypyë winë tunyën, jä'ä ko tëytyuunp, paye'epy ets tsiptuump jä'ä ijxtëm pyaat'atyën.

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.

1 Samuel 16:1

Ënet ja Wintsën t'ënëmaay ja Samuel: ¿Mapaatën mon tuk m'ita'any mëëtkyëjxm yë Saúl? Ëjts ka'apës n'ëktsojknë ets yë'ë y'ënä'ämëty ma Israel kajpnën. Yaj'uts yë mxuty mëët yë on ets mnëjkxëty jam Belén ma Jesé tsyëënën, jä'ä ko tëëjës tu'uk yë myaank nwin'ijxë ets yë'ë y'ënä'ämëty ma Israel kajpnën.

1 Samuel 9:17

Ko ja Samuel t'ijxy ja Saúl, tä ja Wintsën y'ënëmaayë: Xii ja ja'ay mëti'ipë të ntukmëmëtyä'äkyën. Yë'ë jëtu'un y'ënä'ämëp ja naax kajpn.