Proverbios 6:19 - Biblia Dc en Mixe de Quetzaltepec

¹⁹ Ko ja'ay nipi'tskäjpxy myëku'uk, ets ko ja'ay yajtsiptuny.

Biblia Mixe de Quetzaltepec

¹⁹ Ko ja'ay nipi'tskäjpxy myëku'uk, ets ko ja'ay yajtsiptuny.

Proverbios 6:19 ပူးပေါင်းရင်းမြစ်များ

Salmos 27:12

këtiis xykyë'ëyakëty ijxtëm tjatsoktën, ëjts tëës yë ja'ay xynyipëtë'ëktë, mëti'ipë je'eyë poky'ixtaaytyëpën ets tsip'ixtaaytyëpën.

Salmos 35:11

Tä ja'ay mëti'ipë poky nyikajpxëpën ka'apë myëtëyëtyën ets ënät tyajtëwtë ka'apës nijawën.

Éxodo 20:16

Këtii ëxëëkjaty tëkatsyjyäty xynyikajpx xynyimëtya'akëty yë mjëëky mëku'uk.

Éxodo 23:1

Këtii tii tëkatsyjyäty xynyipaye'eyëty ets këtii xy'apupätëty ja mëti'ipë pokymyëëtën, këtiipë tyekymya'atëty ja tëyajtën ets ja yajnipaye'eyën.

Proverbios 12:17

Ja'ay mëti'ipë tii mëtëy të t'ixyën, mëtëy tii tnimëtyä'äky, e mëti'ipë ka'ap tii të t'ixyën je'eyë nëkoo y'antä'äky.

Proverbios 14:5

Ja ja'ay mëti'ipë tii të t'ixyën mëtëy tii tnimëtyä'äky; e mëti'ipë ka'ap tii të t'ixyën yë'ë antakp.

Proverbios 16:28

Yë ja'ay mëti'ipë ëxëëk yë jyot wyinma'anyën je'eyë xëmë jyänty tsyip'ixta'ay; yë ja'ay mëti'ipë pi'tskajpxpën, je'eyë myëku'uk tyajnämyëtsiptsoonyë.

Proverbios 19:5

Ja'ay mëti'ipë tii tëkatsy nyikäjpxypën ets ka'ap kë'ëm të t'ixy kopkpëky ko tkumëtowëty. Mëti'ipë ja'ay je'eyë antakpën, ka'ap muum oy pyëtsëmëty.

Proverbios 19:9

Ja'ay mëti'ipë tii tëkatsy nyikäjpxypën ets ka'ap kë'ëm të t'ixy kopkpëky ko tkumëtowëty; Mëti'ipë ja'ay je'eyë antakpën, yë'ë ëwxijtëp o'kën.

Proverbios 21:28

Yë ja'ay mëti'ipë ënaanpën ko tëë tii t'ixy ets ka'ap jyëtu'unëty, nëjkxëp y'atëkoy. Mëti'ipë ja'ay tyukjajtypyën wi'ix winë yajxon tmëtoowkukëty, tyukjajtyp wi'ix y'ëtsoowinpitëtyën.

Proverbios 22:10

Ko yaj'ixkexy yë ja'ay mëti'ipë je'eyë jotmay y'ixkujkëpën, myënëjkxyp näjyëtu'un ja tsyip y'äkë, jëtu'un jäpaat kyixy nyäxy ja tsip käjpxy ets ja näyajjotkëxë.

Proverbios 25:18

Jëtu'un tä tëypyujxnën ets ti'pxnkepyën janty jëjpxu'unypë, jëtu'un ja ja'ay nyäxy mëti'ipë ja jyiiky myëku'uk nyi'ë'ënëpën wiinkjaty.

Proverbios 26:20

Ko ja'axy kya'ity pi'tsp yë jëën, näjyëtu'un ko yë ja'ay kyapi'tskäjpxy, këjxp yë tsip.

Proverbios 6:14

Ja jyot wyinma'any ëxëëk yajpaaty, aakjä'ä myääpy tyäjpy wi'ix winë ëxëëk tunëtyën ets wi'ix pën tyajjoot'anpëkëtyën.

Proverbios 8:13

Ko Dios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

Mateo 26:59

Ja teety wintsëntëjk, ja mëjja'aytyëjk ets ja ijxpëkyjyä'äytyëjkëty yajxon ja winma'any t'ixta'atë wi'ix ja Jesús tyajpokytyëkëja'antën ets tyaj'ooka'antë.

Hechos 6:13

Näy ojts t'ixta'atë ja ja'ayëty mëti'ipë nyi'antaakëtëpën ja Esteban, ets y'ëna'antëty: Ya'atë ja'ay, xëmë tni'ojë yë mëjtsajptëjk ets Moisés yë y'ënä'ämën.

2 Timoteo 2:23

Këtii xymyëjpëjkta'akëty yë näkyäjpxytsyiikë mëti'ipë ka'ap tsyoowpaatyën; jä'ä ko jëtu'unpë jä'ä y'awinpity tsip.

Santiago 3:18

Mëti'ipë tsyojktëpën ets jyää'atëty ja jotkujk'ajtën, yë'ë nyiptëp kyojtëp ja jotkujk'ajtën ets tuk'oy'ata'antë ja oypyë ja nipaye'eyën.