Proverbios 6:15 - Biblia Dc en Mixe de Quetzaltepec

¹⁵ Paaty yë'ë ajotkumonë ëyo'on jotmay tyukëta'aka'anyë; tu'k ijxmi'kxyë o'ktëy jyata'any, ets ka'ap nëjkx y'ëktsooypyatnë.

Biblia Mixe de Quetzaltepec

¹⁵ Paaty yë'ë ajotkumonë ëyo'on jotmay tyukëta'aka'anyë; tu'k ijxmi'kxyë o'ktëy jyata'any, ets ka'ap nëjkx y'ëktsooypyatnë.

Proverbios 6:15 ပူးပေါင်းရင်းမြစ်များ

Jeremias 19:11

ets xy'ënëëmëtëty: Yë Wintsën mëti'ipë maaytyääyëpën winë, jëtu'un y'ënä'äny: Jëtu'unës ya'atë naax kajpn ntuna'any tä ja'ay tu'uk yë naaxtu'ts tukpu'ujën ets ka'ap tjëkyepy wi'ix nyaj'o'oyëmëty jatëkok. Nëjkxëp jam Tofet ja'ay nyäyajnaaxtëkëty, jä'ä ko ka'ap ënety ma t'ëkjëkyäjpnë nyaaxtëkëtëty.

2 Crónicas 36:16

Yë'ëjëty ka'ap tmëjpëjktaktë ja aaw ayuk, je'eyë tnëxik tukxiktë mëti'ipë ja Wintsën jyakajpxën; koonëm ja Wintsën yajxon tyajjoot'anpëjktë ets ka'ap ojts t'ëkjëkyäjpnë wi'ix jyotxäämëtyën.

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

Proverbios 1:27

ko ënety mniminëtë ja tsë'ëkë ets ja amay jotmay, ko ënety ka'ap tii xy'ëktukxoontaknëtë ma mpëkëtën m'ixëtën ets ko jëtu'un mnimiinëtëty ja ëyo'on jotmay tä tu'uk yë pojxujtykyën.

Proverbios 29:1

Mëti'ipë ja'ay juun yë jyot wyinma'any pyëjktäkpyën ko yaj'ojy, ka'ap jeky jyuuky'ata'any; ets ni pën jää kya'ëna'anëty ëkë wi'ix ko të y'ooky.

Salmos 50:22

Ja'aykyukëtë yajxon ya'atë, miitsëty jënu'un yë Dios ijxtëkoy ja'atyëkoy xyaj'itën, këtiipë ajotkumonë n'awots ntukwotsëtëty ëkë ëxëëk ntuntëty ma ka'ap pën myajtso'oka'anëtën.

Salmos 55:15

Jääpëk yë nmëtsiptëjkës yë o'kën tyukja'tëtë ajotkumonë, ëkë jeexyë ajuukyë kyuka'anaxtë jutjoty, jä'ä ko yë'ëjëty yi'iyë yë ëxëëkajtën jap jyootjoty wyinma'anyotyëty.

Proverbios 1:26

Näyjyëtu'unës nëjkx jëna'a nxikpë ko ënety mpaatëtë ja ëyo'on jotmay. Nëjkxëp näjyëtu'un jëna'a ntukxiktëpë ko ënety jam m'ookanëtë mëët ja tsë'ëkë,

Proverbios 6:16

Tëtujk ets wëxtujk ja winma'any mëti'ipë Wintsën y'ëxëëk'ijxypyën:

Proverbios 14:32

Yë ëxëëk ja'ay kë'ëm ëxëëk nyätyunyë ko ëxëëk y'ëti'itsy y'ënä'äny; e yë ja'ay mëti'ipë tëy tëtä'äky winë tyuunpyën, yë'ë kuwanëp ma mëtëy tyu'uye'eyën.

Proverbios 24:16

Yë'ë, oy jëna'ajëty ëxëëk jyäty kyëpety, jotkujkëp jatëkok; e yë ëxëëkja'aytyëjk pën tëë ja ëxëëkpë tyukja'tëtë, nijëna'a kya'ëkjotkujktaknëtëty.

Proverbios 24:22

jä'ä ko yë'ëjëty wäänë oy y'itë ets ëxëëk jyata'an kyëpäta'antë, ni pën tkanijawë tii tëytyu'unën mo'ojanëtëp yë Dios mëti'ipë ënä'ämp yajkutujkpën.

Ezequiel 11:13

Tamës ënety ja Dios ja y'aaw y'ayuk nimëtyakë, ko ojts yë Pelatías jyëpijpkëtä'äky ooky, yë Benaías yë myaank. Ënätës nwintäky nnaaxkooy etsës mëk nyujkyäxy, n'ënanyës: Wintsën, ¿tyam jyaniwäänë'ajtpë yë Israel ja'ayëty ets ni'ikyë xyjyaak timy yajkutëkoyä'änyë?