Proverbios 6:23 - Biblia Dc en Mixe de Quetzaltepec

²³ Mëtëy yë'ë ko yë ënä'ämën tëyajtën ets ijxpëjkën xëmë tyi'kxy jyäjy. Ko tii nyajtukmëkajpxmëty ets ko nyaj'ëëwij nyajkajpxwijmëty, jëtu'un tä ntu'upatmëtyën ma juukyajtënën.

Biblia Mixe de Quetzaltepec

²³ Mëtëy yë'ë ko yë ënä'ämën tëyajtën ets ijxpëjkën xëmë tyi'kxy jyäjy. Ko tii nyajtukmëkajpxmëty ets ko nyaj'ëëwij nyajkajpxwijmëty, jëtu'un tä ntu'upatmëtyën ma juukyajtënën.

Proverbios 6:23 ပူးပေါင်းရင်းမြစ်များ

Salmos 119:105

Yë m'aaw m'ayuk yë'ëjës xykyutë'kxp maas nnëëye'ey ntu'uye'eyën, ets jëtu'un yë'ë tä tu'uk yë jajën të'kxënën ntu'ujotyës.

2 Pedro 1:19

Yë'ë ya'atë aaw ayuk yajtëytyëjkëy mëti'ipë tëëyëp ja Dios ja kyäjpxynyajxpëtëjk nyikajpxtën ets tyam miitsëty të xymyëpëktë. Ya'atë aaw ayuk jëtu'un yë'ë tä tu'uk yë kutë'kxnën akootstuuy, koonëm xyiinyëty ets ja jaayxyëëw pyëtsëmëty mëti'ipë kyutë'kxëpën ja jot winma'any.

Salmos 19:8

Yë Wintsën yë y'ënä'ämën wa'ats yë'ë, paaty tyajminy yë xoontakën ma jot winma'anyën. Yë Wintsën yë y'ënä'ämën yë'ë mëti'ipë oyën, paaty oy yaj'ixy ko yajpatuny.

Proverbios 15:31

Mëti'ipë ja'ay kyupëjkpyën ja näy'ojë mëti'ipë oy yajjuuky'ajtpën, nëjkxëp jam yajpaaty ma wijyjyä'äytyëjkën.

Proverbios 4:13

Jat nijawë winë ets këtii xyjyä'äytyëkoyëty. Yë'ë patun ets mmo'ojëtëty yë juukyajtën.

Proverbios 4:4

yë nteetyës ojtsës näjyëtu'un xyaj'ixpëky. Yajwë'ëm akëpäjky yë n'aaw n'ayukës. Yë'ë jëtu'un mtunëp mëti'ipë yam ntuk'ëne'empyën ets mjuuky'atëty.

Jeremias 21:8

Tuk'ëwaanë näjyëtu'un yë naax kajpn ko ëjts mëti'ipë Wintsën'ajtpën, näjyëtu'unës n'ënëëmëtë; ko wä'än twin'ixtë mëti'ipë tsyojkën'ajtëpën, pën yë'ë juukyajtën ëkë pën yë'ë o'kën.

Proverbios 29:15

Mëët yë näywyop näkya'atsë ja'ay tii tjaty, yë u'unk ëna'k mëti'ipë yajtsojkni'ikëpën je'eyë tyaak tyajtsëtyuny.

Proverbios 15:24

Yë juukyajtën anëkëjxytsyow yë nyitu'u pya'tëkë ets yajnitsokp ja wijyjyä'äy këtiipë jap kya'ajëty o'këntujp.

Salmos 141:5

Mëyajtën ënety tu'uk yë oyjyä'äy tyuunpy koos xytyukkumëtowëty maas tii oy nkatunyën, jëtu'unës njawëty tä tu'uk yë on pya'akxuukyën koos xy'ojëty ka'apës jëtu'unpë nwiinkjawëja'any oy mëk njamëtowëtyës ëjts je'eyëmës Dios nmëkajpxa'any.

Apocalipsis 2:5

Paaty mëmay mëtaj ma të mka'ayën, ja'amyäts ja Dios ets xytyuntëty ja oypyë jatëkok ijxtëm më'ëka'anyën. Pën ka'ap, ninëjkxëp yë'ë ets njëpëka'anyës ja mcera ato'oyën ma y'ityën, e ko mjootwinpitëty ka'ap jëtu'un jyatëty.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Proverbios 3:18

Yë ja'ay mëti'ipë wijyën, ets mëti'ipë winë nyija'apën, mëj këjää yë juukyajtën tpaaty t'ixy, janty jotkujk ja ja'ay yajpaaty mëti'ipë tyukjajtypyën wi'ix jëtu'unpë tyajwë'ëmëtyën jyootjoty kyëpajkjoty.

Proverbios 5:12

ets nëjkx mja'ënanë: Wi'ixës ko ojts n'ëkjëjpmëkajpxëpë ja näkyajpxtë'ëwën, wi'ixës ko ojts nkatunyë këwentë ja näwyijtswinpitë.

Génesis 39:8

José ka'ap tkupëjky ets t'ëtsooy: Ëk'ix yë nwintsënës yë'ëjës të xytyukmëwë'ëmta'ay winë mëti'ipëjaty myëët'ajtypyën ets koos yaa n'ity, ka'ap mëpaat tii xymyëmay xymyëtajy.

Salmos 119:130

Ko yë m'aaw m'ayuk yajkäjpxy yajmëtyä'äky, kyutë'kxyp yë jot winma'any, ets yajwijytyäkpy yë ja'ay mëti'ipë yu'unk naxym ja'ay'ajtpën.

Proverbios 10:17

Mëti'ipë ja'ay kyupëjkpyën ma winë yajtukmëkäjpxyën ko tii oy tkatuny, yë'ë në'ë tu'u oypyë pyijkpy mëti'ipë ja juukyajtën mo'ojëtëpën; e mëti'ipë ka'ap tkupëkyën kë'ëm nyäyajtëkoyë.

Eclesiastés 7:5

Ni'ik tsyowpaaty ko tu'uk wijyjyä'äy xy'ojmëty ets këtii ko tu'uk tsuuja'ay xytyukxoontakmëty.

Eclesiastés 7:26

Tëës npaaty tu'uk yë winma'any mëti'ipë yajma'typën yë juukyajtën: tu'uk yë to'oxytyëjk mëti'ipë yë jot winma'any je'eyë tyuk'ëyi'kpyën ets tyajjaty yë aaw jot tsumpyën xotypyën. Mëti'ipë ja'ay jyä'ämyejtsypyën yë Dios kyukä'äkëp yë jëtu'unpë, e mëti'ipë najtspëkë ja'ay'ajtpën poj'am jam kya'ajëty.

Ezequiel 20:11

jam nmooytyës yë n'ënä'ämënës ntëyajtënës ets nkutujkënës, mëti'ipë yajjuuky'ajtpën ko ja'ay tpatuny.