Proverbios 7:26 - Biblia Dc en Mixe de Quetzaltepec

²⁶ jä'ä ko jëtu'unpë to'oxytyëjk kanaak yë ja'ay të tyaj'ooky; yë y'o'kpë nimay nyäpyäätyë.

Biblia Mixe de Quetzaltepec

²⁶ jä'ä ko jëtu'unpë to'oxytyëjk kanaak yë ja'ay të tyaj'ooky; yë y'o'kpë nimay nyäpyäätyë.

Proverbios 7:26 ပူးပေါင်းရင်းမြစ်များ

Nehemías 13:26

Yë'ë jëtu'un ojts yë Salomón tpoky'äty mëti'ipë yajkutujkën ma Israel kajpnën. E oy nja'ijxmëty ja yajkutujkpë Salomón ka'ap pën myëpatë ijxtëm yë'ë yajkutujkyën ets ko ja nTios'ajtëmë mëk tsyojkë jya'awëy ets pyëjktakë ma ja Israel kajpnën ets jam yajkutukëty, e oy jyajëtu'un'ajty yë to'oxytyëjkëty mëti'ipë wiink naax wiink kajpn yajtso'onën yë'ëtsën ojts yajpokytyunyë.

1 Pedro 2:11

Mëku'uktëjkëty jëtu'un yam miits nmënu'kxta'aktë tääjës jeexyë ëjts njaaypyo'kxyjyä'äyëtyën tëyëpë nyäxyën yaa naaxwiiny; ko ka'ap xyajmëta'aktëty ja yääyëpë naaxwiiny yajxoontä'äkyën mëti'ipë ja n'anëmë'ajtëm ka'ap tkupëkyën.

1 Corintios 10:8

Ka'ap pën ja jyot nyini'kx tookëty, ijxtëm pënëty ojts y'ëtë'ëtstën, ma ojts y'ooktën i'px tëkëëk mil tu'kxëëwpë.

Proverbios 6:33

Nëjkxëp tmënaxy tyajnaxy yë nätsyiik näkyoxë, ets ni pën kyamayëtëty tjo'otsëty ja mëti'ipë ënety të tuntëkoyën.

2 Samuel 3:27

Ko ja Abner jam jatëkok jyä'äjty Hebrón, atu'uk ojts wyoownëjkxyë ja Joab ma pyak'itëtyën ets nyätyijyë myëëtmëtyaka'anyë, tamtsën ënety jëtu'un tyänëtë ko ojts y'ëkëty yajtsëtyuty myoxkëjxy ka'ap tyukja'awëyë ets y'o'ky, tuunwinpity ja Joab mëët ko ënety ja y'uty të y'ooky mëti'ipë ja Abner yaj'o'kën.

Jueces 16:21

Jëtu'un'äämpy ja filistejë ja'ayëty ojts tmatstë ja Sansón ets ja wyiin ojts tju'tëtë. Tääts jam ojts tyajnëjkxtë Gaza; ko jam tmëja'ajtë yë'ë ojts tuktsumtë yë pujxn'aats, yë'ë tyuktij'ëwtijtëp tu'uk ja mëjtsaa mëti'ipë ja tsajpmok tyukmäätëpën.

2 Corintios 12:21

Yë'ës näjyëtu'un ntsë'këp, ko ënety nëjkx nku'ixëtë, Dios je'eyës xyajtsëtyunëty ko ënety miits ka'ap tii oy xytyuntë ets je'eyës xyajjë'ë xyajya'axtëty mëët ko miitsëty je'eyë ëxëëkpë xytyuntë xykyajpxtë; tyimtso'ontäky jëtu'un pya'tkë'p'ajty. Ja ëxëëkpë yë'ë oy mtsojktëp, xim yam ja to'oxytyëjk xymyëët'atë ëkë ja to'oxytyëjkëty xim yam ja ye'etyëjk tmëët'atë.

Proverbios 9:18

Ka'ap nijawëtë ko tëkokyë jënu'un të twoyën aak o'këntum yajpaatë.

Proverbios 7:27

Ko jam pën nyijkxy ma tyëjkën, jëtu'un tä jeexyë pën nyijkxyën o'kpë.

Proverbios 2:18

Ko ja ja'ay jam nyijkxy ma jëtu'unpë ja to'oxytyëjkën, jëtu'un tpaaty tä jeexyë jam nyijkxyën ma o'ktaknën.

Proverbios 23:28

Jëtu'un nyë'ëtän tyu'utänë tä tu'uk yë mä'tspën, ets may yë ye'etyëjktëjk tyajnë'ëtëkoy tyajtu'utëkoy.